ପଛୁଆ ଜିଲ୍ଲାକୁ ନେଇ ଆରମ୍ଭ ହେଲା ପଲିଟିକ୍ସ : ମୋଦିଙ୍କ ନ୍ୟୁ ଇଣ୍ଡିଆ ଭିଜନରେ ରାଜ୍ୟର ୮ଟି ଜିଲ୍ଲାର ବିକାଶ ପାଇଁ ଚିଠି ଲେଖିଲା କେନ୍ଦ୍ର
କନକ ବ୍ୟୁରୋ : କଳାହାଣ୍ଡି, ଢେଙ୍କାନାଳ, କନ୍ଧମାଳ, ରାୟଗଡା , କୋରାପୁଟ, ବଲାଙ୍ଗିର, ଗଜପତି ଓ ମାଲକାନଗିରି । ଓଡିଶାର ଏହି ୮ଟି ଜିଲ୍ଲାର ବିକାଶ ପାଇଁ ସ୍ୱତନ୍ତ୍ର ପଦକ୍ଷେପ ନେଉଛନ୍ତି ମୋଦି ସରକାର । ଓଡିଶା ସରକାରଙ୍କୁ କେନ୍ଦ୍ର ସରକାରଙ୍କ ଚିଠିରେ କୁହାଯାଇଛି, ମୋଦିଙ୍କ ନ୍ୟୁ ଇଣ୍ଡିଆ-୨୦୨୨ ପାଇଁ ୧୧୫ ଟି ପଛୁଆ ଜିଲ୍ଲାକୁ ବଛାଯାଇଛି । ଯେଉଁଥିରେ ଓଡିଶାର ରହିଛି ୮ଟି ଜିଲ୍ଲା । ଦାରିଦ୍ର୍ୟ, ସ୍ୱାସ୍ଥ୍ୟ, ଶିକ୍ଷା ଓ ଭିତିଭୂମି କ୍ଷେତ୍ରରେ ପଛରେ ଥିବା ଓ ମାଓବାଦୀ ଅଧ୍ୟୁଷିତ ଜିଲ୍ଲାକୁ ନେଇ ତିଆରି ହୋଇଛି ଏହି ତାଲିକା ।
Kanak News is now on WhatsApp
Join and get latest news updates delivered to you via WhatsApp
ଓଡିଶାର ୮ଟି ଜିଲ୍ଲାର ବିକାଶ କରିବା ପାଇଁ ମୋଦି ସରକାରଙ୍କ ଏହି ଯୋଜନାକୁ କିନ୍ତୁ ରାଜ୍ୟ ଶାସକ ଦଳର ନେତାମାନେ ସହଜରେ ଗ୍ରହଣ କରିପାରିନାହାଁନ୍ତି । ବିଜେଡି କହିଛି, ଏସବୁ ପ୍ରଚାର ଛାଡି ସ୍ୱତନ୍ତ୍ର ମାନ୍ୟତା ଦେବା ପାଇଁ ଚେଷ୍ଟା କରନ୍ତୁ ମୋଦି ।
ଏହି ଜିଲ୍ଲା ଗୁଡିକ ପାଇଁ କେନ୍ଦ୍ର ସରକାର ଅତିରିକ୍ତ ଯୁଗ୍ମ ସଚିବ ପାହ୍ୟାରେ ପ୍ରତ୍ୟେକ ଜିଲ୍ଲା ପାଇଁ ପ୍ରଭାରୀ ଅଫିସର ନିଯୁକ୍ତ କରିଛନ୍ତି । ଏହି ଅଫିସର ମାନେ କେନ୍ଦ୍ର ଓ ରାଜ୍ୟ ସହ ସମନ୍ୱୟ ରକ୍ଷା କରି କାମ କରିବେ । ତେବେ କେଉଁ ଭିତ୍ତିରେ ଏହି ତାଲିକା ଗଠନ କରାଯାଇଛି ଏବଂ ରାଜ୍ୟ ସରକାରଙ୍କର ଏଥିରେ ସହମତି ରହିଛି କି ନାହିଁ ତାହା ଏଯାଏଁ ସ୍ପଷ୍ଟ ହୋଇନାହିଁ । ଏଭଳି ସ୍ଥଳେ ରାଜ୍ୟ ସରକାର ମାନଙ୍କୁ ବିଶ୍ୱାସକୁ ନନେଇ କେନ୍ଦ୍ର ସରକାର କେମିତି କାମ ଆଗକୁ ବଢାଇବେ ତାହା ବଡ ପ୍ରଶ୍ନ ।