କନକ ବ୍ୟୁରୋ : ନଗଦ କାରବାର ଉପରେ କଟକଣା ଲଗାଇଲେ ଘରୋଇ ବ୍ୟାଙ୍କ । ବିମୁଦ୍ରାୟନ ଅବଧି ଶେଷ ହେବା ପରେ ମାର୍ଚ୍ଚ ୧ରୁ ଏହି କଟକଣା ଲଗାଇଛନ୍ତି କେତେକ ପ୍ରମୁଖ ବ୍ୟାଙ୍କ । ଏଚଡିଏଫସି ଗ୍ରାହକ ଗୋଟିଏ ଆକାଉଂଟରେ ମାସକୁ ସର୍ବାଧିକ ୨ ଲକ୍ଷ ଟଙ୍କା ପର୍ଯ୍ୟନ୍ତ ଜମା କିମ୍ବା ଉଠାଣ କରିପାରିବେ । କେବଳ ହୋମବ୍ରାଂଚ କ୍ଷେତ୍ରରେ ଏହି ସୁବିଧା ଉପଲବ୍ଧ ହେବ । ନନ୍ ହୋମବ୍ରାଂଚ ଗ୍ରାହକଙ୍କ ପାଇଁ ଏହି ସୀମା ୨୫ ହଜାର ଟଙ୍କା ରଖିଛି ବ୍ୟାଙ୍କ ।
Kanak News is now on WhatsApp
Join and get latest news updates delivered to you via WhatsApp
ଏହାଠାରୁ ଅଧିକ ହେଲେ ସର୍ବନିମ୍ନ ଦେଢଶହ ଟଙ୍କା କିମ୍ବା ପ୍ରତି ହଜାରେ ଟଙ୍କାରେ ୫ଟଙ୍କା ଲେଖାଏଁ ଟ୍ରାଞ୍ଜାକ୍ସନ ଫି ଦେବେ ଗ୍ରାହକ । ଆଇସିଆଇସିଆ ବ୍ୟାଙ୍କ ମଧ୍ୟ ସମାନ ବ୍ୟବସ୍ଥା କରିଥିବା ଜଣାପଡିଛି । ଆଇସିଆଇସିଆଇ ଗ୍ରାହକ ସର୍ବାଧିକ ୪ଟି ନଗଦ କାରବାର କରିପାରିବେ । ଅଧିକ ହେଲେ ପଡିବ ଟ୍ରାଞ୍ଜାକ୍ସନ ଫି । ଆକ୍ସିସ ବ୍ୟାଙ୍କ କିଛିଟା କୋହଳ କରିଛି କଟକଣା । ଆକ୍ସିସ ବ୍ୟାଙ୍କ ଗ୍ରାହକ ସର୍ବାଧିକ ୫ଟି ନଗଦ କାରବାର କରିପାରିବେ । ଅର୍ଥାତ ୫ଥରରୁ ଅଧିକ ଜମା କିମ୍ବା ଉଠାଣ ପାଇଁ ପଡିବ ଟ୍ରାଞ୍ଜାକ୍ସନ ଫି ।
ତେବେ ଆସ୍କିସ ସର୍ବାଧିକ ସୀମା ୧୦ ଲକ୍ଷ ଟଙ୍କା ରଖିଛି । କେନ୍ଦ୍ର ସରକାର ନଗଦ କାରବାର ରୋକିବାକୁ ବିଭିନ୍ନ ପଦକ୍ଷେପ ନେଉଥିବାରୁ ବ୍ୟାଙ୍କଗୁଡିକ ସେହି ଦିଗରେ ପଦକ୍ଷେପ ନେଇଛନ୍ତି । ସାଧାରଣ ବଜେଟରେ ଅର୍ଥମନ୍ତ୍ରୀ ଅରୁଣ ଜେଟଲୀ ୩ ଲକ୍ଷ ଟଙ୍କାରୁ ଅଧିକ ନଗଦ କାରବାର ଉପରେ କଟକଣା ଲଗାଇଥିଲେ ।
ଏହା ସହ ଦେଖନ୍ତୁ ଏହି ଭିଡିଓ
–