ଶାଶୁ ଘରକୁ ଫେରିବେ ମା’ : ଆଜି ବୁଢୀ ଠାକୁରାଣୀ ଯାତ୍ରାର ଶେଷ ଦିନ
କନକ ବ୍ୟୁରୋ : ଆଜି ଶେଷ ହେବ ବ୍ରହ୍ମପୁରର ପ୍ରସିଦ୍ଧ ମା’ ବୁଢୀ ଠାକୁରାଣୀ ଯାତ୍ରା । ଦୀର୍ଘ ୩୦ ଦିନ ହେବ ଚାଲିଥିବା ଏହି ଯାତ୍ରାର ଆଜି ହେଉଛି ଶେଷ ଦିନ । ଆଜି ବିଳମ୍ବିତ ରାତିରେ ମୁଖ୍ୟ ମନ୍ଦିରକୁ ଫେରିବେ ମାଆ ବୁଢୀ ଠାକୁରାଣୀ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ଦିନ ଧରି ଅସ୍ଥାୟୀ ମଣ୍ଡପରେ ପୂଜା ପାଉଥିବା ମାଆଙ୍କୁ ଦର୍ଶନ କରିବାକୁ ଆଜି ଭକ୍ତଙ୍କ ଭିଡ ଜମିଛି । ଯାତ୍ରାର ଶେଷ ଦିନରେ ଅସ୍ଥାୟୀ ମଣ୍ଡପରେ ମାଆଙ୍କୁ ଦର୍ଶନ କରିବାକୁ ପ୍ରାୟ ୫୦ ହଜାରରୁ ଅଧିକ ଲୋକଙ୍କ ସମାଗମ ହୋଇଛି । ଏଥି ପାଇଁ ସୁରକ୍ଷା ବ୍ୟବସ୍ଥାକୁ ମଧ୍ୟ କଡାକଡି କରାଯାଇଛି । ୧୫ ପ୍ଲାଟୁନରୁ ଅଧିକ ପୋଲିସ ଫୋର୍ସ ମୁତୟନ କରାଯାଇଛି । ଶତାଧିକ ପୋଲିସ ଅଧିକାରୀ ଉପସ୍ଥିତ ରହି ସୁରକ୍ଷା ବ୍ୟବସ୍ଥାର ଯାଂଚ କରୁଛନ୍ତି ।