ମଝି ଆକାଶରେ ପୁଣି ଥରେ ଦୁର୍ଘଟଣାରୁ ଅଳ୍ପକେ ବର୍ତିଗଲେ ୨ ଇଣ୍ଡିଗୋ ବିମାନ
ଆକାଶରେ ଦୁଇଟି ଇଣ୍ଡିଗୋ ବିମାନ ପରସ୍ପର ସହ ହେବାକୁ ଯାଉଥିବା ଧକ୍କା ଏଡ଼ାଇ ପାରିଛନ୍ତି
କନକ ବ୍ୟୁରୋ : ଭାରତ ଓ ବାଂଲାଦେଶ ସୀମାନ୍ତ ଅନ୍ତର୍ଗତ ଆକାଶରେ ଦୁଇଟି ଇଣ୍ଡିଗୋ ବିମାନ ପରସ୍ପର ସହ ହେବାକୁ ଯାଉଥିବା ଧକ୍କା ଏଡ଼ାଇ ପାରିଛନ୍ତି ବୋଲି ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆର ଅଧିକାରୀମାନେ କହିଛନ୍ତି। ସମ୍ଭାବ୍ୟ ଧକ୍କାର ମାତ୍ର ୪୫ ସେକେଣ୍ଡ୍ ପୂର୍ବରୁ ଡାହଣ ପଟକୁ ବୁଲି ଯାଇ ସମାନ ଉଚ୍ଚତାସ୍ତରରେ ଆସୁଥିବା ଅନ୍ୟ ଏକ ବିମାନ ବାଟରୁ ହଟି ଯିବାକୁ ଗୋଟିଏ ବିମାନକୁ କୋଲକାତାର ଏୟାର୍ ଟ୍ରାଫିକ୍ କଣ୍ଟ୍ରୋଲ୍ ନିର୍ଦେଶ ଦେଲେ। କୋଲକାତା ବିମାନ ବନ୍ଦରର ଜଣେ ବରିଷ୍ଠ ଏଏଆଇ କର୍ତ୍ତୃପକ୍ଷ କହନ୍ତି: ଉଭୟ ଇଣ୍ଡିଗୋ ବିମାନ ବୁଧବାର ସନ୍ଧ୍ୟାରେ ଏକା ସ୍ତରରେ ଉଡୁଥିବାରୁ ଉଭୟଙ୍କ ପ୍ରତି ବିପଦର କାରଣ ହୋଇ ଥାଆନ୍ତେ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ବିମାନ ଚେନ୍ନାଇରୁ ଗୌହାଟି ଯାଉଥିଲା ଏବଂ ଆରଟି ଗୌହାଟିରୁ କୋଲକାତା ଅଭିମୁଖେ ଯାତ୍ରା କରୁଥିଲା। ସନ୍ଧ୍ୟା ପ୍ରାୟ ୫:୧୦ରେ ଉଭୟ ବିମାନ ପରସ୍ପରର ନିକଟତର ହୋଇ ଆସୁଥିଲେ। କୋଲକାତା ଅବତରଣ କରିବାକୁ ଆସିଥିବା ବିମାନଟି ବାଂଲାଦେଶ ଆକାଶରେ ୩୫୦୦ ଫୁଟ୍ ଉଚ୍ଚରେ ଥିଲା ଏବଂ ଚେନ୍ନାଇ-ଗୌହାଟି ବିମାନଟି ମଧ୍ୟ ସମାନ ଉଚ୍ଚତା ସ୍ତରରେ ଥିଲା। ତୁରନ୍ତ ଚେନ୍ନାଇ-ଗୌହାଟି ବିମାନକୁ ଦିଗ ପରିବର୍ତ୍ତନ କରିବାକୁ ନିର୍ଦେଶ ଦିଆଯାଇଥିଲା। ନିୟମ ଅନୁସାରେ ଦୁଇ ଉଡ଼ନ୍ତା ବିମାନର ଉଚ୍ଚତା ସ୍ତର ମଧ୍ୟରେ ଅନ୍ୟୂନ ୧୦୦୦ ଫୁଟ୍ ତଫାତ ରହିବା କଥା।