ମହାକାଶରେ ମଧ୍ୟ ଅଛି ଏକ ବରମୁଡା ଟ୍ରାଙ୍ଗେଲ୍ : ଯେଉଁଠି କାମ କରିବା ବନ୍ଦ କରିଦିଏ ଅନ୍ତରୀକ୍ଷ ଉପକରଣ
ସମୂଦ୍ର ରେ ବରମୁଡା ଟ୍ରାଙ୍ଗେଲ୍ ବିଷୟରେ ଆପଣ ଶୁଣିଥିବେ କିନ୍ତୁ ମହାକାଶରେ ଥିବା ପ୍ରଥମ ଥର ପାଇଁ ଜାଣିବେ । ସମୁଦ୍ର ଭଳି ମହାକାଶରେ ମଧ୍ୟ ଅଛି ବରମୁଡା ତ୍ରିକୋଣ । ସେଠି ମହାକାଶ ଯାନର କମ୍ପ୍ୟୁଟର ଓ ସାଟେଲାଇଟ ଓ ଅନ୍ୟାନ୍ୟ ଉପକରଣ କାମ କରିବା ବନ୍ଦ କରି ଦିଏ । ମହାକାଶର ଏହି ଅଂଚଳ ଦକ୍ଷିଣ ଆଟଲାଣ୍ଟିକ ମହାସାଗର ଏବଂ ବ୍ରାଜିଲ ଆକାଶର ଠିକ ଉପରେ ଅବସ୍ଥିତ । ଏହାକୁ ଦକ୍ଷିଣ ଅନୋମଲୀ କୁହାଯାଏ । ଯେତେଦୂର ସମ୍ଭବ ମହାକାଶ ଯାତ୍ରୀ ଏହି ଅଂଚଳରୁୁ ଦୂରେଇ ରହିବା ପାଇଁ ଚେଷ୍ଟା କରନ୍ତି । ଠିକ୍ ସେହିପରି ଯେମିତି ସମୂଦ୍ର ରେ ଉତ୍ତର ଆଟଲାଣ୍ଟି ସାଗରର ପଶ୍ଚିମରେ ଅବସ୍ଥିତ ବରମୁଡା ଟ୍ରାଙ୍ଗେଲରେ ବହୁ ସଂଖ୍ୟାରେ ଉଡାଜାହାଜ ଓ ପାଣି ଜାହାଜ ଅଦୃଶ୍ୟ ହୋଇଯାଆନ୍ତି । ଏହି ରହସ୍ୟମୟୀ ଅଂଚଳର ଅବସ୍ଥିତି ପଛରେ ଅନେକ କାରଣ ଅଛି ,ଯାହାର ସ୍ଥାୟୀ ସମାଧାନ ଏପର୍ଯ୍ୟନ୍ତ ଜଣାପଡି ନାହିଁ । ତେବେ ବର୍ତ୍ତମାନ ମହାକାଶରେ ପୁଣି ବରମୁଡା ଟ୍ରାଙ୍ଗେଲ ଭଳି ସ୍ଥାନ ଲୋକଙ୍କୁ ଆଶ୍ଚର୍ଯ୍ୟରେ ପକାଇଛି ।
Kanak News is now on WhatsApp
Join and get latest news updates delivered to you via WhatsApp
ଦ୍ୱିତୀୟ ଥର ଦକ୍ଷିଣ ଅନୋମଲୀ ଅତିକ୍ରମ କରିଥିବା ନାସାର ମହାକାଶ ଯାତ୍ରୀ ଟେରୀ ବଟସଙ୍କ କହିବାନୁସାରେ ପ୍ରଥମ ମହାକାଶ ମିଶନରେ ହିଁ ତାଙ୍କୁ ଏ ବିଷୟରେ ଜଣାପଡିଥିଲା । ଆଜିକାଲି ବ୍ୟକ୍ତିଗତ କମ୍ପାନୀ ଗୁଡିକ ମହାକାଶ ଯାନ ଉପରେ କାମ କରୁଥିବାରୁ , ଏଥିରୁ ବଂଚିବା ଜରୁରୀ ହୋଇପଡିଛି । ବୈଜ୍ଞାନିକଙ୍କ ଅନୁସାରେ, ସୂର୍ଯ୍ୟରୁ ଆସୁଥିବା ବିକିରଣକୁ ପୃଥିବୀର ଶକ୍ତିଶାଳୀ ଚାର୍ଜ କଣିକା ସ୍ତର (Van Allen Radiation Belt) ରୋକିବାରେ ସହାୟକ ହୁଏ । ଏହି ସ୍ତରରେ ସୂର୍ଯ୍ୟର ବିକିରଣ ଧକ୍କା ହୋଇ ମହାକାଶରେ ବିଚ୍ଛୁରିତ ହୋଇଯାଏ । ଯେହେତୁ ପୃଥିବୀ ଗୋଲ ନୁହେଁ ମେରୁ ଗୁଡିକରେ ଚେପଟା ଓ ମଝିରେ ମୋଟା, ସେଥିପାଇଁ ଚାର୍ଜ କଣିକା ସ୍ତର ମଧ୍ୟ ମେରୁ ଗୁଡିକର ପାଖକୁ ଆସି ପୃଥିବୀର ଅଧିକ ନିକଟତର ହୋଇଯାଏ । ତେଣୁ ଏହି ଇଲାକାରେ ବିକିରଣର ବେଶି ପ୍ରଭାବ ଦେଖାଯାଏ । ଏହି ଇଲାକାଟି ମହାକାଶର ବରମୁଡା ଦକ୍ଷିଣ ଆଟଲାଣ୍ଟିକ ଅନୋମଲୀ ନାମରେ ପରିଚିତ ।
ବୈଜ୍ଞାନିକ ଏହି ବିକିରଣରୁ ବଂଚିବା ପାଇଁ ୨୩ କିଲୋଗ୍ରାମ ଓଜନର ବ୍ୟାଗର ସହାୟତାରେ ଏକ ପାଣିର କାନ୍ଥ ଛିଡା କରାନ୍ତି । ଏହା ଫଳରେ ବିକିରଣ ପାଣିକୁ ଅତିକ୍ରମ କରିପାରେନି । ମେରୁରେ ପୃଥିବୀ ଓ ସୂର୍ଯ୍ୟର କିରଣ ସବୁ ଧକ୍କା ହୋଇ ସବୁଜ ଆଲୁଅ ତିଆରି କରନ୍ତି । ଉତ୍ତର ମେରୁରେ ଏହି ଦୃଶ୍ୟକୁ ଦେଖିବା ପାଇଁ ହଜାର କି.ମିରୁ ଦର୍ଶକ ଆସନ୍ତି ।