ଅହମିଆ ସାହିତ୍ୟିକଙ୍କ ବାସଭବନ ରକ୍ଷା ପାଇଁ ସମ୍ବଲପୁରରେ ଆସାମ ସଂସ୍କୃତି ମନ୍ତ୍ରୀ ! ଆଜି ଜିଲ୍ଲାପାଳଙ୍କୁ ସାକ୍ଷାତ, କାଲି ଭେଟିବେ ମୁଖ୍ୟମନ୍ତ୍ରୀଙ୍କୁ
କନକ ବ୍ୟୁରୋ : ବେଜବରୁଆଙ୍କ ବାସଭବନ ରକ୍ଷା ପାଇଁ ଆସାମ ସରକାରଙ୍କ ପକ୍ଷରୁ ଆରମ୍ଭ ହେଲା ଉଦ୍ୟମ । ଓଡିଶାରେ ପହଂଚିଲେ ଆସାମ ସଂସ୍କୃତି-ଯୁବ ବ୍ୟାପାର ମନ୍ତ୍ରୀ ନବକୁମାର ଡୋଲେ । ତାଙ୍କ ସହ ଆସାମ ମୁଖ୍ୟମନ୍ତ୍ରୀଙ୍କ ମିଡିଆ ପରାମର୍ଶଦାତା ହୃଷିକେଶ ଗୋସ୍ୱାମୀ ମଧ୍ୟ ଓଡିଶାରେ ପହଂଚିଛନ୍ତି । ଆଜି ବେଜବରୁଆ ଜମି ମାମଲା ନେଇ ଉଭୟ ସମ୍ବଲପୁର ଜିଲ୍ଲାପାଳ ସମର୍ଥ ବର୍ମାଙ୍କୁ ଭେଟିବେ । ଏହା ସହ ଆସନ୍ତାକାଲି ଏହି ପ୍ରସଙ୍ଗ ନେଇ ମୁଖ୍ୟମନ୍ତ୍ରୀଙ୍କ ସହ ମଧ୍ୟ ସାକ୍ଷାତ କରିବେ ।
Kanak News is now on WhatsApp
Join and get latest news updates delivered to you via WhatsApp
ଏହି ଅବସରରେ ବେଜବରୁଆ ବାସଭବନ ସଂରକ୍ଷଣ ନେଇ ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋୱାଲଙ୍କ ଅନୁରୋଧ ପତ୍ର ସେମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦେବେ ବୋଲି ଜଣାପଡିଛି । ଆଗାମୀ ଦିନରେ ବେଜବରୁଆଙ୍କ ଏହି ବାସଭବନକୁ ସାଂସ୍କୃତିକ ପରିସର ପାଇଁ ଯୋଜନା ରଖିଥିବା କହିଛନ୍ତି ଆସାମ ସଂସ୍କୃତି ମନ୍ତ୍ରୀ ଓ ଆସାମ ମୁଖ୍ୟମନ୍ତ୍ରୀଙ୍କ ମିଡିଆ ପରାମର୍ଶଦାତା ।