ରେଡିଓ ଚକଲେଟ୍ ଷ୍ଟୁଡିଓରେ ଗାନ୍ଧିଜୀ ! ଶ୍ରୋତାଙ୍କ ପାଇଁ ରେଡିଓ ଚକଲେଟ୍ ଭେଟି ଦେଇଛି ଏକ ଭିନ୍ନ କାର୍ଯ୍ୟକ୍ରମ ‘ବାପୁ ହେ’ ।
କନକ ବ୍ୟୁରୋ: ଜାତିର ଜନକ ମହାତ୍ମାଗାନ୍ଧୀଙ୍କ ୧୫୦ତମ ଜୟନ୍ତୀର ମହାପର୍ବକୁ ଓଡିଶାର ନମ୍ବର ୱାନ୍ ରେଡିଓ ଚକଲେଟ୍ ୧୦୪ ଏଫଏମ୍ ଏକ ନିଆରା ଢଙ୍ଗରେ ପାଳନ କରିଛି । ଗାନ୍ଧୀଙ୍କ ଜୀବନର ଅନେକ ଅଜଣା କଥାକୁ ଶ୍ରୋତାଙ୍କ ପାଖରେ ପହଞ୍ଚାଇ ଦେବାପାଇଁ ରେଡିଓ ଚକଲେଟ୍ କରିଛି ଏକ ନିଆରା ପ୍ରୟାସ । ଏକ ବିଶେଷ କାର୍ଯ୍ୟକ୍ରମ ‘ବାପୁ ହେ’ ମାଧ୍ୟମରେ ଅତି ସୁନ୍ଦର ଶୈଳୀରେ ସାରାଦିନ ଉପସ୍ଥାପିତ କରିଥିଲା ଓଡିଶାର ନମ୍ବର ୱାନ୍ ରେଡିଓ ଚକଲେଟ୍ ୧୦୪ ଏଫଏମ୍ ।
Kanak News is now on WhatsApp
Join and get latest news updates delivered to you via WhatsApp
କାର୍ଯ୍ୟକ୍ରମ ପାଇଁ ତଥ୍ୟ ଉପସ୍ଥାପନାର ଦାୟିତ୍ୱ ଗୁରୁ ଶତପଥୀ ବହନ କରିଥିବା ବେଳେ ପରିକଳ୍ପିତ କାର୍ଯ୍ୟକ୍ରମରେ ବାପୁ ନିଜେ ରେଡିଓ ଚକଲେଟର ସବୁ ଆର ଜେ ମାନଙ୍କ ସୋ ରେ ଅତିଥୀ ଭାବରେ ଆସି ନିଜ ଜୀବନର ଅନୁଭୂତିକୁ ଶ୍ରୋତାଙ୍କୁ ବାଣ୍ଟିଥିଲେ । ଆର୍.ଜେ କୋମଲଙ୍କ ‘ସକାଳର ପହିଲି ଗାଡିରେ’ ବାପୁ ତାଙ୍କ ପିଲାଦିନ, ଯୁବକ ଅବସ୍ଥାରେ କିଛି ଶିକ୍ଷଣୀୟ କଥା କହିଥିବା ବେଳେ ଆର୍.ଜେ ଅନିଲଙ୍କ ‘ଭାଉଜ ନମସ୍କାର’ରେ ତାଙ୍କ ଦାମ୍ପତ୍ୟ ଜୀବନର କିଛି ଘଟଣା ବର୍ଣ୍ଣନା କରିଥିଲେ ବାପୁ ।
ଠିକ୍ ସେହିପରି ଆର୍.ଜେ ନିଭିଙ୍କ ‘ତୁମ ପାଇଁ ଗୀତ ଟିଏ’ରେ ବାପୁ ସଙ୍ଗୀତପ୍ରେମୀଙ୍କ ପାଇଁ କିଛି ଉପାଦେୟ କଥା କହିଥିଲେ । ଆର୍.ଜେ ଅଭି ଓ ଆର.ଜେ ନିଭିଙ୍କ ‘ଦୁଷ୍ଟ ଏଇ ଝିଅକୁ ନେଇ’ କାର୍ଯ୍ୟକ୍ରମ ଜରିଆରେ ଶ୍ରୋତାମାନେ ବାପୁଙ୍କ ଜୀବନର ଅନେକ ସୁଖଦ ଘଟଣା ସଂପର୍କରେ ଜାଣିବାକୁ ପାଇଥିଲେ । ଆର୍.ଜେ ନିଲ୍ ଏଇ କାର୍ଯ୍ୟକ୍ରମର ଭିଡିଓ ନିର୍ଦ୍ଦେଶନ ଦେଇଥିବାବେଳେ, ଭିଡିଓ ୟୁଟୁବ୍ୟ ଏବଂ ଫେସବୁକରେ ଦର୍ଶକ ମାନଙ୍କ ଦ୍ୱାରା ବେଶ୍ ଆଦୃତ ଲାଭ କରିଛି । ‘ବାପୁ ହେ’ କାର୍ଯ୍ୟକ୍ରମରେ ଜଣାଶୁଣା ଗୀତିକାର ବିଭୂତି ସ୍ୱାଇଁ ବାପୁ ଭୂମିକାରେ ଅଭିନୟ କରିଥିଲେ ।