ଏମ୍ସରେ ବଳିଆର ସ୍ୱାସ୍ଥ୍ୟବସ୍ଥା ନେଇ ଚିନ୍ତାରେ ଡାକ୍ତର ! ସ୍ୱାସ୍ଥ୍ୟମନ୍ତ୍ରୀ କହିଲେ, ଫିଟସ କାରଣରୁ ଶୋଇରହୁଛି ବଳିଆ, ଜଗା ସ୍ୱାସ୍ଥ୍ୟବସ୍ଥାରେ ସନ୍ତୋଷଜନକ ଉନ୍ନତି
କନକ ବ୍ୟୁରୋ: ଏମ୍ସରେ ବଳିଆର ସ୍ୱାସ୍ଥ୍ୟବସ୍ଥା ନେଇ ଚିନ୍ତାରେ ଡାକ୍ତର । ଜଗା ବଳିଆର ସ୍ୱାସ୍ଥ୍ୟବସ୍ଥା ନେଇ ପ୍ରତିକ୍ର୍ରିୟା ରଖିଛନ୍ତି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା । ଜଗାର ସ୍ୱାସ୍ଥ୍ୟବସ୍ଥାରେ ସନ୍ତୋଷଜନକ ଉନ୍ନତି ହୋଇଥିବା ବେଳେ ବଳିଆ ପୂର୍ବ ଅବସ୍ଥାରେ ଥିବା କହିଛନ୍ତି ପ୍ରତାପ ଜେନା । ବଳିଆର ସ୍ୱାସ୍ଥ୍ୟବସ୍ଥାରେ କୌଣସି ପରିବର୍ତ୍ତନ ହୋଇନାହିଁ । ବାଳିଆକୁ ଫିଟସ ମାରୁଥିବାରୁ ମେଡିସିନ ଦିଆଯାଉଛି । ମେଡିସିନ ଯୋଗୁଁ ସେ ଅଧିକ ସମୟ ଶୋଇ ରହୁଥିବା ଡାକ୍ତର କହିଛନ୍ତି । ଯାହା ବି ସହାୟତା ଦରକାର ଯୋଗାଇ ଦିଆଯିବ ବୋଲି କହିଛନ୍ତି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ।
Kanak News is now on WhatsApp
Join and get latest news updates delivered to you via WhatsApp
ଯୋଡାମୁଣ୍ଡ ଥିବା ଜଗା ବଳିଆଙ୍କ ଦ୍ୱିତୀୟ ପର୍ଯ୍ୟାୟ ଅପରେସନ ପରେ ଜଗାର ସ୍ୱାସ୍ଥ୍ୟବସ୍ଥାରେ ଉନ୍ନତି ହେଉଥିବା ବେଳେ ବଳିଆର ସ୍ୱାସ୍ଥ୍ୟ ବସ୍ଥାରେ ସୁଧାର ଆସିବା ପାଇଁ ଅଧ୍ଖଳ ସମୟ ଲାଗୁଛି । ଏହାପୂର୍ବରୁ ଜଗା ବଲ୍ ଖେଳିବା ସହ ନିଜ ହାତରେ ବିସ୍କୁଟ ଖାଉଥିବାର ଦୃଶ୍ୟ ମଧ୍ୟ ଦେଖିବାକୁ ମିଳିଥିଲା । ଅକ୍ଟୋବର ୨୫ରେ ଦିଲ୍ଲୀ ଏମ୍ସରେ ଯୋଡା ମୁଣ୍ଡ ଶିଶୁ ଜଗା ବଳିଆଙ୍କ ଦ୍ୱିତୀୟ ପର୍ଯ୍ୟାୟ ଅପରେସନ ହୋଇଥିଲା । ଏହି ଅପରେସନଟି ବେଶ ଜଟିଲ ଥିଲା । କାରଣ ଏଥିରେ ଲାଗିରହିଥିବା ଉଭୟଙ୍କ ମୁଣ୍ଡକୁ ଅଲଗା କରାଯାଇଥିଲା । ଏହି ବିରଳ ଅସ୍ତ୍ରୋପଚାର ପାଇଁ ଏକ ବିଶାଳ ଡାକ୍ତର ଟିମ୍ ଗଠନ କରାଯାଇଥିଲା ।
ଏଥିରେ ନିଶ୍ଚେତକ, ହୃଦ୍ବିଭାଗ, ଶିଶୁ ଚିକିତ୍ସା ବିଭାଗ, ନ୍ୟୁରୋଲଜି ଆଦି ବିଭିନ୍ନ ବିଭାଗର ଡାକ୍ତର ରହିଥିଲେ । ଅପରେସନରେ ୨୦ ସର୍ଜନ ଓ ୧୦ ଆନାସଥେସିଆ ସ୍ପେଶାଲିଷ୍ଟ ଥିଲେ । ୨୫ ଘଂଟା ଧରି ଚାଲିଥିଲା ଏହି ଅପରେସନ । ତା ପୂର୍ବରୁ ଅଗଷ୍ଟ ୨୮ତାରିଖରେ ଦିଲ୍ଲୀ ଏମ୍ସରେ ଜଗା ବଳିଆଙ୍କ ପ୍ରଥମ ପର୍ଯ୍ୟାୟ ଅପରେସନ ହୋଇଥିଲା । ୪୦ ଜଣିଆ ଡାକ୍ତରୀ ଦଳ ୨୦ଘଂଟାରୁ ଅଧିକ ସମୟ ଧରି ଏହି ଅପରେସନ କରିଥିଲେ ।