ବଡପରଦାରେ ପୁଣି ଥରେ ଏକାଠି ନଜର ଆସିବେ ଆୟୁଷ୍ମାନ ଖୁରାନା ଓ ଭୂମି ପେଡନେକର

ରାଷ୍ଟ୍ରୀୟ ପୁରସ୍କାର ପାଇଥିବା ସିନେମା ‘ଦମ ଲଗାକେ ହେଇସା’ରେ ନିଜର ଖଟ୍ଟା ମିଠା କେମେଷ୍ଟ୍ରିରେ ଦର୍ଶକଙ୍କ ମନ କିଣିଥିବା ଆୟୁଷ୍ମାନ ଖୁରାନା ଓ ଭୂମି ପେଡନେକର ପୁଣି ଥରେ ଏକାଠି ନଜର ଆସିବେ । ଉଭୟେ ‘ଶୁଭ ମଙ୍ଗଲ ସାବଧାନ’ ସିନେମାରେ ପୁଣି ଥରେ ନିଜ ଅଭିନୟର ଜଲବା ଦେଖାଇବେ ବୋଲି ଜଣାପଡିଛି । ଏଇ ସିନେମା ନେଇ ଆୟୁଷ୍ମାନ ଖୁରାନା ନିଜେ ଟ୍ୱିଟର ଜରିଆରେ ସୂଚନା ଦେଇଛନ୍ତି । ଏହି ସିନେମା ତାମିଲ ହାସ୍ୟରସାତ୍ମକ ସିନେମା ‘କଲ୍ୟାଣ ସମୟାଲ ସାଧମ’ ର ହିନ୍ଦି ରିମେକ । ଏହି ସିନେମାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ଏସ.ପ୍ରସନ୍ନା ଏବଂ ମୂଖ୍ୟ ଭୂମିକାରେ ଅଭିନୟ କରୁଛନ୍ତି ଆୟୁଷ୍ମାନ ଖୁରାନା ଓ ଭୂମି ପେଡନେକର ।