ଓୱୈସିିଙ୍କ ଟାର୍ଗେଟରେ ମୋଦି: କହିଲେ, ପୁଲୱାମା ହମଲା ବେଳେ ବିଫ୍ ବିରିଆନୀ ଖାଇ ଶୋଇଥିଲେ ପ୍ରଧାନମନ୍ତ୍ରୀ
ଆକ୍ରମଣକୁ ନେଇ ବିଜେପି ନେତା ଦେଉଥିଲେ ଭିନ୍ନ ଭିନ୍ନ ତଥ୍ୟ; କଂଗ୍ରେସ ଓ ଗେରୁଆ ଦଳ ମଧ୍ୟରେ ନାହିଁ ପ୍ରାର୍ଥକ୍ୟ
କନକ ବ୍ୟୁରୋ: ପୁଲୱାମା ଆତଙ୍କୀ ହମଲା ବେଳେ ବିଫ୍ ବିରିଆନୀ ଖାଇ ଆରାମରେ ଶୋଇଥିଲେ ପ୍ରଧାନମନ୍ତ୍ରୀ । କିଛି ଏଭଳି ଶବ୍ଦରେ ମୋଦିଙ୍କୁ କଡ଼ା ସମାଲୋଚନା କରିଛନ୍ତି ମୁସଲିମ୍ ନେତା ଅସଦ୍ଦୁଦ୍ଦିନ ଓୱୈସି । ହାଇଦ୍ରାବାଦରେ ଏକ ନିର୍ବାଚନୀ ସଭାକୁ ସମ୍ବୋଧନ କରି ଓୱୈସି କହିଛନ୍ତି ଯେତେବେଳେ ପୁଲୱାମାରେ ସିଆରପିଏଫ୍ ଉପରେ ଆତଙ୍କବାଦୀ ହମଲା ହେଉଥିଲା ସେତେବେଳେ ପ୍ରଧାନମନ୍ତ୍ରୀ ମୋଦି ଶୋଇରହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବାଲାକୋଟରେ ବାୟୁସେନା ଏୟାର୍ ଷ୍ଟ୍ରାଇକ୍ କରିବା ପରେ ବିଜେପି ଅଧ୍ୟକ୍ଷ ଅମିତ ଶାହା ମୃତ ଆତଙ୍କୀ ସଂଖ୍ୟା ୨୫୦ କହୁଥିବା ବେଳେ ଅନ୍ୟ ନେତା ଦେଉଥିଲେ ଭିନ୍ନ ତଥ୍ୟ । ଓୱୈସି କହିଛନ୍ତି କଂଗ୍ରେସ ଓ ବିଜେପି ମଧ୍ୟରେ କୌଣସି ପାର୍ଥକ୍ୟ ନାହିଁ ଓ ଦେଶରେ ନିରପେକ୍ଷତାକୁ ଶେଷ କରିବାକୁ ଉଦ୍ୟମ କରାଯାଉଛି ତେବେ ତାଙ୍କ ଲଢ଼େଇ ଜାରି ରହିବ । ସେହିପରି ଗୁରୁଗ୍ରାମ ସଂଖ୍ୟାଲଘୁ ପରିବାର ଉପରେ ଆକ୍ରମଣ ଘଟଣାରେ ବି ବିଜେପି ଉପରେ ବର୍ଷିଥିଲେ ଏହି ମୁସଲିମ୍ ନେତା । ଓୱୈସି ହାଇଦ୍ରାବାଦ ଆସନରୁ ଚଳିତ ନିର୍ବାଚନ ଲଢ଼ୁଛନ୍ତି ।