ବିଜେଡିରୁ ପୁଣି ଥରେ ଟିକେଟ ପାଇବାକୁ ଆଶା ବାନ୍ଧିଲେ ବଳଭଦ୍ର ମାଝୀ । ନବରଙ୍ଗପୁର ସାଂସଦ କହିଲେ, ଅତୁଟ ରଖିଛି ମୁଖ୍ୟମନ୍ତ୍ରୀଙ୍କ ଭରଷା
କନକ ବ୍ୟୁରୋ: ନିର୍ବାଚନ ପାଖେଇ ଆସୁଥିବାବେଳେ କିଏ ଟିକେଟ ପାଇବ କାହାର କଟିବ ତାକୁ ନେଇ ଆରମ୍ଭ ହୋଇଛି ଅଙ୍କକଷା । ଆଉ ଏହାରି ଭିତରେ ପୁଣି ଥରେ ଟିକେଟ ପାଇବାକୁ ଆଶା ବାନ୍ଧିଛନ୍ତି ନବରଙ୍ଗପୁର ସାଂସଦ ବଳଭଦ୍ର ମାଝୀ । ସେ କହିଛନ୍ତି ଅତୁଟ ରଖିଛନ୍ତି ମୁଖ୍ୟମନ୍ତ୍ରୀଙ୍କ ଭରଷା । ତେଣୁୁ ପୁଣି ଥରେ ନବୀନ ତାଙ୍କ ଉପରେ ଭରଷା କରିବେ ।
Kanak News is now on WhatsApp
Join and get latest news updates delivered to you via WhatsApp
ବଳଭଦ୍ର କହିଛନ୍ତି କି, ମୋ ଉପରେ ଯେଉଁ ଭରଷା ରଖି ମୁଖ୍ୟମନ୍ତ୍ରୀ ମୋତେ ଟିକେଟ୍ ଦେଇଥିଲେ, ଆଉ ମୁଁ ବି ମୁଖ୍ୟମନ୍ତ୍ରୀଙ୍କର ଭରଷାକୁ ଅତୁଟ ରଖିଛି । ନବୀନ ପଟ୍ଟନାୟକଙ୍କ ଆଶୀର୍ବାଦରୁ ମୁଁ ମୋର ଅଂଚଳବାସୀଙ୍କ ପାଇଁ ଅନେକ ଗୁଡିଏ ଉନ୍ନତିମୂଲକ କାମ କରିବାରେ ସକ୍ଷମ ହୋଇଛି । ଯେଉଁ କାରଣରୁ ଲୋକଙ୍କର ଭରଷା ଆଜି ମୁଁ ଜିତିପାରିଛି ।
ସେ ଆହୁରୀ ମଧ୍ୟ କହିଛନ୍ତି କି, ଲୋକଙ୍କ ପାଇଁ ସେ ସବୁବେଳେ କାମ କରି ଆସିଛନ୍ତି । ଯେତେବେଳେ ଜନତାଙ୍କର ତାଙ୍କର ଆବଶ୍ୟକତା ପଡିଛି, ସେ ସେତେବେଳେ ସେମାନଙ୍କ ପାଖରେ ଠିଆ ହୋଇଛନ୍ତି । ତେଣୁ ଅଂଚଳବାସୀଙ୍କର ବି ତାଙ୍କ ଉପରେ ପୂରା ଭରଷା ରହିଛି । ଯେପରି ନବୀନ ପଟ୍ଟନାୟକଙ୍କ ସହିତ ଓଡିଶାବାସୀଙ୍କ ସମର୍ଥନ ରହିଛି, ସେହିଭଳି ତାଙ୍କ ସହିତ ମଧ୍ୟ ତାଙ୍କ ଅଂଚଳବାସୀଙ୍କର ପୂରା ସମର୍ଥନ ରହିଛି । ତେଣୁ ଯଦି ଟିକେଟ ମିଳେ, ତେବେ ନିଶ୍ଚିୟ ଜିତିକି ଆସିବି ବୋଲି କହିଛନ୍ତି ନବରଙ୍ଗପୁର ସାଂସଦ ବଳଭଦ୍ର ମାଝୀ ।