ଅନଲାଇନ୍ ବଜାରରେ ଯୋଗଗୁରୁ ରାମଦେବଙ୍କ ଧମାକାଦାର ଏଂଟ୍ରି ! ଏଣିକି ଅନଲାଇନରେ ମିଳିବ ପତଞ୍ଜଳି ସାମଗ୍ରୀ
କନକ ବ୍ୟୁରୋ : ଇ-କମର୍ସ ବା ଅନଲାଇନ୍ ବଜାରରରେ ବାବା ରାମଦେବ ଧମାକାଦାର ଏଂଟ୍ରି ମାରିଛନ୍ତି । ଏଣିକି ଅନଲାଇନରେ ମିଳିବ ପଂତଞ୍ଜଳି ଉତ୍ପାଦ । ପଂତଞ୍ଜଳି ଉତ୍ପାଦକୁ ଅନଲାଇନରେ ବିକିବା ପାଇଁ ରାମ ଦେବ ଆମଜାନ, ଫ୍ଲିପକାର୍ଟ ଓ ଅନ୍ୟ ଅନଲାଇନ ସଂସ୍ଥା ସହ ଚୁକ୍ତି କରିଛନ୍ତି । ଏହି ଅଭିଯାନର ନାଁ ଦିଆଯାଇଛି ହରିଦ୍ୱାରରୁ ହର ଦ୍ୱାର ଯାଏଁ । ଅଭିଯାନକୁ ଆରମ୍ଭ କରି ରାମ ଦେବ କହିଛନ୍ତି-ଆଗାମୀ ଦିନରେ ଏବେ ପଂତଞ୍ଜଳି ନଟ ଫର ପ୍ରଫିଟ କମ୍ପାନୀ ଆଡକୁ ବଢିବ । ଏଥିପାଇଁ କମ୍ପାନୀ ଆଗାମୀ ଦିନରେ ଏକ ଲକ୍ଷ କୋଟି ଟଙ୍କା ଚ୍ୟାରିଟି କରିବ । ଏପରିକି ଦାନ ବି ନିଆଯିବ । ଆଗାମୀ ପଚାଶ ବର୍ଷରେ ଦୁନିଆକୁ ଜିତିବା ସ୍ୱପ୍ନ ନେଇ ଆମେ ଆଗକୁ ବଢିବୁ ବୋଲି କହିଛନ୍ତି ବାବା ରାମଦେବ । ଆଗାମୀ ଦିନରେ ପତଞ୍ଜଳି ୧୦ରୁ ୧୨ ଦେଶରେ ଏକ ନମ୍ବର ଉତ୍ପାଦ ହେବ । ୨୦୧୬-୨୦୧୭ରେ ପତଞ୍ଜଳିର ଟର୍ଣ୍ଣଓଭର ୧୦ ହଜାର ୫ ଶହ କୋଟି ଥିଲା । ଏହି ବର୍ଷ ଏହି ଲକ୍ଷ୍ୟକୁ ଦୁଇଗୁଣ କରିବାକୁ ଲକ୍ଷ୍ୟ ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହା ବ୍ୟତୀତ ଯୋଗଗୁରୁ କହିଛନ୍ତି କମ୍ପାନୀ ମହାରାଷ୍ଟ୍ରର କୃଷକଙ୍କ ଠାରୁ କମଳା କିଣି ତାହାର ଏକ ୟନିଟ ତିଆରି କରିବେ । ପ୍ରେସମିଟରେ ସେ ନିଜ ବିଷୟରେ ଓ ବାଲକୃଷ୍ଣଙ୍କ ବିଷୟରେ ମଧ୍ୟ ଆଲାଚନା କରିଛନ୍ତି । ଉଭୟ ଗାଁରୁ କିପରି ଏପର୍ଯ୍ୟନ୍ତ ଯାତ୍ରା କରିଛନ୍ତି ସେକଥା ବଖାଣିଛନ୍ତି । ପତଞ୍ଜଳିର ଇ-କମର୍ସ ସାଇଟର ନାମ ରଖାଯାଇଛି www.patanjaliayurved.net । ସମସ୍ତ ଜାଣନ୍ତି ସ୍ୱଦେଶୀ ସାମଗ୍ରୀ ବ୍ୟବହାର କରିବା ପାଇଁ ରାମଦେବ ସବୁବେଳ କହି ଆସିଛନ୍ତି ।
ନୂଆ ଦିଲ୍ଲୀରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମରେ ରାମଦେବ, ବାଲକୃଷ୍ଣଙ୍କ ବ୍ୟତୀତ ଆମାଜନ୍, ଫ୍ଲିପକାର୍ଟ, ଗ୍ରୋଫର୍ସ ସମେତ ଅନ୍ୟ ମୁଖ୍ୟ ଇ-ରିଟେଲର ସାମିଲ ହୋଇଥିଲେ । ଏଠାରେ ରାମଦେବ କହିଛନ୍ତି ଅନଲାଇନ୍ ଯୋଗଁ ସାଧାରଣ ଲୋକଙ୍କ ପାଖରେ ନିଜର ପାରମ୍ପରିକ ସାମଗ୍ରୀ ଅତି ସହଜରେ ପାଇପାରିାବ । ଏଠାରେ ବାଳକୃଷ୍ଣ କହିଛନ୍ତି ପତଞ୍ଜଳି ପ୍ରତିଦିନ ୧୦ ଲକ୍ଷରୁ ମଧ୍ୟ ଅଧିକ ଅଡ଼ର ନେବାର କ୍ଷମତା ରଖେ । ଆଗାମୀ ସମୟରେ ପତଞ୍ଜଳି ନିଜର ପୋର୍ଟାଲରୁ ଅନଲାଇନ୍ ଦ୍ରବ୍ୟ ବିକ୍ରି କରିବ । ଏହା ବ୍ୟତୀତ ଅନ୍ୟ ବିକ୍ର୍ରେତାମାନେ ମଧ୍ୟ ପତଞ୍ଜଳି ଉତ୍ପାଦ ବିକ୍ରି କରୁଛନ୍ତି । ତେବେ ପତଞ୍ଜଳି ବଡ଼ ସ୍ତରରେ ଲୋକଙ୍କ ପାଖରେ ପହଞ୍ଚିବା ପାଇଁ ପ୍ରସ୍ତୁତି ଆରମ୍ଭ କରିଛି ।