ବ୍ୟାଙ୍କ ଖାତାରୁ ଗାଏବ ହୋଇଯାଉଛି ଲକ୍ଷ ଲକ୍ଷ ଟଙ୍କା ! ସଚେତନ ରୁହନ୍ତୁ, ନଚେତ୍ ଆପଣ ବି ହୋଇପାରନ୍ତି ଏହି ଫ୍ରଡର ଶିକାର ।
କାନାରା ବ୍ୟାଙ୍କ ପରେ ଏବେ ପଞ୍ଜାବ ନ୍ୟାସନାଲ ବ୍ୟାଙ୍କରେ ମଧ୍ୟ ଏଟିଏମ୍ ଫ୍ରଡର ପର୍ଦ୍ଦାଫାସ ହୋଇଛି । ପିଏନବିର ୧୨ ଜଣ ଅଧିକାରୀ ଏବଂ କର୍ମଚାରୀମାନଙ୍କ ବ୍ୟତୀତ ୧୯ ଜଣ ଗ୍ରାହକଙ୍କର ଏଟିଏମରୁ ଲକ୍ଷ ଲକ୍ଷ ଟଙ୍କାର ଫ୍ରଡ ହୋଇଥିବା ଜଣାପଡିଛି । ବ୍ୟାଙ୍କ ପକ୍ଷରୁ ଘଟଣାର ରିପୋର୍ଟ ନେଇ ଥାନାରେ ଏତଲା ଦାୟର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, କିଛି ଦିନ ତଳେ ଗରିୟାହାଟରେ ଥିବା କାନାରା ବ୍ୟାଙ୍କ ଶାଖାରୁ ପାଖାପାଖି ୪୦ ଗ୍ରାହକଙ୍କ ଖାତାରୁ ଏଟିଏମ ମାଧ୍ୟମରେ ଲକ୍ଷ ଲକ୍ଷ ଟଙ୍କା ଗାୟବ ହୋଇଯାଇଥିବା ଘଟଣା ସାମ୍ନାକୁ ଆସିଛି । କୋଲକାତା ପୋଲିସର ଏସଆଇଟି ଦ୍ୱାରା ଘଟଣାର ଯାଞ୍ଚ ମଧ୍ୟରେ ଗତକାଲି ପଞ୍ଜାନ ନ୍ୟାସନାଲ ବ୍ୟାଙ୍କର ମଲ୍ଲିକ ବଜାର ସ୍ଥିତ ଏଟିଏମରୁ ୩୧ ଜଣ ଲୋକଙ୍କର ଖାତାରୁ ଲକ୍ଷ ଲକ୍ଷ ଟଙ୍କାର ଫ୍ରଡ ହୋଇଛି । ତେବେ ସବୁଠାରୁ ବଡ କଥା ହେଉଛି ଏଟିଏମ୍ ଫ୍ରଡ ଶିକାରରେ ବ୍ୟାଙ୍କର ହିଁ ୧୨ ଜଣ ଅଧିକାରୀ ଏବଂ କର୍ମଚାରୀ ସାମିଲ ଅଛନ୍ତି ।
ଅଭିଯୋଗ ପରେ ପୋଲିସ ପକ୍ଷରୁ ଛାନ୍ନଭିନ ଆରମ୍ଭ ହୋଇଛି । ମଲ୍ଲିକ ବଜାରରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରିବା ପରେ ପୋଲିସ ଜାଣିବାକୁ ପାଇଛି ଯେ, ଗତ ୫ ତାରିଖ ଏବଂ ୭ ତାରିଖରେ ମୁହଁରେ କଳାପଟି ବନ୍ଧାହୋଇଥିବା ଜଣେ ବ୍ୟକ୍ତି ରାତି ପ୍ରାୟ ୯.୪୦ ସମୟରେ ଏଟିଏମରେ ପ୍ରବେଶ କରିଥିଲେ । ତେବେ ପୋଲିସ ପକ୍ଷରୁ ତଦନ୍ତ ଜାରି ରହିଥିବା ବେଳେ ଅଭଯୁକ୍ତକୁ ଧରିବା ପାଇଁ ପୋଲିସ ପ୍ରଶାସନ ପକ୍ଷରୁ ଛାନଭିନ ଜୋରଦାର ହେଉଛି ।