ଓଲିଉଡ୍ ଅଭିନେତା ବାବୁସାନଙ୍କ ପାଇଁ ଆଜି ହେଉଛି ଖୁସିର ଦିନ ! ସୋସିଆଲ୍ ମିଡିଆରେ ପ୍ରଶଂସକ ଦେଲେ ଶୁଭେଚ୍ଛା ।
ଓଡିଶାବାସୀଙ୍କ ପ୍ରିୟ ଅଭିନେତା ବାବୁସାନ ମହାନ୍ତି । ଓଲିଉଡ ଜଗତରେ ବାପାଙ୍କ ପରେ ବାଳୁଙ୍ଗା ଟୋକା ହୋଇ ଦର୍ଶକଙ୍କ ମନ ଜିତିଥିବା ବାବୁସାନଙ୍କର ଆଜି ହେଉଛି ବିବାହ ବାର୍ଷିକ । ଅନେକ ଫ୍ୟାନ୍ସ ମାନେ ତାଙ୍କୁ ସୋସିଆଲ ମିଡିଆରେ ବିବାହ ବାର୍ଷିକର ଶୁଭେଚ୍ଛା ଜଣାଇଛନ୍ତି । ୨୦୧୪ ଜୁଲାଇ ୬ରେ ସେ ତୃପ୍ତି ଶତପଥିଙ୍କୁ ବିବାହ କରିଥିଲେ ଏବଂ ତାଙ୍କ ବିବାହ ଅତି ଆଡମ୍ବର ପୂର୍ଣ୍ଣ ନ ହୋଇ ଆର୍ୟ୍ୟ ସମାଜ ରୀତିନୀତିରେ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ଆମେ କହି ରଖୁଛୁ ଯେ ସିନେ ଅଭିନେତା ଉତ୍ତମ ମହାନ୍ତି ଏବଂ ଅଭିନେତ୍ରୀ ଅପରାଜିତାଙ୍କ ଏକମାତ୍ର ସନ୍ତାନ ଅଟନ୍ତି ବାବୁସାନ । ବାପା ମା’ଙ୍କ ଭଳି ସେ ମଧ୍ୟ ନିଜ ଅଭିନୟରେ ସମସ୍ତ ଦର୍ଶକଙ୍କ ମନକୁ ଜିତି ପାରିଛନ୍ତି ଏବଂ ବର୍ତ୍ତମାନର ଯୁବପିଢି ତାଙ୍କ ସିନେମାଙ୍କୁ ଖୁବ ପସନ୍ଦ କରୁଛନ୍ତି । ନିକଟରେ ତାଙ୍କର ଫିଲ୍ମ ରିଲିଜ ହୋଇଥିଲା ସୁନ୍ଦରଗଡ ସଲମାନ ଖାନ ଯାହା ଦର୍ଶକଙ୍କୁ ଖୁବ ପସନ୍ଦ ମଧ୍ୟ ଆସିଥିଲା । ଗତ କିଛି ଦିନ ତଳେ ତାଙ୍କର ଫ୍ୟାନ୍ସ ମାନେ ବାବୁଶାନଙ୍କ ପାଇଁ ଏକ ‘ବାବୁସାନ ଫ୍ୟାନ’ଗୀତ ପ୍ରସ୍ତୁତ କରିଥିଲେ । ଯାହାକୁ କଣ୍ଠଦାନ ଦେଇଥିଲେ ତାରିକ୍ ଅଜିଜ୍ । ଯାହା ଏବେ ଚହଳ ସୃଷ୍ଟି କରିଛି ।