କମ୍ପ୍ୟୁଟରକୁ ଆଟାକ୍ କରିବ ’ଲକି’ ! ରାନସମୱେର ଭାଇରସ ନେଇ କ୍ରାଇମବ୍ରାଂଚର ସତର୍କବାଣୀ
କନକ ବ୍ୟୁରୋ: ରାନସମୱେର ଭାଇରସ ନେଇ ସତର୍କ ସୂଚନା ଜାରି କଲା କ୍ରାଇମ ବ୍ରାଂଚ । ଏହି ଭାଇରସ୍ ଏବେ-ଲକି ନାଁରେ ଆସୁଥିବା କୁହାଯାଇଛି । ଏହି ଭାଇରସ ଇମେଲ୍ ଓ କମ୍ପ୍ୟୁଟର ଡାଟାକୁ ନଷ୍ଟ କରିପାରେ ବୋଲି କ୍ରାଇମ ବ୍ରାଂଚ କହିଛି । ତେଣୁ ଅଜଣା ଇମେଲ ନ ଖୋଲିବାକୁ ପରାମର୍ଶ ଦିଆଯାଇଛି । କମ୍ପ୍ୟୁଟରରେ ଆଂଟି ଭାଇରସ୍ ଲୋଡ୍ କରିବାକୁ ପରାମର୍ଶ ଦେଇଛି କ୍ରାଇମ ବ୍ରାଂଚ । ପୂର୍ବରୁ ୱାନାକ୍ରାଏ ଭାଇରସ୍ ଓଡିଶାର ବିଭିନ୍ନ ସରକାରୀ ଓ ବିସରକାରୀ ଅଫିସରେ କମ୍ପ୍ୟୁଟର ଡାଟା ନଷ୍ଟ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ଆମେ କହି ରଖୁଛୁ କି, କେନ୍ଦ୍ର ସରକାର ନୂଆ କମ୍ପ୍ୟୁଟର ଭାଇରସ୍ ଲକି ରାନସମଓୟାରକୁ ନେଇ ଏବେ ଚିନ୍ତିତ ହୋଇ ପଡ଼ିଛନ୍ତି । ଏହି ଭାଇରସ୍ ଆପଣଙ୍କ କମ୍ପ୍ୟୁଟର ସିଷ୍ଟମକୁ ଲକ୍ କରି ପକାଇବ ଓ ଖୋଲିବା ପାଇଁ ବିକଳ୍ପ ବ୍ୟବସ୍ଥା ନ ଥିବାରୁ ଏହି ଭାଇରସ୍ କଲେକସନ୍ (ଅର୍ଥ) ଦାବି କରୁଛି । ଏଣୁ ଏହାର ଆକ୍ରମଣରୁ ସତର୍କ ରୁହନ୍ତୁ ବୋଲି ସରକାରୀ ସ୍ତରରେ ସଚେତନ ହେବାକୁ ପରାମର୍ଶ ଦିଆଯାଇଛି।
ଆପଣଙ୍କ ଇ-ମେଲ ଆଟାଚମେଣ୍ଟ ମାଧ୍ୟମରେ ଏହି ଭାଇରସ୍ ସିଷ୍ଟମ୍ ମଧ୍ୟକୁ ପ୍ରବେଶ କରୁଥିବା ବେଳେ ଏଥିପ୍ରତି ସତର୍କ ରହିବାକୁ ସରକାରଙ୍କ ପକ୍ଷରୁ କୁହାଯାଇଛି । କେନ୍ଦ୍ର ସରକାରଙ୍କ ପକ୍ଷରୁ ମିଳିଥିବା ସୂଚନା ମୁତାବକ ଏହି ଭାଇରସକୁ ସମଗ୍ର ଦେଶରେ ପ୍ରସାରଣ କରିବା ଲାଗି ପ୍ରାୟ ୨୩ ମିଲିୟନ୍ ମେସେଜ୍ ପଠାଇ ଦିଆଯାଇଛି ।
ମେ ମାସରେ ମହାରାଷ୍ଟ୍ର ସରକାର ଏହି ଭାଇରସ୍ ପାଇଁ କ୍ଷତିଗ୍ରସ୍ତ ହୋଇଥିଲେ । ଉକ୍ତ ରାଜ୍ୟର ସଚ୍ଚିବାଳୟରେ ପ୍ରାୟ ୧୫୦ଟି କମ୍ପ୍ୟୁଟର ହଠାତ୍ ଲକ୍ ହୋଇ ପଡିବା ପରେ ଘଟଣା ପଦାକୁ ଆସିଥିଲା । ଲକ୍ ହୋଇପଡିଥିବା ସିଷ୍ଟମରେ ରହିଥିବା କୌଣସି ଫାଇଲ ଖୋଲାଯାଇପାରିଲା ନାହିଁ । ଏହାକୁ ଖୋଲିବା ପାଇଁ ବିକଳ୍ପ ଭାବେ ପ୍ରୋଗ୍ରାମିଂ ମାଧ୍ୟମରେ ଅର୍ଥ ଦାବି କରାଯାଇଥିଲା, ଯାହାକି ଭାଇରସ୍ ଆକ୍ରମଣର ଫଳ ବୋଲି ସେ ସମୟରେ କୁହାଯାଇଥିଲା ।
ସୂଚନାଯୋଗ୍ୟ, ଗତ ମେ ମାସରେ ଭାରତର ସାଇବର ସୁରକ୍ଷା ଏଜେନ୍ସି ଶକ୍ତିଶାଳୀ ରାନସମଓୟାର ଭାଇରସ୍ ‘ଓ୍ଵାନାକ୍ରାଇ’ ବିରୋଧରେ ଇଣ୍ଟରନେଟ୍ ବ୍ୟବହାରକାରୀଙ୍କୁ ସଚେତନ କରାଇଥିଲା ।