କମେଡିଆନ ଭାରତୀ ସିଂଙ୍କ ଘରେ ବାଜିବ ଶାହାନାଈ । ନିଜର ମଜାଳିଆ ସ୍ୱଭାବ, ଫନି ଲୁକସ୍ ଓ କମେଡି ଟାଇମିଙ୍ଗରେ ସମସ୍ତଙ୍କୁ ହସାଉଥିବା ଭାରତୀ ଖୁବ୍ ଶ୍ରୀଘ ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି । ଗତ ରବିବାର ଭାରତୀ ତାଙ୍କ ବୟଫ୍ରେଣ୍ଡ ହର୍ଷ ଲିମ୍ବାଚୀଆଙ୍କ ସହ ନିଜର ପରିବାର ଓ କିଛି ଅନ୍ତରଙ୍ଗ ବନ୍ଧୁଙ୍କ ଗହଣରେ ପଞ୍ଜାବୀ ପରମ୍ପରା ଅନୁସାରେ କରିଛନ୍ତି ରୋକା । ହର୍ଷ ହେଉଛନ୍ତି “କମେଡି ନାଇଟସ ବଚାଓ’ର ଲେଖକ ଏବଂ ବିଗତ ଦୁଇ ବର୍ଷ ହେଲା ସେମାନେ ରିଲେସନସିପରେ ଥିଲେ ବୋଲି ଜଣାପଡିଛି।
Kanak News is now on WhatsApp
Join and get latest news updates delivered to you via WhatsApp
ଏଇ ରୋକା ଉତ୍ସବରେ କୃଷ୍ଣା ଅଭିଷେକ,କଶ୍ମୀରା ଶାହା ଓ “କମେଡି ନାଇଟସ ବଚାଓ’ର ପ୍ରଯୋଜକ ବିପୁଳ ଡି ଶାହା ମଧ୍ୟ ଉପସ୍ଥିତ ଥିଲେ । କେବଳ ଏତିକି ନୁହଁ କ୍ରୀଷ୍ଣା,ଉକ୍ତ ପାର୍ଟିରେ ଠୁମକା ମଧ୍ୟ ଲଗାଇଥିବାର ନଜର ଆସିଥିଲେ । ହର୍ଷ ଓ ଭାରତୀ ଏବର୍ଷ ନଭେମ୍ବରରେ ବିବାହ ବନ୍ଧନରେ ବାନ୍ଧି ହୋଇପାରନ୍ତି ଏବଂ ଏବର୍ଷ ଏହାସହ ଆସୁଥିବା “ନଚ ବଲିୟେ’ ସିଜିନରେ ମଧ୍ୟ ଭାଗ ନେବେ ବୋଲି ସୂଚନା ମିଳିଛି ।