ହେମାଙ୍କ ଅଟଳ ପ୍ରଶଂସକ ! ଡ୍ରିମ୍ ଗର୍ଲଙ୍କୁ ପ୍ରଥମଥର ଦେଖି ଲାଜେଇ ଥିଲେ ପୂର୍ବତନ ପ୍ରଧାନମନ୍ତ୍ରୀ
୮୦ ଦଶକର ସୁପରହିଟ୍ ଅଭିନେତ୍ରୀ ହେମାମାଳିନୀ । ନିଜ ମତୁଆଲା ଅନ୍ଦାଜରେ ଦର୍ଶକଙ୍କ ହୃଦୟର ବନିଛନ୍ତି ଡ୍ରିମଗର୍ଲ । ଆଜି ବି ବଲିଉଡର ଏହି ଡ୍ରିମଗର୍ଲଙ୍କ ଲକ୍ଷ ଲକ୍ଷ ପ୍ରଶଂସକ । ତେବେ ଏହି ପ୍ରଶଂସକଙ୍କ ମଧ୍ୟରେ ଆଉଜଣେ ସାମିଲ୍ ହୋଇଛନ୍ତି । ସେ ହେଉଛନ୍ତି ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ । ଜାଣି ଆଶ୍ଚର୍ଯ୍ୟ ହେବେ ଅଟଳ ବିହାରୀ ହେମାମାଳିନୀଙ୍କ ଏକ ସିନେମା ୨୫ଥର ଦେଖିଛନ୍ତି । ଗୁରୁବାର ପାର୍ଟି ପ୍ରତିଷ୍ଠା ଦିବସ ଦିନ ଏକଥା ନିଜେ ଡ୍ରିମଗର୍ଲ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପତ୍ରିକାରେ ପ୍ରକାଶିତ ଖବର ଅନୁଯାୟୀ, ରାଜନୀତିକୁ ଆସିବା ପରେ ହେମାମାଳିନୀ ନିଜ ଭାଷଣରେ ଅନେକ ଥର ଅଟଳ ବିହାରୀଙ୍କ ବିଷୟରେ କୁହନ୍ତି । କିନ୍ତୁ ସେ ପର୍ଯ୍ୟନ୍ତ କେବେ ବି ତାଙ୍କୁ ଦେଖା କରିନଥିଲେ । ତେବେ ଏନେଇ ଦିନେ ସେ ବରିଷ୍ଠ ନେତା ମାନଙ୍କୁ ନିଜ ମନ କଥା କହିବା ସହ ଅଟଳ ବିହାରୀଙ୍କୁ ଦେଖା କରିବାକୁ ଇଛା ପ୍ରକାଶ କରିଥିଲେ ।
ଏହା ପରେ ଯେତେବେଳେ ହେମା ଯାଇଥିଲେ ସେତେବେଳେ ଅଟଳ ବିହାରୀ ତାଙ୍କୁ ଅଣଦେଖା କରିଥିଲେ । ସେଠାରେ ଉପସ୍ଥିତ ଜଣେ ମହିଳାଙ୍କୁ ହେମା ପଚାରିଥିଲେ କି ଅଟଳ ବିହାରୀ କାହିଁକି ତାଙ୍କ ସହ ଠିକ ଭାବରେ କଥା ହେଉନାହାଁନ୍ତି । ତେବେ ମହିଳାଙ୍କ ଉତ୍ତରରେ ହେମାମାଳିନୀ ଆଶ୍ଚର୍ଯ୍ୟର ସୀମା ରହି ନଥିଲା । ମହିଳା ଜଣକ କହିଥିଲେ ‘ପ୍ରକୃତରେ ଅଟଳ ବିାହରୀ ଆପଣଙ୍କର ବହୁତ ବଡ ପ୍ରଶଂସକ । ସେ ଆପଣଙ୍କ ସିନେମା ‘ସୀତା ଔର୍ ଗୀତା’କୁ ୨୫ ଥର ଦେଖିଛନ୍ତି । ଆଜି ହଠାତ୍ ଆପଣଙ୍କୁ ସାମ୍ନାରେ ଦେଖି ଟିକେ କୁଣ୍ଠାବୋଧ କରୁଛନ୍ତି’ ।