ସ୍କୁଲ ପିଲାଙ୍କ ମେଳରେ ହକି ତାରକା : ସ୍କୁଲ ପିଲାଙ୍କ ସହ ହକି ଖେଳିଲେ, ସେଲଫି ଉଠାଇଲେ ବେଲଜିୟମ ଟିମ
ଚନ୍ଦ୍ରଶେଖରପୁର ଡିଏଭି ସ୍କୁଲରେ ବେଲଜିୟମ ହକି ଦଳ ।
କନକ ବ୍ୟୁରୋ : ସ୍କୁଲ ପିଲାଙ୍କ ମେଳରେ ହକି ଖେଳାଳୀ । ବିଶ୍ୱକପ ହକି ଚାଲିଥିବା ବେଳେ ଖେଳରୁ ଫୁରସତ ପାଇ ଡିଏଭି ସ୍କୁଲରେ ପହଚିଂଛନ୍ତି ବେଲଜିୟମ ଟିମ । ବେଲଜିୟମ ହକି ଖେଳାଳି ଚନ୍ଦ୍ରଶେଖରପୁର ଡିଏଭି ସ୍କୁଲରେ ପହଚିଂବା ପରେ ତାଙ୍କୁ ଜୋରଦାର ସ୍ୱାଗତ କରାଯାଇଥିଲା । ଖେଳାଳୀଙ୍କୁ ଦେଖିବାକୁ ସ୍କୁଲରେ ଛାତ୍ରଛାତ୍ରୀ ଓ ଅଧ୍ୟାପକଙ୍କ ସମେତ ବିଭିନ୍ନ ଲୋକଙ୍କ ଭିଡ ଜମିଥିଲା । ସ୍କୁଲ ପକ୍ଷରୁ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏଥିରେ ସାମିଲ ହୋଇଥିଲେ ବେଲଜିୟମ ହକି ଖେଳାଳୀ । ସ୍କୁଲ ପିଲାଙ୍କ ସହ ବେଲଜିୟମ ଟିମ ହକି ଖେଳିବା ସହ ସେଲଫି ମଧ୍ୟ ଉଠାଇଛନ୍ତି । ରଙ୍ଗବତୀ ଗୀତରେ ସ୍କୁଲ ପିଲାଙ୍କ ସହ ନାଚିଛନ୍ତି ହକି ତାରକା ।
Kanak News is now on WhatsApp
Join and get latest news updates delivered to you via WhatsApp
କେବଳ ଖେଳ ନୁହେଁ ବରଂ ହକି ଖେଳାଳୀ ଓଡିଶାର କଳାକୃତି, ଐତିହ ପର୍ଯ୍ୟଟନ ସ୍ଥଳୀ ଗୁଡିକୁ ଦେଖିବାକୁ ମଧ୍ୟ ମନ ବଳାଉଛନ୍ତି । ହକି ବିଶ୍ୱକପରେ ଭାଗ ନେଇଥିବା ବିଭିନ୍ନ ଦଳ କେତେବେଳେ ସମୁଦ୍ର କୂଳ ତ କେତେବେଳେ ଧଉଳି ସ୍ତୁପ ଭଳି ଅନେକ ସ୍ଥାନକୁ ବୁଲି ଦେଖୁଛନ୍ତି । ୧୬ଟି ଦେଶ ମଧ୍ୟରେ ଗୋଟିଏ କପ୍ ପାଇଁ ଲଢ଼େଇ ଚାଲୁଥିବା ବେଳେ ଆଗାମୀ ମ୍ୟାଚ ପାଇଁ ମନକୁ ହାଲକା କରିବା ପାଇଁ ଏହା ଏକ ଅନ୍ୟତମ ମାଧ୍ୟମ । ଏହା ଦ୍ୱାରା ଦଳର ଉତ୍ସାହ ବଢ଼ିବା ସହ ଓଡିଶାର କଳାକୃତିକୁ ବିଶ୍ୱ ସ୍ତରରେ ଯେଉଁ ଦର୍ଜା ମିଳିଛି ତାକୁ ମନ ଭରି ଉପଭୋଗ କରୁଛନ୍ତି ବିଦେଶୀ ଖେଳାଳୀ ।