ପାରାଦୀପ : ମର୍ଡର କେସରେ ଫସିଲେ କଂଗ୍ରେସ ନେତା ବାପି ସର୍ଖେଲ୍ । ଲୁକ୍ ଆଉଟ୍ ସର୍କୁଲାର୍ ଜାରି ପରେ ଆଜି ପାରାଦୀପ ରଘୁନାଥପୁର ଥାନାରେ ହାଜର ହୋଇଛନ୍ତି ଶ୍ରମିକ ସଂଗଠନର ଏହି ନେତା । ପୋଲିସ ତାଂକୁ ଥାନାରେ ଅଟକ ରଖିଛି । ବାପି ସର୍ଖେଲଙ୍କୁ ସମର୍ଥନ କରି ଥାନା ଆଗରେ ଶତାଧିକ ସମର୍ଥକ ଜମା ହୋଇଛନ୍ତି । କୌଣସି ହିଂସା ଆଶଙ୍କାରେ ଥାନା ପରିସରରେ ବ୍ୟାପକ ପୋଲିସ ମୁତୟନ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସିୱେଜ୍ ସିପିଂ ଜିଏମ୍ ମହେନ୍ଦ୍ର ସ୍ୱାଇଁ ହତ୍ୟା ମାମଲାରେ ପୋଲିସ ବାପି ସର୍ଖେଲଙ୍କ ବିରୋଧରେ ଲୁକ୍ ଆଉଟ୍ ସର୍କୁଲାର ଜାରି କରିଥିଲା । ଏହାପରେ ଆଜି ବାପି ସର୍ଖେଲ ଏସପିଙ୍କ ନିକଟରେ ହାଜର ହେବାକୁ ସମର୍ଥକଙ୍କ ସହ ଯାଉଥିଲେ । ତେବେ ଶତାଧିକ କର୍ମୀ ଜମା ହେବା ଯୋଗୁଁ ଏସପି ତାଙ୍କୁ ରଘୁନାଥପୁର ଥାନାରେ ହାଜର ହେବାକୁ କହିଥିଲେ । ଏହାପରେ ଅପରାହ୍ନ ପ୍ରାୟ ସାଢେ ୪ ଟା ବେଳେ ଥାନାରେ ହାଜର ହୋଇଛନ୍ତି ବାପି ସର୍ଖେଲ୍ ।
ସିୱେଜ୍ ସିପିଂ ଜିଏମ୍ ହତ୍ୟାକାଣ୍ଡରେ ବାପିଙ୍କ ସଂପୃକ୍ତି ଥିବା ନେଇ ସୁରାକ ପାଇଛି ପୋଲିସ । ଜେରା ବେଳେ ପୋଲିସ ଆଗରେ ବାପିଙ୍କ ନାଁ ନେଇଛି ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ରାକେଶ ଚୌବେ । ଗତକାଲି ବାପି ସର୍ଖେଲଙ୍କ ଅଫିସରେ ଚଢାଉ କରିଥିଲା ପାରାଦୀପ ପୋଲିସ । ସିସିଟିଭି ଓ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଥିଲା । ଏହାପରେ ଆଜି ବାପିଙ୍କ ନାଁରେ ଜାରି ହୋଇଥିଲା ଲୁକ୍ ଆଉଟ ସର୍କୁଲାର ।
ସେପଟେ କିନ୍ତୁ ଘଟଣା ସହ ରାଜନୀତିକୁ ଯୋଡିଛନ୍ତି ବାପି ସର୍ଖେଲ । କହିଛନ୍ତି, ଆଗକୁ ପଂଚାୟତ ନିର୍ବାଚନ ଥିବାରୁ ତାଙ୍କୁ ଫସାଇବାକୁ ଉଦ୍ୟମ କରାଯାଉଛି ।