ସୁପ୍ରିମକୋର୍ଟଙ୍କ ରାୟକୁ ନେଇ ବାବା ରାମଦେବଙ୍କ ବଡ ବୟାନ୍ । କହିଲେ, ଚରିତାର୍ଥ ହେଲା ‘ସତ୍ୟମେବ ଜୟତେ’ ଅର୍ଥ, ଦେଶ ଆସ୍ଥା ନୁହେଁ, ସମ୍ବିଧାନ ଯୋଗୁଁ ଚାଲେ ।
କନକ ବ୍ୟୁରୋ : ଅଯୋଧ୍ୟା ପ୍ରସଙ୍ଗରେ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତିକୁ ନେଇ ପ୍ରତିକ୍ରିୟା ରଖିଛନ୍ତି ବାବା ରାମଦେବ । ରାମଦେବ କହିଛନ୍ତି, ସୁପ୍ରିମକୋର୍ଟଙ୍କ ଏହା ଐତିହାସିକ ନିଷ୍ପତ୍ତି । ଆଜି ସତ୍ୟମେବ ଜୟତେ ଅର୍ଥ ଚରିତାର୍ଥ ହୋଇଛି । ପୂର୍ବଜଙ୍କୁ ସମ୍ମାନ ଦେବାକୁ ରାମ ମନ୍ଦିର ନିର୍ମାଣ ହେବା ଜରୁରୀ ବୋଲି କହିଛନ୍ତି ବାବା ରାମଦେବ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ସେ କହିଛନ୍ତି, ଦେଶ ଆସ୍ଥା ନୁହେଁ, ସମ୍ବିଧାନ ଯୋଗୁଁ ଚାଲେ, ଯାହା ଆଜି ପ୍ରମାଣିତ ହୋଇଛି । ବଡ ହୃଦୟ ସହ ହିନ୍ଦୁ ଭାଇମାନେ ମସଜିଦ୍ ନିର୍ମାଣ ପାଇଁ ସହଯୋଗ କରିବା ଆବଶ୍ୟକ । ସେହିପରି ଭାଇଚାରାକୁ ଆଗକୁ ନେଇ ମୁସଲିମ୍ ଭାଇମାନେ ମଧ୍ୟ ମନ୍ଦିର ନିର୍ମାଣରେ ସହଯୋଗ କରିବା ଆବଶ୍ୟକ । ଆଉ ଏମିତି ହେଲେ ଦୁନିଆରେ ଭାଇଚାରାର ଏକ ନୂଆ ଉଦାହରଣ ସୃଷ୍ଟି ହେବ ଏବଂ ଭାରତର ଗୌରବ ବଢିବ । କାରଣ ବର୍ତ୍ତମାନ ସମୟରେ ପୁରା ବିଶ୍ୱର ନଜର ଅଯୋଧ୍ୟା ଉପରେ ଅଟକି ରହିଛି ।
ଦଶନ୍ଧି ଦଶନ୍ଧି ଧରି ଚାଲିଥିବା ବିବାଦର ଅବସାନ କରି ଆଜି ସୁପ୍ରିମକୋର୍ଟ ଐତିହାସିକ ରାୟ ଶୁଣାଇଛନ୍ତି । ଭାରତର ନ୍ୟାୟିକ ଇତିହାସରେ ସବୁଠୁ ଦୀର୍ଘ ସମୟ ଧରି ଚାଲିଥିବା ମାମଲାର ସମାଧାନ ପାଇଁ ନିର୍ଣ୍ଣାୟକ ରାୟ ଶୁଣାଇଛନ୍ତି ସୁପ୍ରିମକୋର୍ଟ । ଆଧ୍ୟାତ୍ମିକ ସ୍ଥଳ ଅଯୋଧ୍ୟାର ରାମ ଜନ୍ମଭୂମିରେ ନିର୍ମାଣ ହେବ ରାମମନ୍ଦିର । ରାମ ଜନ୍ମଭୂମୀ ନ୍ୟାସକୁ ବିବାଦୀୟ ଜମି ଦେବାକୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ନ୍ୟାୟାଳୟ ।