କୁମ୍ଭ ଭାରତୀୟ ସଂସ୍କୃତିର ଏକ ଧାର୍ମିକ ଓ ସାଂସ୍କୃତିକ ପର୍ବ ଅଟେ । ଯାହା କେବଳ ଦେଶବାସୀଙ୍କ ଉପରେ ହିଁ ନୁହେଁ ବରଂ ପୁରା ଦୁନିଆର ଲୋକଙ୍କ ଉପରେ ନିଜର ଛାପ ଛାଡିଦେଇଛି । ଏହାର ସବୁଠାରୁ ବଡ ଉଦାହରଣ ଅଷ୍ଟ୍ରେଲିଆ ନିବାସୀ ଶରଭଙ୍ଗ ଗିରି ବାବା । କୁମ୍ଭ ୨୦୧୯ର ସାହି ସ୍ନାନ ଓ ଅଖାଡା ବ୍ୟତୀତ ଶରଭଙ୍ଗ ଗିରି ବାବା ବି ଚର୍ଚ୍ଚାରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Once an atheist, ‘Australian Baba’ Sharabhang Giri becomes centre of attraction at Kumbh Mela https://t.co/WvKNQXG7c1 pic.twitter.com/w3V7E4w5yX
— Harmukh News (@HarmukhNews) January 17, 2019
ବର୍ଷ ୧୯୯୮ରେ ଶରଭଙ୍ଗ ଗିରି ବାବା ଅଷ୍ଟ୍ରେଲିୟାରୁ ଭାରତ ଆସିଥିଲେ । ସେହି ସମୟରେ ସେ ଦୁନିଆର ସବୁଠାରୁ ବଡ ଧାର୍ମିକ ପର୍ବ କୁମ୍ଭ ମେଳାରେ ସାମିଲ ହୋଇଥିଲେ । ଆଶ୍ଚର୍ଯ୍ୟର କଥା ଏହା ଯେ, ଯେତେବେଳେ ସେ ଅଷ୍ଟ୍ରେଲିଆରୁ ଭାରତ ଆସିଥିଲେ, ସେତେବେଳେ ସେ ସଂପୂର୍ଣ୍ଣ ରୂପେ ନାସ୍ତିକ ଥିଲେ । କିନ୍ତୁ ଆଜି ଏହି ବାବା ଜଣେ ପ୍ରସିଦ୍ଧ ସନ୍ଥ, ସେ କୁଟୀରରେ ରହନ୍ତି । ସେ ଭାରତୀୟ ସନ୍ଥଙ୍କ ସବୁଠାରୁ ବଡ ସମୂହର ଅଂଶ ।
ଶରଭଙ୍ଗ ଗିରି ବାବାଙ୍କୁ ଅଷ୍ଟ୍ରେଲୀୟ ବାବା ମଧ୍ୟ କୁହାଯାଏ । ବାବାଙ୍କ ମୁତାବକ, ତାଙ୍କୁ ଶରଭଙ୍ଗ ଗିରି ନାମ ତାଙ୍କ ପ୍ରଥମ ଗୁରୁ ବାବା ମଙ୍ଗଳ ଗିରି ଦେଇଥିଲେ । ସେ କୁହନ୍ତି କି, ଚତୁର୍ଥ ଥର ସେ କୁମ୍ଭ ମେଳାରେ ସାମିଲ ହୋଇଛନ୍ତି । ସେ ସନ୍ଥ ହେବା ପୂର୍ବରୁ ପ୍ରଥମେ ତାଙ୍କୁ ହିନ୍ଦୁ ଧର୍ମ ବିଷୟରେ ଅଧିକ କିଛି ଜଣାନଥିଲା । କିନ୍ତୁ ୧୯୯୮ରେ ପ୍ରଥମ ଥର ଭାରତ ଆସିବା ପରେ ତାଙ୍କ ଅନୁଭବ ତାଙ୍କ ଜୀବନକୁ ସଂପୂର୍ଣ୍ଣ ରୂପେ ବଦଳାଇ ଦେଇଛି ଓ ଏହି ପ୍ରକାରରେ ସନ୍ଥ ରୂପେ ତାଙ୍କ ଜୀବନର ଆରମ୍ଭ ହେଲା ।