ଷଡଯନ୍ତ୍ର ଶିକାର ହୋଇ ବିଜେଡିରୁ ବାଦ୍ ପଡିଛନ୍ତି ନେତା ! ସାଂସଦ ବୈଜୟନ୍ତ ପଣ୍ଡାଙ୍କ ସାଂଘାତିକ ବୟାନ
କନକ ବ୍ୟୁରୋ : ବିଜେଡି ସାଂସଦ ବୈଜୟନ୍ତ ପଣ୍ଡାଙ୍କ ଚାଂଚଲ୍ୟକର ବୟାନ । ଦଳରୁ କିଛି ନେତାଙ୍କୁ ବାହାର କରିବା ପାଇଁ ଚାଲିଛି ଷଡଯନ୍ତ୍ର । ଆଉ ଏହି ଷଡଯନ୍ତ୍ର ଯୋଗୁଁ ଦଳରୁ କିଛି ପୁରୁଖା ନେତା ଦୂରେଇ ଯାଇଥିବା କହିଛନ୍ତି କେନ୍ଦ୍ରାପଡ଼ା ସାଂସଦ । ୨୦୧୯ ପୂର୍ବରୁ ଦଳୀୟ ସଂଗଠନକୁ ମଜବୁତ କରିବା ଲକ୍ଷ୍ୟରେ ବିଜେଡି ପୁରୁଣା ନେତାଙ୍କ ଘର ବାହୁଡା କଥା କହୁଥିବା ବେଳେ ବୈଜୟନ୍ତ ପଣ୍ଡାଙ୍କ ଏହି ବୟାନ୍ ବିଜେଡି ରାଜନୀତିକୁ ଦୋହଲାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
୨୦୧୯ ପାଇଁ ବିଜେଡି ଯେତେବେଳେ ଦଳୀୟ ସଂଗଠନକୁ ସଦୃଢ଼ କରିବା ପାଇଁ ଉଦ୍ୟମ କରୁଛି ଏବଂ ଦଳରୁ ବହିଷ୍କୃତ କିଛି ପୁରୁଖା ନେତାଙ୍କ ଘର ବାହୁଡ଼ା କଥା କହୁଛି- ସେତିକି ବେଳେ ଷଡଯନ୍ତ୍ରର କଥା ଉଠାଇଛନ୍ତି ବୈଜୟନ୍ତ । ଆଉ ଏହି ଷଡଯନ୍ତ୍ରର ଶିକାର ହୋଇ ଦଳରରୁ ପୁରୁଖା ନେତା ଦୂରେଇ ଯାଇଥିବା ବୈଜୟନ୍ତ କରିଛନ୍ତି ।
ଆଜି ବୈଜୟନ୍ତ ଯେଉଁ ଷଡଯନ୍ତ୍ର ଚାଲିଥିବା କଥା କହୁଛନ୍ତି । କାହିଁକି ଏହି ପ୍ରଶ୍ନ ଆସୁଛି । ନିକଟରେ ବିଜେଡିର ୩ ଜଣ ସାଂସଦ କେତେବେଳେ ଲେଖା ପାଇଁ ତ ଆଉ କେତେବେଳେ ଟ୍ୱିଟ୍ ପାଇଁ ଚର୍ଚ୍ଚାକୁ ଆସିଥିଲେ । ଯେଉଁଥି ପାଇଁ ଏମାନଙ୍କୁ ସମାଲୋନାର ଶିକାର ବି ହେବାକୁ ପଡ଼ିଥିଲା ।
କେନ୍ଦ୍ରାପଡ଼ା ସାଂସଦ ଆତ୍ମସମୀକ୍ଷାର କଥା କହିଥିବା ବେଳେ କଟକ ସାଂସଦ ଭତୃହରି ମହତାବ ଦଳର ଫାଟ ସୃଷ୍ଟି ହେବା କଥା କହିଥିଲେ । ଆଉ ଢ଼େଙ୍କାନାଳ ସାଂସଦ ତଥାଗତ ଶତପଥୀ ବିଜେଡିକୁ ବିଜେପି ଭାଙ୍ଗିବା କଥା କହି ଚର୍ଚ୍ଚାକୁ ଆସିଥିଲେ । ଆଉ ଏସବୁ ଭିତରେ ବିଜେଡି ସାଂସଦଙ୍କ ଏହି ଷଡଯନ୍ତ୍ର ତତ୍ୱ, ରାଜ୍ୟ ରାଜନୀତିକୁ ସରଗରମ କରିଥିବା ବେଳେ ବିଜେଡି ରାଜନୀତିକୁ ମଧ୍ୟ ଦୋହଲାଇ ଦେଇଛି ।