ପ୍ରଶାସନର ବାରଣକୁ ଫୁ । ରକ୍ତରଞ୍ଜିତ ହେଲା ଭାବନୀପାଟଣାର ମା ମାଣିକେଶ୍ୱରୀଙ୍କ ପୀଠ ନ୍ୟୁଜ୍ By Kanak News Bureau On Oct 17, 2018 - 8:55 AM Last updated Oct 17, 2018 - 8:59 AM 39 Share କନକ ବ୍ୟୁରୋ : କଳାହାଣ୍ଡିର ଅଧିଷ୍ଠାତ୍ରୀ ଦେବୀ ମା’ ମାଣିକେଶ୍ୱରୀଙ୍କ ବିଶ୍ୱପ୍ରସିଦ୍ଧ ଛତର ଯାତ୍ରା ମହାଧୂମଧାମରେ ଆରମ୍ଭ ହୋଇଛି । ନିଶାର୍ଦ୍ଧରେ ମା’ ମାଣିକେଶ୍ୱରୀ ମନ୍ଦିରରୁ ଛତର ପରଦେଶୀପଡା ନିକଟ ଜେନାଖାଲକୁ ଅଣାଯାଇଥିଲା । ସେଠାରେ ଗୁପ୍ତ ରୀତିନୀତିରେ ପୂଜାର୍ଚ୍ଚନା ପରେ ସକାଳୁ ଭକ୍ତଙ୍କୁ ଦର୍ଶନ ପାଇଁ ଛତର ଯାତ୍ରା ଆରମ୍ଭ ହୋଇଛି । ତେବେ ମନା ସତ୍ୱେ ଏବେଠୁ ଭକ୍ତ ମାନେ ନିଜର ମନୋକାମନା ପୂର୍ଣ୍ଣ ପାଇଁ ପଶୁବଳୀ ଦେଇଛନ୍ତି । ଜେନାଖାଲରୁ ମାଣିକେଶ୍ୱରୀ ମନ୍ଦିର ଯାଏଁ ଦୀର୍ଘ ୪ କିଲୋମିଟର ରାସ୍ତା ରେ ମା’ ଙ୍କର ଛତର ସାଂସ୍କୃତିକ ଦଳ ମାନଙ୍କ ସହ ଯିବାର କାର୍ଯ୍ୟକ୍ରମ ରହିଥିବା ବେଳେ ମା’ଙ୍କ ଗୋଡତଳେ ବଳି ଦେବା ପାଇଁ ବହୁ ସଂଖ୍ୟାରେ ଭକ୍ତମାନେ ଅପେକ୍ଷା କରିଛନ୍ତି । Kanak News is now on WhatsApp Join and get latest news updates delivered to you via WhatsApp Join Now ରାଜାରାଜୁଡା ଅମଳରୁ ଚାଲି ଆସୁଥିବା ଏହି ପ୍ରଥାକୁ ସରକାର ଚାହିଁଲେ ବି ବନ୍ଦ କରି ପାରୁନାହାନ୍ତି । ବଳି ସପକ୍ଷବାଦୀ ମାନେ ମା’ଙ୍କୁ ବଳି ଦେଲେ ହିଁ ମନୋକାମନା ପୁର୍ଣ୍ଣ ହେଉଥିବା କଥା ଯୁକ୍ତି ବାଢୁଥିବା ବେଳେ ମୁଣ୍ଡ ନୁଆଁଇଛି ପ୍ରଶାସନ । ତେବେ କେବଳ ଚଳିତ ଥର ନୁହେଁ ବରଂ ପ୍ରତ୍ୟେକ ବର୍ଷ ଏପରି ବଳୀ ଭକ୍ତମାନେ ଦେଉଥିବାର ଦେଖାଯାଇଛି । ସରକାର ପଶୁବଳୀ ନଦେବା ପାଇଁ କହୁଥିଲେ ମଧ୍ୟ ଲୋକମାନେ ସରକାରଙ୍କ ନିୟମକୁ ମାନୁନଥିବା ଦେଖାଯାଉଛି । ମିଳିଥିବା ସୂଚନା ଅନୁସାରେ ଚଳିତଥର ମଧ୍ୟ ଶତାଧିକ ବଳୀ ଦିଆଯିବା ପାଇଁ ଲୋକମାନେ ମାନସିକ କରିଛନ୍ତି । 39 Share FacebookTwitterGoogle+WhatsAppTelegramEmailPrint