ଆସାମ ଭଳି ଓଡିଶାରେ ବି କାୟା ବିସ୍ତାର କରୁଛନ୍ତି ବାଙ୍ଗଲାଦେଶୀ ଶରଣାର୍ଥୀ : ସହଜରେ ତିଆରି କରୁଛନ୍ତି ଆଧାର କାର୍ଡ ଓ ଭୋଟର ପରିଚୟ ପତ୍ର
କନକ ବ୍ୟୁରୋ : ଅନୁପ୍ରବେଶକାରୀ ସମସ୍ୟାକୁ ନେଇ ଦେଶର ରାଜନୀତି ଏବେ ସରଗରମ ହୋଇଛି । ଆସାମ ଭଳି ଓଡିଶାରେ ବି ବାଂଲାଦେଶ ଶରଣାର୍ଥୀ ସମସ୍ୟା କିଛି କମ ନୁହେଁ । ଓଡିଶାରେ ବି ଅନେକ ଜିଲ୍ଲାରେ ବଢୁଛି ଶରଣାର୍ଥୀ ସମସ୍ୟା । ଅନେକ ଅଂଚଳରେ ରାଜେନେତାମାନେ ବାଂଲାଦେଶ ଶରଣାର୍ଥୀଙ୍କୁ ଭୋଟବ୍ୟାଙ୍କ ଭାବେ ବ୍ୟବହାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାଂଲାଦେଶରୁ କୋଲକାତା ଦେଇ ଓଡିଶା ଆସୁଛନ୍ତି ବାଂଲାଦେଶୀ ଆଉ ଏଠାରେ କିଛି ଦିନ ରହିବା ପରେ ସେମାନେ ରାଜନେତାଙ୍କ ଅସ୍ତ୍ର ପାଲଟିଯାଉଛନ୍ତି । ବଲାଙ୍ଗୀରରେ କିଛି ବଙ୍ଗଳା ଫେରିବାଲାଙ୍କ ସହ ଆମ ରିପୋର୍ଟର କଥା ହୋଇଥିଲେ । ଆଉ ସଂପୃକ୍ତ ଫେରିବାଲା ଯାହା କହିଥିଲେ ସେଥିରୁ ସ୍ପଷ୍ଟ ହୋଇଥିଲା ଯେ, ରାଜ୍ୟର ଅଧିକାଂଶ ଜିଲ୍ଲାରେ ଶରଣାର୍ଥୀ ମାନଙ୍କୁ ଭୋଟର କାର୍ଡ, ରାସନ କାର୍ଡ ସହ ଘର ତିଆରି ପାଇଁ ଜାଗା ବି ଦିଆଯାଉଛି । ୧୦-୧୫ ବର୍ଷ ରହିବା ପରେ ସ୍ଥାନୀୟ ନେତାଙ୍କ ସହୟତାରେ ଆଧାର କାର୍ଡ, ରାସନ କାର୍ଡ କରାଯାଉଛି । ଘର ତିଆରି କରି ରହିଯିବାକୁ ମଧ୍ୟ ନେତାମାନେ କହୁଥବା ପଶ୍ଚିମବଙ୍ଗରୁ ଆସିଥିବା ଫେରିବାଲା ଆମ ପ୍ରତିନିଧିଙ୍କୁ କହିଛନ୍ତି ।
ମୁକୁଳା ପଡିଛି ସୀମା । ଆଉ ଏହି ସୀମା ଦେଇ ଆସାମ, ପଶ୍ଚିମବଙ୍ଗ ଦେଇ ଓଡିଶାରେ ପହଂଚୁଛନ୍ତି ବାଂଲାଦେଶୀ ଶରଣାର୍ଥୀ । ଆଉ ରାଜ୍ୟର ବିଭିନ୍ନ ସ୍ଥାନରେ ଏମାନେ କିଛିବର୍ଷ ରହିବା ପରେ ଆବଶ୍ୟକ ଭୋଟର କାର୍ଡ, ରାସନ କାର୍ଡ ଓ ଆଧାର କାର୍ଡ ଅତି ସହଜରେ ହାସଲ କରୁଛନ୍ତି ।