ନୂଆବର୍ଷକୁ ୧୬ ଥର ପାଳନ କରିବେ ୬ ଜଣ ମହାକାଶଚାରୀ : ନାସାର ସୂଚନା
ଚଳିତ ବର୍ଷ ନୂଆବର୍ଷର ଏକ ନିଆରା ଅନୁଭବ ନେବେ ମହାକାଶଚାରୀ । ବେଶ୍ ନିଆରା ଢ଼ଙ୍ଗରେ ନବବର୍ଷ ପାଳନ କରିବେ ୬ ଜଣ ମହାକାଶଚାରୀ । ଅନ୍ତର୍ଜାତୀୟ ମହାକାଶ ଷ୍ଟେସନ (ଆଇଇଏସଏସ୍)ରେ ୧୬ ଥର ନୂଆବର୍ଷର ମଜା ଉଠାଇବେ ୬ ଜଣ ମହାକାଶଚାରୀ ବୋଲି ନାସା ତରଫରୁ ସୂଚନା ମିଳିଛି । ତେବେ ଏହି ପରିକ୍ରମା ଭିତରେ ସେମାନେ ୧୬ ଥର ସୂର୍ଯ୍ୟେଦୋୟ ଓ ସୂର୍ଯ୍ୟାସ୍ତ ଦେଖିପାରିବେ । ଆମେରିକା ଅନ୍ତରୀକ୍ଷ ଏଜେନ୍ସି ଏକ ବ୍ଲକ ପୋଷ୍ଟ କରି ଏକଥା କହିଛନ୍ତି । ପୃଥିବୀ ଠାରୁ ୪୦୨.୩ କିଲୋମିଟର ଉଚ୍ଚରେ ନୂଆବର୍ଷ ନିଆରା ଅନୁଭବ ନେବେ ୬ ଜଣ ମହାକାଶଚାରୀ ।
Kanak News is now on WhatsApp
Join and get latest news updates delivered to you via WhatsApp
ଛଅ ଜଣ ମହାକାଶଚାରୀ ୨୦୧୭ର ଶେଷାର୍ଦ୍ଧରେ ପରିବାର ଲୋକଙ୍କୁ ସାକ୍ଷାତ କରିବା ପରେ ହିଁ ଏହି ଯାତ୍ରାର ଅନୁଭବ ନେବା ପାଇଁ ବାହରି ଯିବେ । ବତ୍ତର୍ମାନ ଏହି ଛଅ ମହାକାଶଚାରୀ ଦଳରେ ୩ ଜଣ ଆମେରିକୀ, ଦୁଇ ଜଣ ଋଷୀୟ ଏବଂ ଜଣେ ଜାପାନୀ ମହାକାଶଚାରୀ ସାମିଲ ଅଛନ୍ତି । ପୋଷ୍ଟ ଅନୁସାରେ ବତ୍ତର୍ମାନ ସମୟରେ ମହାକାଶଚାରୀ ଜୀବ ବିଜ୍ଞାନର ଅଧ୍ୟୟନ କରୁଛନ୍ତି । ଏହି ମିଶନରେ ମହାକାଶରେ ଲୋକେ କିପରି ସୁସ୍ଥ ରହିବେ ସେ ନେଇ ଅଧ୍ୟୟନ କରୁଛନ୍ତି ।
ତେବେ ସମସ୍ତ ୬ ଜଣ ମହାକାଶଚାରୀଙ୍କ ସ୍ୱାସ୍ଥ୍ୟ ପରୀକ୍ଷା ଶେଷ ହୋଇଛି । ଏବେ ସେମାନେ ସମ୍ପୂର୍ଣ୍ଣ ସୁସ୍ଥ ଓ ଯିବା ପାଇଁ ପ୍ରସ୍ତୁତ ବୋଲି ଡାକ୍ତର କହିଛନ୍ତି । ଏହାସହ ବୈଜ୍ଞାନିକମାନେ ମହାକାଶରେ ବୃକ୍ଷ କିପରି ମାେଇକ୍ରୋଗ୍ରାଭିଟିରେ ବଢ଼ିପାରିବି ସେ ନେଇ ଅଧ୍ୟୟନ ଆରମ୍ଭ କରିଛନ୍ତି । ଏହା ବ୍ୟତୀତ ଲୋକେ ସେଠାରେ କିପରି ଅଧିକ ଦିନ ରହିପାରିବେ ସେ ନେଇ ୟୁସଏଓ୍ ସ୍ପେସ୍ ଏଜେନ୍ସି ପରୀକ୍ଷା କରୁଛି ।