ସ୍ୱର୍ଗତ ବାଲଠାକରେଙ୍କ ଶ୍ରଦ୍ଧାଞ୍ଜଳୀରେ ଅହେତୁକ ସମ୍ମାନ ଦେଲେ ମୁସଲିମ୍ ସଂପ୍ରଦାୟ ! ମହାରାଷ୍ଟ୍ର ମାନୁଷ୍ ଙ୍କ ଉପରେ ଚଢିଲା ଅଜମେର୍ ଶରୀଫ୍ ମଜାରର ଚାଦର
ମହାରାଷ୍ଟ୍ର ମାନୁଷ୍ , ବାଦଶାହା , ସିଂହ ତଥା ନିଡରତାର ପ୍ରତୀକ ଭାବରେ ଜଣାଯାଉଥିବା ଶିବସେନା ମୁଖିଆ ସ୍ୱର୍ଗତ ବାଲ୍ ଠାକରେଙ୍କ ଗତକାଲି ସପ୍ତମ ପୂଣ୍ୟତିଥି ପାଳନ କରାଯାଇଛି । ରବିବାର ମୁମ୍ବାଇର ଶିବାଜୀ ପାର୍କରେ ନେତାମାନେ ବାଲ୍ ଠାକରେଙ୍କ ସମାଧିସ୍ଥଳରେ ତାଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କଲେ । ଏହି ସମୟରେ ହଜାର ହଜାର ସଂଖ୍ୟାରେ ଶିବସେନା କର୍ମୀ ସାମିଲ୍ ଥିଲେ । ଶିବସେନା ସିଂହଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ମୁସଲିମ୍ ସମୁଦାୟର ଲୋକ ବି ପହଁଚିଥିଲେ । କିଛି ଲୋକ ଅଜମେର୍ ଶରୀଫ୍ ମଜାରରୁ ଚାଦର ନେଇ ଆସିଥିଲେ । ଲୋକମାନେ ଏହି ଚାଦରକୁ ବାଲା ସାହେବ୍ ସ୍ମୃତିସ୍ଥଳରେ ଚଢାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ମହାରାଷ୍ଟ୍ରରେ ମୁଖ୍ୟମନ୍ତ୍ରୀ ଶାସନକୁ ନେଇ ମାହୋଲ୍ ଖୁବ୍ ଗରମ ରହିଛି ଏବଂ ଶିବସେନା କର୍ମୀ ମଧ୍ୟ ଖୁବ୍ ଜୋସ୍ ରେ ରହିଛନ୍ତି । ଚଳିତ ବର୍ଷ କଂଗ୍ରେସ ଏବଂ ଏନସିପି ନେତା ମଧ୍ୟ ବାଲା ସାହେବଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ପହଁଚିଥିଲେ । ଶିବସେନା ପ୍ରମୁଖ ତଥା ବାଲା ସାହେବଙ୍କ ପୁଅ ଉଦ୍ଧବ ଠାକରେ ଏବଂ ନାତି ଆଦିତ୍ୟ ଠାକରେ ଶିବାଜୀ ପାର୍କରେ ଶ୍ରଦ୍ଧାଞ୍ଜଳୀ ଦେଇଥିଲେ । ମହାରାଷ୍ଟ୍ର ପୂର୍ବ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡଣବିସ୍ ମଧ୍ୟ ବାଲା ସାହେବଙ୍କ ଶ୍ରଦ୍ଧାଞ୍ଜଳୀ ଦେବାକୁ ପହଁଚିଥିଲେ ।