ଅଷ୍ଟ୍ରେଲିଆରେ ମନ୍ତ୍ରୀଙ୍କ ପାଇଁ ଫତୱା । ନିଜ କର୍ମଚାରୀଙ୍କ ସହ ଯୌନ ସଂପର୍କକୁ ରେଡକାର୍ଡ ।
ଅଷ୍ଟ୍ରେଲିଆ ସରକାରରେ ଦେଖାଦେଇଥିବା ଏକ ସେକ୍ସ ସ୍କାଣ୍ଡାଲ ସାରା ଅଷ୍ଟ୍ରେଲିଆରେ ଚହଳ ସୃଷ୍ଟି କରିଛି । ଏହି କାରଣରୁ ମନ୍ତ୍ରୀମାନେ ନିଜ କର୍ମଚାରୀମାନଙ୍କ ସହିତ ଯୌନ ସଂପର୍କୁ ନିଷିଦ୍ଧ କରିବାକୁ ଅଷ୍ଟ୍ରେଲିଆ ସରକାର ଏକ ନିର୍ଦ୍ଦେଶନାମା ଜାରି କରିବାକୁ ଯାଉଛନ୍ତି । ଏହି ନିଷେଧାଜ୍ଞା ସମ୍ପର୍କରେ ନିଜେ ପ୍ରଧାନମନ୍ତ୍ରୀ ମାଲକମ ଟର୍ଣ୍ଣବଲ୍ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଘଟଣାଟି ଏହିପରି । ଅଷ୍ଟ୍ରେଲିଆର ଉପ-ପ୍ରଧାନମନ୍ତ୍ରୀ ତଥା ନ୍ୟାସନାଲ ପାର୍ଟିର ନେତା ବାର୍ନାବେ ଜଏସ୍ ନିଜର ଗଣମାଧ୍ୟମ ପରାମର୍ଶଦାତା ଭିକ୍କି ଚାମ୍ପିୟନଙ୍କ ସହ ଅବୈଧ ସମ୍ପର୍କ ରଖିବା ବିଷୟରେ ଏକ ଖବର ସିଡନିର ଡେଲି ଟେଲିଗ୍ରାଫରେ ପ୍ରକାଶ ପାଇବା ପରେ ସରକାରରେ ହଇଚଇ ଖେଳିଯାଇଥିଲା । ଏହି ଖବର ମୁତାବକ ଏହି ସଂପର୍କ ଫଳରେ ଭିକ୍କି ଗର୍ଭବତୀ ହୋଇଥିଲେ ଓ ଏହା ଯୋଗୁଁ ଜଏସଙ୍କ ୨୪ ବର୍ଷର ବୈବାହିକ ଜୀବନର ଅନ୍ତ ହୋଇଥିଲା ।
ଗୁରୁବାରଦିନ ପ୍ରଧାନମନ୍ତ୍ରୀ ମାଲକମ ଟର୍ଣ୍ଣବଲ୍ କହିଛନ୍ତି ଯେ ଜଏସ୍ କିଛି ବ୍ୟକ୍ତିଗତ କାରଣରୁ ଏକ ଛୁଟି ନେଇଛନ୍ତି । ସେ ନିଜ ପୂର୍ବ ପରିବାରକୁ ବିଦାୟ ଜଣାଇବେ ଓ ନୂଆ ପରିବାର ପାଇଁ ଏକ ଘର ଖୋଜିବାକୁ ଯାଇଛନ୍ତି । କିନ୍ତୁ ଏହି ଘଟଣା ଦେଶର ସଂସଦର ସଂସ୍କୃତି ଉପରେ କେତେକ ଗୁରୁତର ପ୍ରଶ୍ନଚିହ୍ନ ଲଗାଉଛି । ଦେଶର ସାଂସଦମାନେ ମୂଲ୍ୟବୋଧକୁ କାଏମ ରଖିବା ଅତି ଆବଶ୍ୟକ ବୋଲି ଟର୍ଣ୍ଣବଲ୍ କହିଛନ୍ତି ।