ପଇଡରୁ ବାହାରିଲା ବରଗଛ ! ଲୋକ ଦେଖି ହେଲେ ଆଶ୍ଚର୍ଯ୍ୟ । ନ୍ୟୁଜ୍ସ୍ପେଶାଲ୍ ରିପୋର୍ଟ By Kanak News Bureau On Oct 7, 2018 - 11:38 AM 119 Share ପଇଡରୁ ଉଠିଛି ବରଗଛ । ନିଆଳି ଥାନା ଅନ୍ତର୍ଗତ ନାକଟା ସାହି ଅଞ୍ଚଳରେ ଘଟିଛି ଏକ ଆଶ୍ଚର୍ଯ୍ୟକର ଘଟଣା । ଲିମ୍ବ ଗଛକୁ ପୂଜା ଅର୍ଚ୍ଚନା କରି ଗଛ ମୁଳରେ ତିନୋଟି କଳସ ଏବଂ ତା ଉପରେ ତିନୋଟି ପଇଡ ରଖାଯାଇଥିଲା । କିଛି ଦିନ ବିତିବା ପରେ ସେଥିରୁ ବରଗଛ ଉଠିଥିବା ଦେଖିବାକୁ ମିଳିଛି । କଥାଟି ସାରା ଅଞ୍ଚଳରେ ଏକପ୍ରକାର ଚହଳ ପକାଇଦେଇଛି । Kanak News is now on WhatsApp Join and get latest news updates delivered to you via WhatsApp Join Now ସୂଚନା ଅନୁଯାୟୀ, କଟକ ଜିଲ୍ଲା ନିଆଳି ଥାନା ନିକଟସ୍ତ ନାକଟା ସାହି ଅଞ୍ଚଳରେ ଘଟିଛି ଏକ ଆଶ୍ଚର୍ଯ୍ୟ କରିଦେଲା ଭଳି ଘଟଣା । ପଇଡରୁ ଉଠିଛି ନଡିଆ ଗଛ, କଥାଟା ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ । ଦୀର୍ଘ ୧୦ ବର୍ଷହେବ କଳସ ପୂଜା ହୋଇଆସୁଥିବା ବେଳେ ପଇଡ଼ରୁ ବାହାରିଛି ବରଗଛ । ଗାଁର ବାମନ ଭୋଇ ନିଜବାରି ପଟରେ ୧୦ବର୍ଷ ହେବ ଲିମ୍ବଗଛ ପୂଜା ଅର୍ଚ୍ଚନା କରୁଥିବା ସମୟରେ ୬ଟି କଳସ ବସାଇଥିଲେ । ଗତ ୩ ମାସହେବ ଦୁଇଟି କଳସ ଉପରେ ଥିବା ପଇଡ଼ରୁ ଉଠିଛି ବରଗଛ । ଏହାକୁ ଦେଖିବା ପାଇଁ ଆଖପାଖ ଅଂଚଳର ଲୋକଙ୍କ ରୁଣ୍ଡ ହେଉଛି । ଏହି ଘଟଣାଟି ଲୋକମାନେ ନିଜ ଆଖିରେ ଦେଖିବା ସତ୍ୱେବି ବିଶ୍ୱାସ କରିବା ତାଙ୍କ ପାଖରେ ଟିକେ ଅସମ୍ଭବ ହୋଇପଡିଛି । ଲୋକଙ୍କ କହିବା ହିସାବରେ ନଡିଆରୁ ନଡିଆ ଗଛ ବାହାରି ଥାଏ । କିନ୍ତୁ ଯେତେ ଚେଷ୍ଟା କଲେବି ପଇଡରୁ କୌଣସି ପ୍ରକାରରେ ଗଛ ବାହାର କରିହୋଇନଥାଏ । ଏଠାରେ ପଇଡରୁ ନଡିଆ ଗଛତ ନୁହେଁ ପଇଡରୁ ବାହାରିଛି ବରଗଛ । କିଛି ଲୋକ ଏହି ଘଟଣାକୁ ଭଗବାନଙ୍କ ଚମକ୍ରାର କହୁଥିବା ବେଳେ ଆଉ କିଛି ଲୋକ ଏହାକୁ ମିଛ କଥା ବୋଲି ଭାବୁଛନ୍ତି । 119 Share FacebookTwitterGoogle+WhatsAppTelegramEmailPrint