ପୋଲିସ୍ ହେବ ତ ଏମିତି ! ଦୁର୍ଘଟଣାଗ୍ରସ୍ତ ବ୍ୟକ୍ତିଙ୍କୁ ରାସ୍ତାରୁ ଉଠାଇ ନିଜ ଗାଡିରେ ଡାକ୍ତରଖାନା ପଠାଇଲେ ବରଗଡ ଏସପି
ଅନ୍ୟ ଏକ ଗାଡ଼ିରେ ଗଲେ ମୁକେଶ କୁମାର ଭାସୁ
କନକ ବ୍ୟୁରୋ: ପୋଲିସ ହେବ ତ ଏମିତି । ଦୁର୍ଘଟଣାଗ୍ରସ୍ତ ଲୋକଙ୍କୁ ରାସ୍ତାରୁ ଉଠାଇ ନିଜ ଗାଡ଼ିରେ ଡ଼ାକ୍ତରଖାନା ପଠାଇଲେ ବରଗଡ଼ ଏସପି ମୁକେଶ କୁମାର ଭାସୁ । ବରଗଡ଼ ୫୩ ନମ୍ବର ଜାତୀୟ ରାଜପଥରେ ଦୁଇ ଜଣ ବାଇକ ଆରୋହି ଦୁର୍ଘଟଣାର ଶିକାର ହୋଇ ଛଟପଟ ହେଉଥିବା ସେମାନଙ୍କୁ ଦେଖିଥିଲେ ଏସପି ମୁକେଶ କୁମାର ।
Kanak News is now on WhatsApp
Join and get latest news updates delivered to you via WhatsApp
ସେହି ବାଟ ଦେଇ ଅଏଲାପାଲି ଫାଇରିଂଗ ରେଂଜରୁ ବରଗଡ଼ ଫେରୁଥିବା ବେଳେ ଆହତଙ୍କୁ ଦେଖି ନିଜ ଗାଡ଼ିରେ ହସ୍ପିଟାଲ ପଠାଇଥିଲେ । ଏହାପରେ ସେ ନିଜେ ଅନ୍ୟ ଏକ ଗାଡ଼ିରେ ଲିପ୍ଟ ମାଗି ଫେରିଥିଲେ । ଆହତ ଦୁଇଜଣ ଅତାବିରା ଥାନା ରେଙ୍ଗାଲି କ୍ୟାମ୍ପର ଗଣେଷ ଭାଟି ଏବଂ ହେମନ୍ତ ଭୁଏ ବୋଲି ଜଣାପଡ଼ିଛି ।
ସୋମାନଙ୍କୁ ସ୍ଥାନୀୟ ହସ୍ପିଟାଲରେ ଚିକିତ୍ସା ପାଇଁ ଭର୍ତି କରାଯାଇଛି । ଦୁର୍ଘଟଣା ପରେ ଅନେକ ଲୋକ ଉପସ୍ଥିତ ଥଲେ ମଧ୍ୟ କେହି ସେମାନଙ୍କୁ ସହାୟତାର ହାତ ବଢଇନଥିଲେ । ଏସପିଙ୍କର ଏଭଳି ମହାନ କାମକୁ ସାଧାରଣରେ ପ୍ରଶଂସା କରାଯାଇଛି ।