ରାଫେଲ ଡକ୍ୟୁମେଣ୍ଟ ଚୋରି ନେଇ ବିରୋଧୀଙ୍କ କଡା ସମାଲୋଚନା ପରେ ସୁପ୍ରିମକୋର୍ଟରେ ସରକାରଙ୍କ ୟୁଟର୍ଣ୍ଣ ! କହିଲେ ଦସ୍ତାବିଜ ଚୋରି ହୋଇନି, ଲିକ୍ ହୋଇଛି
କନକ ବ୍ୟୁରୋ : ରାଫେଲ ଡକ୍ୟୁମେଂଟ ଚୋରି ହୋଇଥିବା ନେଇ ସୁପ୍ରିମକୋର୍ଟଙ୍କୁ ସରକାର ଜଣାଇବା ପରେ ଦେଶରେ ହଇଚଇ ସୃଷ୍ଟି ହୋଇଥିଲା । ବିରୋଧୀଙ୍କ କଡ଼ା ସମାଲୋଚନା ପରେ ଆଜି ୟୁଟର୍ଣ ନେଇଛନ୍ତି ଆଟର୍ନି ଜେନେରାଲ କେ କେ ବେଣୁଗୋପାଳ । ସେ କହିଛନ୍ତି, ପ୍ରତିରକ୍ଷା ମନ୍ତ୍ରାଳୟରୁ ରାଫେଲ ଡକ୍ୟୁମେଂଟ ଚୋରି ହୋଇନାହିଁ । ଅଭିଯୋଗକାରୀ ଏହାର ଫଟୋ କପି ବ୍ୟବହାର କରିଛନ୍ତି । ବେଣୁଗୋପଳ କହିଛନ୍ତି, ସୁପ୍ରିମକୋର୍ଟଙ୍କୁ ସେ ଜଣାଇଥିଲେ ଯେ ସରକାରଙ୍କ ଗୋପନୀୟ ଫାଇଲର ଫଟୋ କପି ପିଟିସନରେ ଦାଖଲ କରିଛନ୍ତି ଅଭିଯୋଗକାରୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ବୁଧବାର ଦିନ ରାଫେଲ ଡିଲ୍ ସଂପର୍କୀତ ଡକ୍ୟୁମେଂଟ ଚୋରି ହୋଇଥିବା ନେଇ ସୁପ୍ରିମକୋର୍ଟରେ ପକ୍ଷ ରଖିବା ପରେ ସରକାରଙ୍କୁ ଟାର୍ଗେଟ କରିଥିଲେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ଫାଇଲ ଚୋରି ଘଟଣାର ଅପରାଧିକ ତଦନ୍ତ ପାଇଁ ସେ ଦାବି କରିଥିଲେ । ସ୍ଥିତି କ୍ରମେ ଗମ୍ଭୀର ହେଉଥିବାରୁ ଆରମ୍ଭ ହୋଇଛି ଡାମେଜ୍ କଂଟ୍ରୋଲ ପ୍ରକ୍ରିିୟା । ଭେନୁଗୋପଳ କହିଛନ୍ତି, ଯଶୋବନ୍ତ ସିହ୍ନା, ଅରୁଣ ସୌରୀ ଓ ପ୍ରଶାନ୍ତ ଭୂଷଣଙ୍କ ମିଳିତ ରିଭ୍ୟୁ ପିଟିସନରେ ଯେଉଁ ତିନିଟି ଡକ୍ୟୁମେଂଟ ଦିଆଯାଇଥିଲା, ତାହା ପ୍ରକୃତ କପିର ଫଟୋକପି ଥିଲା । ଫାଇଲ୍ ଚୋରି ହୋଇଥିବା ଦାବିରୁ ଓହରି ଯାଇଛନ୍ତି ଆଟର୍ନି ଜେନେରାଲ୍ ।