କର୍ଣ୍ଣାଟକ ଅଙ୍କକୁ ନେଇ କଳ୍ପନାଜଳ୍ପନା । ୫ଟି ଆସନରୁ ୪ଟିରେ ଆଗୁଆ ରହିଛି କଂଗ୍ରେସ-ଜେଡିଏସ ମେଂଟ
ସମ୍ମାନସ୍ପଦ ବେଲାରୀ ଲୋକସଭା ଆସନରେ କଂଗ୍ରେସ ବହୁ ଆଗରେ
କନକ ବ୍ୟୁରୋ: କର୍ଣ୍ଣାଟକର ୩ ଲୋକସଭା ଓ ୨ଟି ବିଧାନସଭା ଆସନ ଉପନିର୍ବାଚନର ଭୋଟଗଣତି ଚାଲିଛି । ଶେଷଖବର ସୁଦ୍ଧା, ୫ଟି ଆସନରୁ ୪ଟି କଂଗ୍ରେସ-ଜେଡିଏସ ମେଂଟ ଆଗୁଆ ରହିଥିବାବେଳେ କେବଳ ଗୋଟିଏ ଆସନରେ ବିଜେପି ଆଗରେ ରହିଛି । ବେଲାରୀ, ସିମୋଗା ଓ ମାଣ୍ଡ୍ୟା ଲୋକସଭା ଏବଂ ଜାମଖଣ୍ଡି, ରାମନଗର ବିଧାନସଭା ଆସନରେ କଡା ସୁରକ୍ଷା ମଧ୍ୟରେ ଭୋଟଗଣତି ଚାଲିଛି । ସମ୍ମାନସ୍ପଦ ବେଲାରୀ ଲୋକସଭା ଆସନରେ କଂଗ୍ରେସ ବହୁ ଆଗରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏଠାରେ କଂଗ୍ରେସ ପ୍ରାର୍ଥୀ ତାଙ୍କ ନିକଟତମ ବିଜେପି ପ୍ରାର୍ଥୀଙ୍କଠାରୁ ରେକର୍ଡ ଦେଢଲକ୍ଷ ଭୋଟରେ ଆଗରେ ଅଛନ୍ତିା ଖଣି ମାଲିକ ତଥା ବିଜେପି ଷ୍ଟଙ୍ଗମ୍ୟାନ ରେଡ୍ଡି ବ୍ରଦର୍ସଙ୍କ ଗଡ ଭାବେ ଜଣାଶୁଣା ବେଲାରୀ । ବି. ଶ୍ରୀରାମୁଲୁଙ୍କ ଭଉଣୀ ଜେ,ସ୍ଥାନା ଏଠାରୁ ବିଜେପି ପ୍ରାର୍ଥୀ ହୋଇଛନ୍ତି । ବେଲାରୀ ଆସନ କଂଗ୍ରେସ-ଜେଡିଏସ ପାଇଁ ସମ୍ମାନର ପ୍ରଶ୍ନ ହୋଇଛି । ସିମୋଗା ଲୋକସଭା ଆସନରେ ବିଜେପି ପ୍ରାର୍ଥୀ ଆଗରେ ବିଜେପିର ରାଘବେନ୍ଦ୍ର ଜେଡିଏସ ପ୍ରାର୍ଥୀ ଏସ.ମଧୁବାଙ୍ଗାରପ୍ପାଙ୍କ ଠାରୁ ଆଗରେ ଅଛନ୍ତି ।
ରାଘବେନ୍ଦ୍ର ହେଉଛନ୍ତି ପୂର୍ବତନ ମୁଖ୍ୟମନ୍ତ୍ରୀ ୟେଦୁୟୁରପ୍ପାଙ୍କ ପୁଅ । ଏଠାରେ ୩ ଜଣ ପୂର୍ବର୍ତନ ମୁଖ୍ୟମନ୍ତ୍ରୀଙ୍କ ପୁଅ ନିର୍ବାଚନ ଲଢୁଛନ୍ତି । ମାଣ୍ଡ୍ୟା ଲୋକସଭା ଆସନରେ ଜେଡିଏସ ପ୍ରାର୍ଥୀ ବହୁ ଆଗରେ ଆଗୁଆ ଅଛନ୍ତି । ଶାସକ ଜେଡିଏସର ଗଡ ହେଉଛି ମାଣ୍ଡ୍ୟା ଆସନ । ପୂର୍ବତନ ପ୍ରଧାନମନ୍ତ୍ରୀ ଦେବଗୌଡାଙ୍କ ଘରୋଇ ଜିଲ୍ଲା ହେଉଛି ମାଣ୍ଡ୍ୟା । ଜାମଖଣ୍ଡି ବିଧାନସଭା ଆସନରେ କଂଗ୍ରେସ ପ୍ରାର୍ଥୀ ଆଗରେ ଅଛନ୍ତି ।
ବର୍ତ୍ତମାନର ବିଧାୟକଙ୍କ ମୃତ୍ୟୁ ପରେ ଏଠାରେ ଉପନିର୍ବାଚନ ହେଉଛି । ରାମନଗର ଆସରେ ଜେଡିଏ ପ୍ରାର୍ଥୀ ଅନୀତା କୁମାରସ୍ୱାମୀ ଆଗରେ ଅଛନ୍ତି । ଅନୀତା କୁମାରସ୍ୱାମୀ ଜିତିବା ଏକପ୍ରକାର ନିଶ୍ଚିତ ହୋଇଯାଇଛି । ଅନୀତା ହେଉଛନ୍ତି ମୁଖ୍ୟମନ୍ତ୍ରୀ କୁମାରସ୍ୱାମୀଙ୍କ ସ୍ତ୍ରୀ । ଏହି ଆସନରୁ ବିଜେପି ପ୍ରାର୍ଥୀ ଏଲ.ଚନ୍ଦ୍ରଶେଖର ମୈଦାନରୁ ହଟି କଂଗ୍ରେସରେ ସାମିଲ ହୋଇସାରିଛନ୍ତି ।