ଭୁବନେଶ୍ୱରରେ ବାଲିଯାତ୍ରା ! କୁଆଖାଇ ନଦୀପଠାରେ ୧୫୦ ଏକର ଜାଗାରେ ଖୋଲିବ ବ୍ୟବସାୟର ପସରା
କନକ ବ୍ୟୁରୋ : କଟକର ଐତିହାସିକ ବାଲିଯାତ୍ରା । ବର୍ଷ ବର୍ଷ ଧରି ଓଡିଶାର ଐତିହ୍ୟ ଓ ପରମ୍ପରାକୁ ବଂଚାଇ ଆସିଛି । କଳିଙ୍ଗର ଇତିହାସ ତଥା ଗୌରବର ଗାଥାକୁ ପ୍ରତିବର୍ଷ ବଖାଣୁଛି କଟକର ବାଲିଯାତ୍ରା । ଏବେ ସେହି ବାଲିଯାତ୍ରା ରାଜଧାନୀ ଭୁବନେଶ୍ୱରରେ ଆୟୋଜିତ ହେବାକୁ ଯାଉଛି । ଏନେଇ ପ୍ରଥମ ପର୍ଯ୍ୟାୟ ପ୍ରସ୍ତୁତି ବୈଠକ ସରିଛି ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀରେ ବାଲିଯାତ୍ରାର ଠିକଣା ହେବ, ଭୁବନେଶ୍ୱର ଉପକଣ୍ଠ ବରିମୁଣ୍ଡ ଲକ୍ଷେଶ୍ୱର ମହାଦେବ ପୀଠ ତଥା କୂଆଖାଇ ନଦୀ ପଠା । ଏଭଳି ବିଶାଳ ଆୟୋଜନକୁ ବାସ୍ତବ ରୁପ ଦେଉଛି ଆମ ଯୁବ ମଂଚ । ଏଥିରେ ଏକାଠି ହୋଇଛନ୍ତି ୧୦ଟି ପଂଚାୟତର ପ୍ରାୟ ୭୨ଟି ଗାଁ । ଏହାଛଡା ଭୁବନେଶ୍ୱରର ୪୫ରୁ ଅଧିକ ପୂଜାମଣ୍ଡପ ଓ ଉତର ନିର୍ବାଚନ ମଣ୍ଡଳୀ ବି ଏଥିରେ ସହଯୋଗ କରିବାକୁ ହାତ ବଢାଇଛି ।
ରାଜଧାନୀର ଦ୍ୱାର ଦେଶରେ ଅବସ୍ଥିତ ବରିମୁଣ୍ଡ ଗ୍ରାମ ଓ କୂଆଖାଇ ନଦୀପଠାରେ ଅବସ୍ଥିତ ପ୍ରାୟ ୧୧୦୦ ବର୍ଷର ନୀଳକଣ୍ଠେଶ୍ୱର ମନ୍ଦିର ପ୍ରାଙ୍ଗଣ ପଠାରେ ଅନୁଷ୍ଠିତ ହେବ ବାଲିଯାତ୍ରା । ପ୍ରାୟ ୧୫୦ ଏକରରୁ ଅଧିକ ପରିମିତ ନଦୀପଠାରେ ହେବାକୁ ଥିବା ଯାତ୍ରାରେ ପାଂଚଶହରୁ ଅଧିକ ଷ୍ଟଲ କରିବାକୁ ଆୟୋଜକ କମିଟି ସ୍ଥିର କରିଛନ୍ତି । ଫଳରେ ପ୍ରଥମ ଥର ପାଇଁ ଚଳିତ ବର୍ଷ ରାଜଧାନୀରେ କଟକ ଭଳି ହେବ ବାଲିଯାତ୍ରା ।