୨୧ ଫେବୃୟାରୀରୁ ଆରମ୍ଭ ହେବ ରାମମନ୍ଦିର ନିର୍ମାଣ ! ପ୍ରୟାଗରାଜରେ ଘୋଷଣା କଲେ ସାଧୁସନ୍ଥ
କନକ ବ୍ୟୁରୋ : ୨୧ ଫେବୃୟାରୀରୁ ରାମମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହେବ । ଏ ନିଷ୍ପତ୍ତି କେନ୍ଦ୍ର ସରକାର ନୁହେଁ ପ୍ରୟାଗରାଜରେ ଠୁଳ ହୋଇଥିବା ସାଧୁସନ୍ଥ ନେଇଛନ୍ତି । ପ୍ରୟାଗରାଜ କୁମ୍ଭମେଳାରେ ଜଗତଗୁରୁ ଶଙ୍କରାଚାର୍ଯ୍ୟ ସ୍ୱରୂପାନନ୍ଦ ସରସ୍ୱତୀ ଡାକିଥିବା ପରମ ଧର୍ମ ସଂସଦରେ ରାମ ମନ୍ଦିର ନିର୍ମାଣ ନେଇ ଏପରି ଘୋଷଣା କରିଛନ୍ତି । ପରମ ଧର୍ମ ସଂସଦରେ ରାମମନ୍ଦିର ପାଇଁ ଆଧାରଶିଳା ରଖିବାର ପ୍ରସ୍ତାବ ପାରିତ ହୋଇଯାଇଛି । ଶଙ୍କରାଚାର୍ଯ୍ୟ ସ୍ୱରୂପାନନ୍ଦ ସରସ୍ୱତୀ କହିଛନ୍ତି, ଏଥିପାଇଁ ସମସ୍ତ ଆଖଡ଼ାରେ ସନ୍ଥଙ୍କ ସହ ଆଲୋଚନା ହୋଇସାରିଛିି ।
Kanak News is now on WhatsApp
Join and get latest news updates delivered to you via WhatsApp
ଧର୍ମ ସଂସଦର ନେତୃତ୍ଵ ନେଇଥିବା ଶଙ୍କରାଚାର୍ଯ୍ୟ ସ୍ଵରୂପାନନ୍ଦ ସରସ୍ଵତୀ କହିଛନ୍ତି ହିନ୍ଦୁଙ୍କ ମନୋକାମନା ପୂରଣ ପାଇଁ ୨୦୧୯ ଫେବୃଆରୀ ୨୧ରେ ରାମମନ୍ଦିର ନିର୍ମାଣ କାର୍ୟ୍ୟ ଆରମ୍ଭ ହେବ । ବସନ୍ତ ପଞ୍ଚମୀ ପରେ ଆମେ ପ୍ରୟାଗରାଜ ପାଇଁ ପ୍ରସ୍ତାନ କରିବୁ । ତେବେ ରାମମନ୍ଦିର ପାଇଁ ଗୁଳି ଖାଇବାକୁ ପଡ଼େ କି ଜେଲ ଯିବାକୁ ପଡ଼େ ତେବେ ଆମେ ପ୍ରସ୍ତୁତ ବୋଲି କହିଛନ୍ତି ଶଙ୍କରାଚାର୍ଯ୍ୟ ସ୍ଵରୂପାନନ୍ଦ ସରସ୍ଵତୀ ।
ତେବେ ମନ୍ଦିର ନିର୍ମାଣ କେଉଁ ସ୍ଥାନରେ ହେବ , ଏନେଇ କିଛି ସ୍ପଷ୍ଟ ହୋଇନାହିଁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବରୁ କହିସାରିଛନ୍ତି ସୁପ୍ରିମକୋର୍ଟଙ୍କ ନିଷ୍ପତ୍ତି ଆସିବାପରେ ହିଁ ସରକାର କୌଣସି ନିର୍ଣ୍ଣୟ ନେଇପାରିବେ । କିନ୍ତୁ ହିନ୍ଦୁବାଦୀ ସଂଗଠନ ଧର୍ମ ସଂସଦ ଓ ବିକ୍ଷୋଭ ଜରିଆରେ ମନ୍ଦିର ନିର୍ମାଣ ପାଇଁ ସରକାରଙ୍କ ଉପରେ ଚାପ ପକାଯାଉଛି ।