ମହାରାଷ୍ଟ୍ରର ଔରଙ୍ଗାବାଦରେ ଦେଖିବାକୁ ମିଳିଛି ଏକ ଘଟଣା ଯାହା ସମସ୍ତଙ୍କୁ ଅନୁପ୍ରାଣିତ କରିଛି । ଔରଙ୍ଗାବାଦର ଭୋସ୍ଲେ ପରିବାରରେ ଦ୍ୱିତୀୟ ଥର ଶିଶୁ କନ୍ୟା ଜନ୍ମ ନେବା ପରେ ଶିଶୁ କନ୍ୟାର ପିତା କରିଥିବା କାମକୁ ସମସ୍ତେ ପ୍ରଶଂସା କରିଛନ୍ତି । ଆଜିକାଲି ଶିଶୁ କନ୍ୟାକୁ ବୋଝ ବୋଲି ଭାବି କିଛି ପରିବାର ଭ୍ରୁଣ ହତ୍ୟା କରିବା ସହ ଝିଅ ଜନ୍ମ ପରେ ତାକୁ ରାସ୍ତା କଡ଼ରେ ଛାଡ଼ି ଦେଉଛନ୍ତି । ଏପରି ପରିସ୍ଥିତିରେ ଭୋସ୍ଲେ ପରିବାର କରିଥିବା କାମ ସମସ୍ତଙ୍କୁ ପ୍ରଶଂସା କରିବାକୁ ବାଧ୍ୟ କରିଛି । ଶିଶୁ କନ୍ୟାର ପିତା ଦୀପକ ଭୋସ୍ଲେ ନିଜ ସ୍ତ୍ରୀ ଶୀତଲ ଏବଂ ଝିଅକୁ ଘରକୁ ନେବା ପାଇଁ ବୁଧବାର ୨୦ଲକ୍ଷ ଟଙ୍କାର କାର୍ କିଣିଥିଲେ ବୋଲି ଜଣାପଡ଼ିଛି । ଏହା ଡ଼ାକ୍ତରଖାନା ବାହାରେ ସେମାନଙ୍କୁ କାର୍ ପର୍ୟ୍ୟନ୍ତ ଛାଡ଼ିବା ପାଇଁ ବ୍ୟାଣ୍ଡ ବାଜାର ମଧ୍ୟ ବ୍ୟବସ୍ଥା କରିଥିଲେ ଦୀପକ ।
Kanak News is now on WhatsApp
Join and get latest news updates delivered to you via WhatsApp
ଦୀପକଙ୍କ କହିବା ଅନୁଯାୟୀ ଝିଅ ଗୋଟିଏ ନୁହେଁ ବରଂ ଦୁଇଟି ପରିବାର ସମ୍ଭାଳିବା ସହ ସମସ୍ତଙ୍କୁ ଖୁସିରେ ରଖିଥାଏ । ମୋର ଦୁଇଟି ଝିଅ ହୋଇଥିବାରୁ ମୁଁ ବହୁତ ଖୁସି । ଭଗବାନ ମୋତେ ମୋ ପୁଣ୍ୟର ଫଳ ଦେଇଛନ୍ତି । ଅନ୍ୟ ପକ୍ଷରେ ଝିଅକୁ ନିଜ ଘରକୁ ନେବା ପାଇଁ ଦୀପକ କରିଥିବା ଯୋଜନା ସମସ୍ତଙ୍କୁ ଅଶ୍ଚର୍ୟ୍ୟ କରିଥିଲା । ଦୀପକକୁ କୌଣସି ଚାକିରି ମିଳିଥିବାରୁ ସେ ଏପରି କରିଛନ୍ତି ବୋଲି କିଛି ଲୋକ ଭାବୁଥିବା ବେଳେ ପ୍ରକୃତ କଥା ଜାଣି ସମସ୍ତେ ଆଶ୍ଚର୍ୟ୍ୟ ହୋଇ ଯାଇଥିଲେ । ଦୀପକଙ୍କ ଏହି କାମ ଭ୍ରୁଣ ହତ୍ୟା କରୁଥିବା ମାତା-ପିତାମାନଙ୍କୁ ଦ୍ୱିତୀୟ ଥର ଭାବିବାକୁ ବାଧ୍ୟ କରିବ ।