ଭଦ୍ରକ : ପୂର୍ବତନ କଂଗ୍ରେସ ସଭାପତି ସୁରେଶ ରାଉତଙ୍କ ଘରେ ବୋମାମାଡ଼
କନକ ବ୍ୟୁରୋ : ଭଦ୍ରକ ଜିଲ୍ଲା ବନ୍ତ ବ୍ଲକର ପୂର୍ବତନ କଂଗ୍ରେସ ସଭାପତି ସୁରେଶ ରାଉତଙ୍କ ଘରେ ବୋମାମାଡ଼ । ଗତକାଲି ବିଳମ୍ବିତ ରାତିରେ କେହି ଦୁର୍ବୃତ ତାଙ୍କ ଘର ଉପରକୁ ବୋମାମାଡ କରିଛନ୍ତି । ତେବେ ପୂର୍ବ ଶତ୍ରୁତାକୁ କେନ୍ଦ୍ରକରି ଏଭଳି ଘଟିଥିବା ଅଭିଯୋଗ ଆଣିଛନ୍ତି ପରିବାର ଲୋକେ ।
Kanak News is now on WhatsApp
Join and get latest news updates delivered to you via WhatsApp
ଗତମାସ ଫେବୃଆରି ୧୭ ରେ ସୁରେଶ ଦଳୀୟ କାର୍ଯ୍ୟସାରି ଭଦ୍ରକରୁ ଘରକୁ ଫେରୁଥିବାବେଳେ ପଳସା ଛକ ନିକଟରେ ବିଜେଡ଼ି ସମର୍ଥକ ମାନେ ବୋଲେରୋ ଚଢାଇ ତାଙ୍କୁ ଯୋଜନା ବଦ୍ଧଭାବେ ହତ୍ୟା କରିଥିଲେ । ଏହି ଘଟଣାରେ ପୋଲିସ ମୁଖ୍ୟ ଅଭିଯୁକ୍ତ ସୁରେନ୍ଦ୍ର ବିଶ୍ୱାଳଙ୍କୁ ଗିରଫ କରି କୋର୍ଟ ଚାଲାଣ କରିଛି । ପୂର୍ବ ଶତୃତାକୁ କେନ୍ଦ୍ରକରି କେହି ଦୁର୍ବୃତ ସୁରେଶଙ୍କ ଘର ଉପରେ ବୋମାମାଡ଼ କରିଥିବା ଅଭିଯୋଗ ହୋଇଛି । ତେବେ ଘଟଣା ସ୍ଥଳରେ ପୋଲିସ ପହଂଚି ତଦନ୍ତ କରିଛି ।