ନଡିଆ ତେଲରେ ରହିଛି ଅନେକ ଗୁଣ ! ସ୍ୱାସ୍ଥ୍ୟ ସହ ଚେହେରା ଚମକାଇଥାଏ ନଡିଆ ତେଲ ।
ହିନ୍ଦୁ ଧର୍ମ ଅନୁସାରେ ନଡିଆକୁ କୁହାଯାଏ ଶ୍ରୀଫଳ। ଏହାକୁ ପବିତ୍ର ଫଳ ଭାବରେ ବିବେଚନା କରାଯାଇଥାଏ । କୌଣସି ଶୁଭକାମ ଯେମିତି ଗୃହ ପ୍ରବେଶ, ଯଜ୍ଞ ଆଦି କାର୍ୟ୍ୟରେ ନଡିଆ ବ୍ୟବହାର କରାଯାଏ। ନଡିଆ ପାଣି ମଧ୍ୟ ସ୍ୱାସ୍ଥ୍ୟ ପାଇଁ ଭଲ। ଏହାକୁ ଆମେ ରୋଷେଇରେ ବ୍ୟବହାର କରିଥାଉ। ନଡ଼ିଆ ତେଲ ମଧ୍ୟ ଦେହ ପାଇଁ ବହୁ ଉପକାରୀ। ଏ ବିଷୟରେ ଆସନ୍ତୁ ଜାଣିବା।-ଯଦି ଆପଣଙ୍କର ପାଦ ଉପରେ ବା କୌଣସି ଭାଗରେ ଇମ୍ଫେକ୍ସନ ହୋଇଥାଏ, ତା’ହେଲେ ଆପଣ ସଙ୍ଗେ ସଙ୍ଗେ ଘରେ ଥିବା ନଡିଆ ତେଲକୁ ସେହି ସ୍ଥାନରେ ମାଲିସ କରନ୍ତୁ। କିଛି ସମୟ ପରେ ଆପଣଙ୍କୁ ଉପଶମ ମିଳିବ।
Kanak News is now on WhatsApp
Join and get latest news updates delivered to you via WhatsApp
-ଯଦି ଆପଣଙ୍କୁ କୌଣସି ଭାଗରେ କୁଣ୍ଡେଇ ହେଉଥାଏ କିମ୍ବା ଜଳିବା ଭଳି ଲାଗୁଥାଏ, ତା’ହେଲେ ନଡିଆ ତେଲ ନେଇ ସେହି ସ୍ଥାନରେ ମାଲିସ କରିଦିଅନ୍ତୁ ଆରାମ ମିଳିବ ।
-ଗରମ ହେଉ କି ଥଣ୍ଡା, ଓଠରେ ନଡିଆ ତେଲ ମାଲିସ କରନ୍ତୁ।
– ଜଡା ତେଲ ଏବଂ ନଡିଆ ତେଲର ମିଶ୍ରଣ କରି ନିଜର ଚେହେରାରେ ମାଲିସ କରନ୍ତୁ। ଆପଣଙ୍କ ତ୍ୱଚା ଚମକି ଉଠିବ।
-ଶୋଇବା ପୂର୍ବରୁ ନିଜ ନଖକୁ ନଡ଼ିଆ ତେଲରେ ମାଲିସ କରନ୍ତୁ।
-ଅଧା ଚାମଚ ବେକିଙ୍ଗ ସୋଡା ଏବଂ ଏକ ଚାମଚ ନଡିଆ ତେଲକୁ ମିଶାନ୍ତୁ । ଏହି ମିଶ୍ରଣରେ ପୁଦିନା ରସ ମଧ୍ୟ ମିଶାଇ ପାରିବେ। କିଛି ସମୟ ଏହି ମିଶ୍ରଣକୁ ଆପଣଙ୍କ ଦାନ୍ତ ଉପରେ ଲଗାନ୍ତୁ। ଦେଖିବେ କ’ଣ ଲାଭ ମିଳୁଛି।
-ନଡ଼ିଆ ତେଲକୁ ମେକଅପ୍ ରିମୁଭର ଭାବରେ ବ୍ୟବହାର କରାଯାଇଥାଏ।