ବାଲେଶ୍ୱର : ଅସହ୍ୟ ତାତି ଓ ଗୁଳୁଗୁଳିରେ ଚିକିତ୍ସାଳୟ ବାହାରେ ଥିବା ଗଛ ମୂଳେ ପଡି ରହିଛନ୍ତି ପ୍ରସୂତି ଓ ନବଜାତକ
କନକ ବ୍ୟୁରୋ : ଗଛ ମୂଳେ ନବଜାତ ଶିଶୁ ଓ ମା । ଅସହ୍ୟ ଖରା ଓ ଗୁଳିଗୁଳିରେ ଛଟପଟ ହେଉଛନ୍ତି ମା ଛୁଆ । ଏପରି କିଛି ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ୱର ମୁଖ୍ୟ ଚିକିତ୍ସାଳୟର ଏସ.ଏନ.ସିୟୁ ନିକଟରେ । ଏଠାରେ ସେହି ମା ମାନେ ଜୀବନ ବିକଳରେ ପଡି ରହୁଛନ୍ତି ଯେଉଁମାନଙ୍କର ନବଜାତ ଶିଶୁକୁ ଏସ.ଏନ.ସି.ୟୁ.ରେ ଭର୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
୮ରୁ ୧୦ଦିନ ଧରି ଜଣେ ଜଣେ ଶିଶୁ ଏସ.ଏନ.ସି.ୟୁ.ରେ ରହୁଥିବା ବେଳେ ମା ମାନେ ବାହାରେ ଗଛ ମୂଳରେ ଦିନ କାଟୁଛନ୍ତି । ଦିନରେ ଅଧଘଂଟା ଓ ରାତିରେ ଅଧଘଂଟା କେବଳ ଶିଶୁକୁ ମା ମାନଙ୍କୁ ଦିଆଯାଉଛି ।ମେଡିକାଲରେ ପ୍ରସୂତିଙ୍କ ପାଇଁ ରହିଛି ମଦର୍ସ ହୋମ । ହେଲେ ଏହାର ଅବସ୍ଥା ଏତେ ଶୋଚନୀୟ ଯେ କହିଲେ ନସରେ ।
ହୋଟେଲ ତଥା ୫ଟଙ୍କିଆ ଖାଦ୍ୟ ଖାଇ ଏବଂ ୧୦ଟଙ୍କା ଦେଇ ଶୌଚାଳୟ ବ୍ୟବହାର କରି ଭାଗ୍ୟକୁ ଆଦରି ପଡ଼ିରହିଛନ୍ତି ମା ମାନେ । ଖରା ଓ ବର୍ଷାରେ ନବଜାତ ଶିଶୁ ମା’ ମାନେ ଡ଼ାକ୍ତରଖାନା ସମ୍ମୁଖରେ ଗଛ ତଳେ ପଡିରହିଥିବା ବେଳେ ସ୍ୱାସ୍ଥ୍ୟ ବିଭାଗର କେମିତି ଅସୁସ୍ଥ ହୋଇପଡିଛି ତାର ନମୂନା ଦେଖିବାକୁ ଏଠାରୋ ଦେଖିବାକୁ ମିଳିଛି ।