ଦିଲ୍ଲୀ ଏମ୍ସରେ ରାତିରେ ରହିଲେ ପୂର୍ବତନ ପ୍ରଧାନମନ୍ତ୍ରୀ ଅଟଳବିହାରୀ ବାଜପେୟୀ: ସକାଳ ୯ଟାରେ ଜାରି ହେବ ହେଲଥ ବୁଲେଟିନ୍
କନକ ବ୍ୟୁରୋ: ଚିକିତ୍ସା ପାଇଁ ଦିଲ୍ଲୀ ଏମ୍ସରେ ଭର୍ତ୍ତି ହୋଇଥିବା ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି । ଆଜି ସକାଳ ୯ଟାରେ ଏମ୍ସ ପକ୍ଷରୁ ନୂଆ ବୁଲେଟିନ ଜାରି କରାଯିବ । ରୁଟିନ ଚେକଅପ ପାଇଁ ତାଙ୍କୁ ଏମ୍ସ ନିଆଯାଇଥିବା ବେଳେ ମେଡିକାଲରେ ଭର୍ତି କରିବା ପାଇଁ ଡାକ୍ତର ପରାମର୍ଶ ଦେଇଥିଲେ । ବିଭିନ୍ନ ବିଭାଗର ବରିଷ୍ଠ ଡାକ୍ତରଙ୍କ ଏକ ଟିିମ ମଧ୍ୟ ତାଙ୍କ ସ୍ୱାସ୍ଥ୍ୟ ଉପରେ ନଜର ରଖିଛନ୍ତି । ଡାକ୍ତର ଗୁଲେରିଆ ତିନି ଦଶନ୍ଧିରୁ ଅଧିକ ସମୟ ଧରି ବାଜପେୟୀଙ୍କ ଚିକିତ୍ସା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏମ୍ସକୁ ଯାଇ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା, ଏଲ୍କେ ଆଡଭାନୀ, ମୂରଲି ମନୋହର ଯୋଶୀ, କଂଗ୍ର୍ରେସ ସଭାପତି ରାହୁଲ ଗାନ୍ଧୀଙ୍କ ଭଳି ବହୁ ତୁଙ୍ଗ ନେତା ବାଜପେୟୀଙ୍କ ସ୍ୱାସ୍ଥ୍ୟାବସ୍ଥା ସମ୍ପର୍କରେ ପଚାରି ବୁଝିଛନ୍ତି । ଏହାରି ଭିତରେ ଏମ୍ସ ପକ୍ଷରୁ ସୂଚନା ଦିଆଯାଇଛି ଯେ ବାଜପେୟୀଙ୍କ ସ୍ୱାସ୍ଥ୍ୟାବସ୍ଥା ସମ୍ପୂର୍ଣ୍ଣ ସ୍ଥିର ରହିଛି । ୨୦୦୧ ମସିହାରେ ବାଜପେୟୀଙ୍କର ଆଣ୍ଠୁ ପ୍ରତିରୋପଣ ଭଳି ଅପରେସନ ହୋଇଛି ।
୨୦୦୯ ମସିହାରେ ହୃଦଘାତର ଶୀକାର ହୋଇଥିଲେ ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ । ୨୦୦୯ ପରବର୍ତୀ ସମୟରେ ବାଜପେୟୀଙ୍କ କହିବା ଶକ୍ତି କମିଯାଇଛି,ଏମିତିକି ପ୍ରାୟ କଥା ହୋଇପାରୁନାହାଁନ୍ତି । ସହଜରେ ବାଜପେୟୀ କାହାକୁ ଚିହ୍ନିପାରୁ ନଥିବା ଘଟଣା ବି ତାଙ୍କ ନିକଟ ସମ୍ପର୍କୀୟଙ୍କ ଜରିଆରେ ସାମ୍ନାକୁ ଆସିଛି । ଏମିତିକି ଅଟଳ ମଧୁମେହ ରୋଗରେ ବି ପୀଡିତ ଅଛନ୍ତି ଯାହାକୁ ଗୁରୁତ୍ୱର ସହ ନେଇ ତାଙ୍କର ଚିକିତ୍ସା ଚାଲିଥିବା ଜଣାପଡିଛି ।
ଅସୁସ୍ଥ ଥିବା ବାଜପେୟୀଙ୍କ ଦିନ କେମିତି କଟୁଛି
୯୩ ବର୍ଷିୟ ବାଜପେୟୀ କିଛି ବର୍ଷ ହେଲା ଅସୁସ୍ଥ ଅଛନ୍ତି । ଡିମେସିଆ ରୋଗରେ ସେ ପୀଡିତ ଅଛନ୍ତି । ୨୦୦୯ରୁ ତାଙ୍କର ସାହାରା ପାଲଟିଛି ହ୍ୱିଲଚେୟାର । ସମ୍ପର୍କୀୟଙ୍କ କହିବା ଅନୁସାରେ, ସେ କମ କଥାବାର୍ତା କରୁଛନ୍ତି । ସେ ପଢିପାରୁନାହାନ୍ତି କି ଲେଖିପାରୁନାହାନ୍ତି । କିନ୍ତୁ ବହୁତ ଟିଭି ଦେଖିଥାନ୍ତି । ପୁରୁଣା ଫିଲ୍ମ ଓ ଗୀତ ଶୁଣିବାରୁ ବହୁତ ଭଲ ପାଆନ୍ତି । ଦିଲ୍ଲୀ ବାସଭବନରେ ଏକ ଡାକ୍ତରୀ ଦଳ ୨୪ ଘଂଟା ବାଜପେୟୀଙ୍କ ସ୍ୱାସ୍ଥ୍ୟ ଉପରେ ନଜର ରଖିଥାନ୍ତି । ପ୍ରତ୍ୟେକ ଦିନ ସକାଳେ ବାଜପେୟୀଙ୍କୁ ଦେଖିବା ପାଇଁ ୪ ଜଣ ଫିଜିଓଥେରାପିଷ୍ଟ ଆସିଥାନ୍ତି । ଖାଇବା ପାଇଁ ବାଜପେୟୀଙ୍କୁ କେବଳ ତରଳଜାତୀୟ ପଦାର୍ଥ ଦିଆଯାଉଛି । ଦେଶର ସବୁଠାରୁ ବଡ ସମ୍ମାନ ଭାରତରତ୍ନ ବାଜଜେୟୀଙ୍କୁ ଦିଆଯାଇଛି ।