ନିର୍ବାଚନ ପ୍ରଚାର ପାଇଁ ନେତା ଅଳିଆଗଦାରେ ବସିଲେ ତା ସାଙ୍ଗକୁ ଡ୍ରେନ ପାଣିରେ ଶୋଇଲେ । ପାକିସ୍ତାନରେ ଆସନ୍ତା ଜୁଲାଇ ୨୫ରେ ସାଧାରଣ ନିର୍ବାଚନ ହେବାକୁ ଯାଉଛି । ନିର୍ବାଚନ ଜିତିବା ପାଇଁ ବିଭିନ୍ନ ପ୍ରାର୍ଥୀ ଓ ଦଳ ଦିନ ରାତି ଏକ କରି ଦେଇଛନ୍ତି । ହାଇଭୋଲଟେଜ ପ୍ରଚାର ସାଙ୍ଗକୁ ଲୋକଙ୍କୁ ଆକୃଷ୍ଟ କରିବାକୁ ନେତା ମାନେ ଅନେକ ପ୍ରତିଶୃତି ଦେଉଛନ୍ତି । ତେବେ ଏହା ଭିତରେ ଜଣେ ପ୍ରାର୍ଥୀ ଭୋଟରଙ୍କ ଦୃଷ୍ଟି ଆକର୍ଷଣ କରିବାକୁ ନୂଆ ଉପାୟ ଆପଣାଇଛନ୍ତି । ଯାହା ପୂରା ପାକିସ୍ତାନ ସମେତ ଅନ୍ୟ ଦେଶରେ ମଧ୍ୟ ଚର୍ଚ୍ଚାର ବିଷୟ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମରେ ପ୍ରକାଶିତ ରିପୋର୍ଟ ଅପୁଯାୟୀ, କରାଚୀ ସଂସଦୀୟ କ୍ଷେତ୍ରରୁ ଆମ ଆଦମୀ ପାକିସ୍ତାନ ପାର୍ଟି ପକ୍ଷରୁ ପ୍ରାର୍ଥୀ ହୋଇଛନ୍ତି ଆୟାଜ ମେମନ । ସ୍ୱଚ୍ଛତାକୁ ନିର୍ବାଚନ ମୁଦ୍ଦା କରି ଆୟାଜ ନିର୍ବାଚନ ମୈଦାନକୁ ଓହ୍ଳାଇଛନ୍ତି । ତେବେ ଏହାର ପ୍ରଚାର କରିବା ପାଇଁ ଆୟାଜ ଏକ ନୂଆ ତରିକା ଆପଣାଇଛନ୍ତି । ଭୋଟରଙ୍କୁ ଆକୃଷ୍ଟ କରିବାକୁ ଆୟାଜ ଅଳିଆ ଗଦାରେ ବସିବାକୁ ପଛାଇ ନାହାନ୍ତି । ଏପରିକି ଡ୍ରେନ ପାଣିରେ ଶୋଇବା ସହ ଏହାର ପାଣିକୁ ମଧ୍ୟ ପିଇଛନ୍ତି । ଆଉ ଏଭଳି ନିଆରା ପ୍ରଚାର କରି ଭୋଟ ମାଗିଛନ୍ତି ଆୟାଜ । ନିର୍ବାଚନମଣ୍ଡଳୀ କେତେ ସ୍ୱଚ୍ଛ ଓ ଡ୍ରେନେଜ ବ୍ୟବସ୍ଥା କଭିଳି ରହିଛି ତାହା ଭୋଟରଙ୍କୁ ଦେଖାଇବାକୁ ଆୟାଜ ଏଭଳି କରିଛନ୍ତି ।
ଅଳିଆ ଗଦାରେ ବସିବା ଓ ଡ୍ରେନରେ ଶୋଇଥିବା ଫଟୋ ଓ ଭିଡ଼ିଓକୁ ଆୟାଜ ସୋସିଆଲ ମିଡ଼ିଆରେ ଅପଲୋଡ଼ କରିଥିଲେ । ଯାହା ପରବର୍ତ୍ତୀ ସମୟରେ ଭାଇରାଲ ହୋଇଥିଲା । ଆୟାଜଙ୍କ ଏହି ପଲଟିକାଲ ଷ୍ଟଣ୍ଟ ମଧ୍ୟ ଲୋକଙ୍କ ୁ ବେଶ ପସନ୍ଦ ଆସିଛି । ଆୟାଜ ଏବେ ଇଣ୍ଟରନେଟରେ ଲୋକପ୍ରିୟ ରାଜନେତା ଭାବେ ଉଭା ହୋଇଛନ୍ତି ।