ସହଜରେ ଋଣ ମିଳୁନି କି ? ଜାଣନ୍ତୁ କେଉଁଠି କରିବେ ଅଭିଯୋଗ ?
ସରକାରଙ୍କର ଅନେକ ଯୋଜନା ଅନୁସାରେ ଯେ କେହି ଋଣ ନେଇ ବ୍ୟବସାୟ ଆରମ୍ଭ କରିପାରିବେ । କିନ୍ତୁ ଋଣ ନେବା ଏତେ ସହଜ ନୁହେଁ । ଏଥିପାଇଁ ବାରମ୍ବାର ବ୍ୟାଙ୍କ୍ ଦଉଡ଼ିବାକୁ ପଡ଼େ । ଦଉଡ଼ି ଦଉଡ଼ି କିଏ ସଫଳ ହୁଏ ତ ଆଉ କିଏ ବିଫଳ । ଅନେକ ଥର ଡକ୍ୟୁମେଂଟର ପୂରଣ ହେବା ପରେ ମଧ୍ୟ ବ୍ୟାଙ୍କକୁ ଥରକୁ ଥର ଦଉଡ଼଼ିବା ପାଇଁ ପଡ଼େ । ଏସବୁ କରିବା ସତ୍ୱେ ମିଳେନି ଋଣ । ଆଜି ଆମେ କିଛି ମୁଖ୍ୟ ବ୍ୟାଙ୍କ୍ ବିଷୟରେ ଆଲୋଚନା କରିବା ଯେଉଁମାନେ ଆପଣଙ୍କୁ ଋଣ ଦେବା ସମୟରେ ଅସୁବିଧାରେ ପକାଇଲେ ଆପଣ ଅଭିଯୋଗ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ଷ୍ଟେଟ୍ ବ୍ୟାଙ୍କ୍ ଅଫ ଇଣ୍ଡିଆର ଋଣ ପାଇଁ ଆବେଦନ କରିଛନ୍ତି, ତେବେ ଜାଣନ୍ତୁ ଅସୁବିଧା ହେଲେ କେଉଁଠି କରିବେ ଅଭିଯୋଗ କରିବେ ।
– ପ୍ରଥମେ ବ୍ରାଂଚ ମ୍ୟାନେଜରକୁ ଅଭିଯୋଗ କରନ୍ତୁ ।
– ଏହା ବ୍ୟତୀତ ଟୋଲ ଫ୍ରି ନମ୍ବର ୧୮୦୦୪୨୫୩୮୦୦ କିମ୍ବା ୧୮୦୦୧୧୨୨୧୧ରେ ଅଭିଯୋଗ କରିପାରିବେ ।
– ଆପଣ UNHAPPY ଲେଖି ୮୦୦୮୨୦୨୦୨୦କୁ ଏସଏମଏସ୍ କରି ଅଭିଯୋଗ କରିପାରିବେ ।
– ଏହା ବ୍ୟତୀତ http://www.sbi.co.inୱେବସାଇଟରେ ଉପଲବ୍ଧ ଗ୍ରାହକ ଅଭିଯୋଗ କିମ୍ବା ଫିଡ଼ବ୍ୟାକ୍ ଫର୍ମକୁ ଅନଲାଇନ ପୂରଣ କରି ଅଭିଯୋଗ କରିପାରିବେ ।
– ଯଦି ଆପଣଙ୍କ ସମସ୍ୟା ୧୦ ଦିନ ଭିତରେ ସମାଧାନ ନହୁଏ, ତେବେ ଆପଣ ନେଟୱର୍କ ନୋଡ଼ାଲ ଅଫିସରଙ୍କ ସହ ସମ୍ପର୍କ କରିପାରିବେ । ତା’ପରେ ୫ ଦିନ ଭିତରେ ମଧ୍ୟ ଯଦି ସମସ୍ୟା ସମାଧାନ ନହୁଏ ତେବେ ଆପଣ ପ୍ରିନସିପାଲ ନୋଡ଼ାଲ ଅଫିସରଙ୍କ ସହ ସମ୍ପର୍କ କରିପାରିବେ ।
– ଏହା ବ୍ୟତୀତ gm.customer@sbi.co.in ରେ ମଧ୍ୟ ଇମେଲ ମାଧ୍ୟମରେ ଅଭିଯୋଗ କରିପାରିବେ ।
– ଯଦି ଆପଣ ତଥାପି ସନ୍ତୁଷ୍ଟ ନାହାନ୍ତି, ତେବେ ରିଜର୍ଭ ବ୍ୟାଙ୍କ୍ ଅଫ୍ ଇଣ୍ଡିଆ ଦ୍ୱାରା ନିଯୁକ୍ତ ଲୋକପାଳଙ୍କ ଠାରେ ଅଭିଯୋଗ କରିପାରିବେ ।
ପିଏନବିରେ ଯଦି ଆପଣଙ୍କୁ ଋଣ ମିଳୁନି ତେବେ ସର୍ବପ୍ରଥମେ ଆପଣ ଯେଉଁ ବ୍ୟାଙ୍କରେ ଅଭିଯୋଗ ଅଛି ସେଠିର ବ୍ରାଂଚ ମ୍ୟାନେଜରକୁ ଅଭିଯୋଗ କରନ୍ତୁ । ଏହାପରେ ସମସ୍ୟା ସମାଧାନ ନହେଲେ ଆପଣ ସର୍କଲ ହେଡ଼୍, ଜୋନାଲ ମ୍ୟାନେଜର ଆଉ ତା’ପରେ ପ୍ରିନସିପାଲ ନୋଡ଼ାଲ ଅଫିସରକୁ ଅଭିଯୋଗ କିରପାରିବେ । ଏହାବ୍ୟତୀତ care@pnb.co.in ରେ ମଧ୍ୟ ଇମେଲ ମାଧ୍ୟମରେ ଅଭିଯୋଗ କରିପାରିବେ । ଆପଣ ପିଏନବି ସାଇଟରେ ଅନଲାଇନ ଅଭିଯୋଗ କରିପାରିବେ । ଯଦି ଏଥିରେ ବି ଆପଣ ସନ୍ତୁଷ୍ଟ ନାହାନ୍ତି, ତେବେ ଆରବିଆଇ ଦ୍ୱାରା ନିଯୁକ୍ତ ଲୋକପାଳଙ୍କ ଠାରେ ଅଭିଯୋଗ କରିପାରିବେ । ଆରବିଆଇ ଅଲଗା ଅଲଗା ଜୋନ୍ ପାଇଁ ଭିନ୍ନ ଭିନ୍ନ ଲୋକପାଳ ନିଯୁକ୍ତ କରିଛନ୍ତି । ଅନ୍ୟ ବ୍ୟାଙ୍କରେ ମଧ୍ୟ ଯଦି ସମାନ ଅସୁବିଧା ଭୋଗୁଛନ୍ତି, ତେବେ ଆପଣ ଲୋକପାଳଙ୍କ ଠାରେ ଅଭିଯୋଗ କରିପାରିବେ ।