ଶିଶୁଙ୍କୁ ପାଉଡ଼ର ଲଗାଉଥିଲେ, କିଛି ବିଶେଷ ଦିଗ ପ୍ରତି ଧ୍ୟାନ ଦିଅନ୍ତୁ . . . .
ସବୁ ବାପା-ମା ତାଙ୍କ ପିଲା ସୁସ୍ଥ ଏବଂ ମଜ୍ବୁତ୍ ରୁହନ୍ତୁ ବୋଲି ଚାହିଁ ଥାଆନ୍ତି । ସେଥିପାଇଁ ସେମାନେ ଭିନ୍ନ ଭିନ୍ନ ପ୍ରକାରର ପଦକ୍ଷପ ନେଇ ଥାଆନ୍ତି । କିନ୍ତୁ ସେମାନେ ନେଉଥିବା ପଦକ୍ଷପ ସେମାନଙ୍କ ପିଲା ପାଇଁ କେତେ ଉପକାରୀ ତାହା ସେମାନେ ଜାଣି ନଥାନ୍ତି । ଉଦାହରଣ ସ୍ୱରୁ ଛୋଟ ପିଲାମାନଙ୍କୁ ଖରା ଦିନେ ହେଉଥିବା ଝାଳରୁ ରକ୍ଷା କରିବା ପାଇଁ ମା’ମାନେ ପାଉଡ଼ରକୁ ବ୍ୟବହାର କରି ଥାଆନ୍ତି । କିନ୍ତୁ ଏହାର ବ୍ୟବହାର ଛୋଟ ଶିଶୁ ଉପରେ କ’ଣ ପ୍ରଭାବ ପକାଉଛି ତାହା ସେମାନେ ଭାବି ନଥାନ୍ତି । ଆଜି ଆମେ ଆପଣଙ୍କୁ ଜଣାଇବୁ କେଉଁ ଭଳି ଭାବରେ ପାଉଡ଼ର ବ୍ୟବହାର କଲେ ଶିଶୁକୁ କ୍ଷତି ପହଞ୍ଚିଥାଏ । ଆସନ୍ତୁ ଜାଣିବା . . . .
Kanak News is now on WhatsApp
Join and get latest news updates delivered to you via WhatsApp
ଶିଶୁକୁ ପାଉଡ଼ର ଲଗାଇବା ସମୟରେ ସିଧା ପାଉଡ଼ରକୁ ତାଙ୍କ ଉପରେ ପକାଇବା ବଦଳରେ ହାତରେ ପାଉଡ଼ର ନେଇ ତାଙ୍କ ଶରୀରରେ ମାଲିସ କରନ୍ତୁ । ଏପରି କରିବା ଦ୍ୱାରା ପାଉଡ଼ରର କଣିକା ସେମାନଙ୍କ ନାକକୁ ଯିବ ନାହିଁ । ଯାହା ଫଳରେ ସେମାନେ ଠିକ୍ ଭାବରେ ନିଶ୍ୱାସ ନେଇ ପାରିବେ । ପିଲାମନଙ୍କ କେବେ ହେଲେ ପାଉଡ଼ର ଡ଼ବା ସହ ଖେଳିବାକୁ ଦିଅନ୍ତୁ ନାହିଁ । ଶିଶୁମାନଙ୍କର ଓଦା ଶରୀରରେ କେବେ ହେଲେ ପାଉଡ଼ର ଲଗାନ୍ତ ନାହିଁ । ଶରୀରକୁ ଭଲ ଭାବରେ ପୋଛିବା ପରେ ହିଁ ପାଉଡ଼ର ଲଗାନ୍ତୁ । ଛୋଟ ପିଲାମାନଙ୍କର ଗୁପ୍ତାଙ୍ଗରେ ପାଉଡ଼ର ଲଗାନ୍ତୁ ନାହିଁ । ଏହା ଦ୍ୱାରା କ୍ୟାନ୍ସର ହେବାର ଆଶଙ୍କା ଅଧିକ ରହିଥାଏ ।