ପୋଲିସ ନା ସୈତାନ ! ରାସ୍ତା ଉପରେ ଘୋଷାଡି ଘୋଷାଡି ମାରିଲା ମାଡ, ମନ ବୁଝିଲାନି ଅଟୋ ଡ୍ରାଇଭରର ତଣ୍ଟି ଉପରେ ହୋଇଗଲା ଛିଡା, ଦେଖନ୍ତୁ ଭିଡିଓ
ରକ୍ଷକ ସାଜିଲା ଭକ୍ଷକ । ଯେଉଁଠି ସାଧାରଣ ଲୋକଙ୍କୁ ସୁରକ୍ଷା ଦେବା ବଦଳରେ ଗୋଇଠା ଓ ବିଧା ମାରିବାକୁ ପଛାଏ ନାହିଁ ପୋଲିସ । କେବଳ ଗୋଇଠା କିମ୍ବା ବିଧା ନୁହେଁ ବରଂ ନିରୀହ ଲୋକର ଛାତି ଉପରେ ଗୋଡ ରଖି ଦାଦାଗିରି ଦେଖାଉଛି ପୋଲିସ । ଏଭଳି ଏକ ଚିତ୍ର ଉତ୍ତର ପ୍ରଦେଶର ଲକ୍ଷ୍ନୌ ସହରରେ ଦେଖିବାକୁ ମିଳିଛି । ଯାହା ପୋଲିସ ବିଭାଗର ଅସଲି ଚେହେରାକୁ ପଦାରେ ପକାଇଛି । ଗୋଟିଏ ପଟେ ଲୋକଙ୍କ ମନରେ ପୋଲିସ ପ୍ରତି ଥିବା ଭାବନାକୁ ବଦଳାଇବାକୁ ଉତ୍ତର ପ୍ରଦେଶ ପୋଲିସ ବିଭାଗ ଚେଷ୍ଟା କରୁଥିବା ବେଳେ ଅନ୍ୟପଟେ ସାଧାରଣ ଲୋକଙ୍କୁ ପୋଲିସ ମାଡ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
#यूपीपुलिस का एक चेहरा ये भी है. लखनऊ के इस पुलिसवाले की ड्यूटी का अंदाज देखिए. रिक्शा वाले को लात घूँसों से पीटा फिर गरदन पर ही लात रख दी, इस अंदाज में कि दुनिया मेरे जूते की नोंक पर …@abpnewshindi @Uppolice pic.twitter.com/pICbwrIMPT
— Pankaj Jha (@pankajjha_) August 25, 2018
ଘଟଣା ଅନୁଯାୟୀ, ଲକ୍ଷ୍ନୌ ସହରର ମିଡିଆବାନ ଅଞ୍ଚଳରେ ଏକ ପୋଲିସ ଭ୍ୟାନକୁ ଧକ୍କା ଦେଇଥିଲା ଅଟୋ । ବାସ୍ ଏତିକିରେ ଗାଡିରେ ବସିଥିବା ପୋଲିସ ଅଫିସର ରାଗି ଯାଇଥିଲେ । ସିଧାସଳଖ ରାସ୍ତା ଉପରେ ଦେଖାଇଥିଲେ ଦାଦାଗିରି । ଶହଶହ ଲୋକଙ୍କ ସାମ୍ନାରେ ଉକ୍ତ ଅଟୋ ଡ୍ରାଇଭରକୁ ରାସ୍ତାକଡରେ ଥିବା ଡିଭାଇଡର ପର୍ଯ୍ୟନ୍ତ ଘୋଷାଡି ଘୋଷାଡି ନେବା ପରେ ଗୋଇଠା ପରେ ଗୋଇଠା ମାରି ଚାଲିଥିଲେ । ଏତିକିରେ ପୋଲିସ ଅଫିସରଙ୍କ ମନ ବୁଝିନଥିଲା, ଅଟୋ ଡ୍ରାଇଭରର ତଣ୍ଟି ଉପରେ ଗୋଡ ରଖି ଜୁଲୁମ ଆରମ୍ଭ କରିଥିଲେ । ଏପରିକି ବିଚରା ଅଟୋ ଡ୍ରାଇଭରକୁ ଗାଳି କରିବାକୁ ମଧ୍ୟ ପଛାଇ ନଥିଲେ ପୋଲିସ ବାବୁ । ଶହ ଶହ ଲୋକ ଏହି ଘଟଣା ଦେଖୁଥିଲେ ମଧ୍ୟ କେହି ମୁହଁ ଖୋଲିବାକୁ ସାହସ କରିନଥିଲେ ।
ତେବେ ଏହି ସମୟରେ କେହି ଜଣେ ବ୍ୟକ୍ତି ପୋଲିସ ବାବୁଙ୍କ ଅଟୋ ଡ୍ରାଇଭରକୁ ମାଡ ମାରୁଥିବାର ଭିଡିଓ କରି ସୋସିଆଲ ମିଡିଆରେ ଛାଡିଥିଲେ । ଯାହା ପରବର୍ତ୍ତୀ ସମୟରେ ଭାଇରାଲ ହୋଇଥିଲା । ଏହି ଭିଡିଓ ଭାଇରାଲ ହେବା ପରେ ଅଟୋ ଡ୍ରାଇଭରଙ୍କୁ ମାଡ ମାରିଥିବା ପୋଲିସ କନେଷ୍ଟବଳ ଆନନ୍ଦ ପ୍ରତାପ ସିଂହଙ୍କୁ ସସପେଣ୍ଡ କରିଛି ପୋଲିସ ବିଭାଗ । ଏପରିକି ଘଟଣାସ୍ଥଳରେ ଉପସ୍ଥିତ ଥିବା ଅଶୋକ ମିଶ୍ର ଓ ତେଜ ପ୍ରତାପଙ୍କୁ ମଧ୍ୟ ନିଲମ୍ବନ କରାଯାଇଛି । ଅଟୋ ଡ୍ରାଇଭରଙ୍କୁ ମାଡ ମାରୁଥିବା ପୋଲିସ ନିଶାଗ୍ରସ୍ତ ଥିଲେ ବୋଲି ଜଣାପଡିଛି । ତେବେ କାର୍ଯ୍ୟରତ ପୋଲିସଙ୍କ ଏଭଳି କାର୍ଯ୍ୟକଳାପ ଦ୍ୱାରା ପୋଲିସ ବିଭାଗର ଗାରିମାକୁ ନଷ୍ଟ କରିଛି । ତେଣୁ ତାଙ୍କୁ ନିଲମ୍ବନ କରାଯାଇଛି ବୋଲି କହିଛି ପୋଲିସ ବିଭାଗ । ତେବେ ଏହି ଘଟଣାର ପୁନରାବୃତ୍ତି ଯେପରି ଆଗାମୀ ଦିନରେ ନ ଘଟେ ତାହା ଉପରେ ଦୃଷ୍ଟି ଦେବାକୁ ନିର୍ଦ୍ଦେଶ ଦେଇଛି ପୋଲିସ ବିଭାଗ ।