କନକ ବ୍ୟୁରୋ: ବାହାର୍ଦା ନାଳ ସ୍ୱିସ ଗେଟ୍ ନକଲି ଚାବି ବିବାଦ ତେଜିବାରେ ଲାଗିଛି । ନକଲି ଚାବିରେ ଗେଟ୍ ଖୋଲିବା ଓ ବନ୍ଦ କରିବା ଫଳରେ ଗେଟ୍ ପ୍ରତି ବିପଦ ସୃଷ୍ଟି ହୋଇଛି । ଫଳରେ ଚାଷ ପାଇଁ ଉଦ୍ଦିଷ୍ଟ ଥିବା ଏହି ପ୍ରକଳ୍ପ ଫେଲ ମାରିବା ନେଇ ଆଶଙ୍କା ସୃଷ୍ଟି ହୋଇଛି । ଏହି ଏକ କୋଟି ୨୬ ଲକ୍ଷ ଟଙ୍କାର ପ୍ରକଳ୍ପ ବିଫଳ ହେଲେ ପ୍ରାୟ ୬୦୦ ଏକର ଚାଷ ଜମି ନଷ୍ଟ ହେବ ବୋଲି କୁହାଯାଉଛି । ଏନେଇ ଗୋପିନାଥପୁର ଅଂଚଳର ଲୋକେ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି । ନକଲି ଚାବି ବ୍ୟବହାର ଫଳରେ ତିନୋଟି ଗେଟ୍ ମଧ୍ୟରୁ ଗୋଟିଏ ଗେଟ୍ ଖରାପ ହୋଇଯାଇଥିବା ଲୋକେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏହି ସ୍ୱିସ ଗେଟ୍ ପାଇଁ ସୃଷ୍ଟି ହୋଇଥିବା ବିବାଦ ନେଇ ଦାୟିତ୍ୱରେ ଥିବା ବିଡିଓ କିଛି ଜାଣିନଥିବା କହିଛନ୍ତି । ତେବେ ଅଭିଯୋଗ ଆସିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ ପ୍ରତିକ୍ରିୟା ଦେଇଛନ୍ତି । ଏହି ନାଳରେ ମାଛ ଚାଷ ପାଇଁ ଲିଜ୍ ଦେଇଛି ପଂଚାୟତ । ଏହି ଲିଜଧାରୀ ନକଲି ଚାବିରେ ଗେଟ୍ ନିୟନ୍ତ୍ରଣ କରୁଥିବା ସ୍ୱୀକାର କରିଛନ୍ତି ।
ଏହା ସରପଂଚଙ୍କ ଜାଣତରେ ହେଉଥିବା ସେ କହିଥିବା ବେଳେ ଏହାକୁ ଖଣ୍ଡନ କରିଛନ୍ତି ଗୋପିନାଥପୁର ସରପଂଚ । ବୁଢାବଳଙ୍ଗ ନଈର ପାଣି ଏହି ବାହାର୍ଦା ନାଳଦେଇ ସମୁଦ୍ର ଭିତରକୁ ଯାଇଥାଏ । ଏବେ ଗୋଟିଏ ଗେଟ୍ ପଡିଥିବାରୁ ଅନେକ ଗାଁ, ରାସ୍ତା ଓ ଚାଷଜମି ଜଳଘେରରେ ରହିଛି ।