କନକ ବ୍ୟୁରୋ : ବିଜେଡି ସାଂସଦ ବୈଜୟନ୍ତ ପଣ୍ଡା ଓ ତଥାଗତ ଶତପଥୀଙ୍କ ମଧ୍ୟରେ ଟ୍ୱିଟ୍ ୱାର ପରେ ଆଜି ବୈଜୟନ୍ତ ଏହି ଫଟୋକୁ ଟ୍ୱିଟ୍ କରିଛନ୍ତି । ଏହି ଫଟୋର ଦୁଇ ପଟରେ ଅଛନ୍ତି ସାଂସଦ ପଣ୍ଡା ଓ ତଥାଗତ । ଏହା ଏକ ସେଲଫି ବୋଲି ମନେ ହେଉଛି । ବୈଜୟନ୍ତ ଲେଖିଛନ୍ତି, ସେଂଟ୍ରାଲ ହଲରେ ଦୁଇଟି କଂଟା ମଧ୍ୟରେ ଏକ ଗୋଲାପ ଫୁଲ ରହିଛି । ଏହି ସେଲଫିର ମଝିରେ ସାଂସଦ ସୁପ୍ରିୟା ସୁଲେ ଅଛନ୍ତି । ମିଳିଥିବା ସୂଚନା ଅନୁସାରେ ସେଂଟ୍ରାଲ ହଲରେ ମଧ୍ୟାହ୍ନ ଭୋଜନ କରିବା ପରେ ଏହି ସେଲ୍ଫି ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଟ୍ୱିଟ୍’ର ସଂପୂର୍ଣ୍ଣ ଅର୍ଥ ସେ ସ୍ପଷ୍ଟ କରିନ ଥିବା ବେଳେ ଏହି ବିବାଦ ସମୟରେ ସେ କାହିଁକି ଏହି ଟ୍ୱିଟ କରିଛନ୍ତି, ତାହା ବି ଅସ୍ପଷ୍ଟ ରହିଛି । ଗତକାଲି ସାଂସଦ ସତପଥୀ ଏକ ଟ୍ୱିଟ୍ କରି ବୈଜୟନ୍ତଙ୍କ ଆଡକୁ ଇସାରା କରି କହିଥିଲେ, ବିଜେଡିକୁ ଭାଙ୍ଗିବା ପାଇଁ ପ୍ରୟାସ କରାଯାଉଛି । ଏଥି ପାଇଁ ଜଣେ ସାଂସଦ ସହାୟତା କରୁଛନ୍ତି । ସେପଟେ ବୈଜୟନ୍ତ ତଥାଗତଙ୍କ ଆଡକୁ ଇସାରା କରି ଟ୍ୱିଟ୍ କରିଥିଲେ , ଏକଦା ସେ ଦଳରୁ ନିଲମ୍ବିତ ହୋଇ ଅନ୍ୟ ରାଜନୈତିକ ଦଳରେ ସାମିଲ ହୋଇଥିଲେ । ତାଙ୍କର ସେଭଳି କିଛି ଅଭିଜ୍ଞତା ନାହିଁ ବୋଲି ବୈଜୟନ୍ତ ଜବାବ ଦେଇଥିଲେ । ଏହି ବିବାଦ ଭିତରେ ଆଜି ବୈଜୟନ୍ତଙ୍କ ଏହି ରୋଚକ ଟ୍ୱିଟକୁ ଧରି ନେଇ ଚର୍ଚ୍ଚା ଜୋର ଧରିଛି ।