ବଳଦର ବଳରୁ ବିଜୁଳି ! ବିଦ୍ୟୁତ୍ ଉତ୍ପାଦନ ପାଇଁ ବାବା ରାମଦେବଙ୍କ ନିଆରା ପଦକ୍ଷେପ
ବଳଦର ବଳରୁ ତିଆରି ହେବ ବିଜୁଳି । ବିଦ୍ୟୁତ୍ ଉତ୍ପାଦନ ପାଇଁ ବାବା ରାମଦେବ ନେଇଛନ୍ତି ଏପରି ନିଆରା ପଦକ୍ଷେପ । ରାମଦେବଙ୍କ କମ୍ପାନୀ ପତଞ୍ଜଳୀ ଏବେ ଏହି ‘ବୁଲ୍ ପାୱାର’ ଉପରେ କାମ କରୁଛି । ବଳଦଙ୍କ ଟାଣିବା ଶକ୍ତିକୁ ନେଇ ଏହି ପ୍ରୋଜେକ୍ଟ ତିଆରି ହୋଇଛି । ତେବେ ଶୁଣିବାକୁ ମିଳୁଛି ପ୍ରାୟ ଦେଢ ବର୍ଷ ପୂର୍ବରୁ ଏହି କାମ ଆରମ୍ଭ ହୋଇ ସାରିଛି ଏବଂ କିଛି ମାତ୍ରାରେ ସଫଳତା ମଧ୍ୟ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏପରି କରିବା ପଛରେ ପତଞ୍ଜଳୀର ମୁଖ୍ୟ ଉଦ୍ଦେଶ୍ୟ ହେଉଛି ବଳଦ ଅଥବା ଗୋରୁମାନେ କେତେ ମୂଲ୍ୟବାନ ତାହା ଜଣାଇବା । ଏହା ସହ କଂସେଇଖାନାକୁ ଗୋରୁଚାଲାଣ ବନ୍ଦ କରିବା । ତେବେ କମ୍ପାନୀ ଏପରି ଏକ ଡିଜାଇନ୍ ତିଆରି କରୁଛି ଯାହାଦ୍ୱାରା ଯେଉଁ ଚାଷୀ ମାନଙ୍କ ପାଖରେ ବଳଦ ଅଛନ୍ତି ସେମାନଙ୍କୁ ବିଦ୍ୟୁତ୍ ଉତପାଦନ କରିବାକୁ ସୁଯୋଗ ଦିଆଯିବ । ଫଳରେ ସେମାନଙ୍କ ରୋଜଗାର ବଢିପାରିବ ।
ଏହି ପ୍ରକ୍ରିୟାରେ ଦେଶର ଏକ ପ୍ରମୁଖ ମଲ୍ଟିନ୍ୟାସନାଲ୍ ମେନ୍ୟୁଫାକ୍ଚରର ଏବଂ ତୁର୍କୀର ଏକ କମ୍ପାନୀ ସାମିଲ୍ ଅଛି । ସୂଚନା ମୂତାବକ ଏହି ଡିଜାଇନରୁ ପ୍ରାୟ ୨.୫ କିଲୋୱାଟ୍ ପାୱାର୍ ମିଳିସାରିଛି ।
ଏହା ସହ ଦେଖନ୍ତୁ ପ୍ରଧାନମନ୍ତ୍ରୀଙ୍କ ବିଦେଶ ଖର୍ଚ୍ଚ ! ଜାଣନ୍ତୁ ୨ବର୍ଷରେ ମୋଦିଙ୍କ ଯାତ୍ରାର ହିସାବ ନିକାଶ