ଅଟୋ ରିକ୍ସା ଡ୍ରାଇଭର ହେଲେ ମେୟର ! ରାହୁଲ ଯାଦବଙ୍କ ସଫଳତା କଲା ଅନେକଙ୍କୁ ଅନୁପ୍ରାଣିତ, କହିଲେ ଗରିବ ଲୋକଙ୍କ ଜୀବନରେ ଆଣିବେ ସୁଧାର ।
ଅଟୋ ଚାଳକରୁ ମେୟର ବନିଥିବା ରାହୁଲ ଯାଦବଙ୍କ ଜୀବନ କାହାଣୀ ଏବେ ସମସ୍ତଙ୍କୁ ଅନୁପ୍ରାଣିତ କରିଛି । ୧୦ବର୍ଷ ପୂର୍ବରୁ ୨୦୦ଟଙ୍କା ଆୟ କରିବା ପାଇଁ ସଂଘର୍ଷ କରୁଥିବା ରାହୁଲ ଏବେ ପିମ୍ପିରୀ-ଚିଞ୍ଚିଓ୍ଵାଡ଼୍ ସହରର ମେୟର ବନି ସାରିଛନ୍ତି । ଶୁକ୍ରବାର ଏହି ଘୋଷଣା କରାଯାଇଥିବା ବେଳେ ରାହୁଲଙ୍କ ଅତୀତର ପରିସ୍ଥିତି ଏବେ ସମସ୍ତଙ୍କୁ ଅନୁପ୍ରାଣିତ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦଶମ ଶ୍ରେଣୀ ପର୍ୟ୍ୟନ୍ତ ପଢ଼ି ସାରିବା ପରେ ରାହୁଲ ଅଟୋ ଚଳାଇବା ଆରମ୍ଭ କରିଥିଲେ । ୧୯୯୭ରୁ ୨୦୦୨ ପର୍ୟ୍ୟନ୍ତ ସେ ଚିଖଲି, ଭୋଶାରି ଏବଂ ମୋଶିରେ ଅଟୋ ଚଳାଇ ନିଜର ପେଟ ପୋଷିବା ଆରମ୍ଭ କରିଥିଲେ । ୨୦୦୭ରେ ତାଙ୍କ ଭାଗ୍ୟ ପରିବର୍ତ୍ତନ ହେବା ପରେ ସେ ରାଜନୀତିରେ ଯୋଗ ଦେଇଥିଲେ । ଯାହାର ଫଳ ତାଙ୍କୁ ଆଜି ମିଳିଛି । ଆଜି ସେ ଜଣେ ଅଟୋ ଚାଳକରୁ ମେୟର ବନି ସାରିଥିବା ବେଳେ ନିଜର ସବୁ ଶକ୍ତି ଗରିବ ଲୋକଙ୍କ ଜୀବନରେ ସୁଧାର ଆଣିବାରେ ଲଗାଇବେ ବୋଲି କହିଛନ୍ତି ।