ଆସନ୍ତା ୨୫ରୁ ଗରମ ହେବ ଗୃହ । ଆରମ୍ଭ ହେବ ଷୋଡ଼ଶ ବିଧାନସଭାର ମୌସୁମୀ ଅଧିବେଶନ ।
କନକ ବ୍ୟୁରୋ: ଆସନ୍ତା ୨୫ରୁ ଷୋଡ଼ଶ ବିଧାନସଭାର ମୌସୁମୀ ବିଧାନସଭା ଅଧିବେଶନ । ମୌସୁମୀ ଅଧିବେଶନ ୨ଟି ପର୍ଯ୍ୟାୟରେ ବୋଲି ଜଣାପଡ଼ିଛି। ବିଧାନସଭାର ଅଧିବେଶନ ପ୍ରଥମ ପର୍ଯ୍ୟାୟରେ ଜୁନ ୨୫ରୁ ଜୁଲାଇ ୨ ଯାଏଁ ବସିବାକୁ ଥିବା ବେଳେ ଜୁଲାଇ ୧୨ ରୁ ଅଗଷ୍ଟ ୮ ତାରିପ ପର୍ଯ୍ୟନ୍ତ ଚାଲିବ ଅଧିବେଶନର ଦ୍ୱିତୀୟ ପର୍ଯ୍ୟାୟ ବୋଲି ସୂଚନା ଦେଇଛନ୍ତି ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଆଗାମୀ ମୌସୁମୀ ଅଧିବେଶନ ଅବସରରେ ଆସନ୍ତା ୨୮ତାରିଖରେ ବଜେଟ ଉପସ୍ଥାନପନ ହେବ। ଚଳିତ ବଜେଟ ଅଧିବେଶନରେ ୩୦ଟି କାର୍ଯ୍ୟ ଦିବସର ସ୍ଥିତିରିକୃତ ହୋଇଛି । ସରକାରୀ ବିଲ୍ ପାସ୍ ପାଇଁ ୩ ଓ ବେସରକାରୀ ବିଲ୍ ପାଇଁ ୩ଟି କାର୍ଯ୍ୟ ଦିବସ ରହିବ। ଏହା ପୂର୍ବରୁ ରାଜ୍ୟପାଳ ପ୍ରଫେସର ଗଣେଶୀ ଲାଲ ଜୁନ ୨୫ରେ ଅଭିଭାଷଣ ରଖିବେ ।
ଅନ୍ୟପଟେ ଆସନ୍ତା ବିଧାନସଭା ମୌସୁମୀ ଅଧିବେଶନ ପାଇଁ ବିଜେଡିର ବ୍ଲୁ-ପଣ୍ଟ୍ । ପଞ୍ଚମ ପାଳିର ପ୍ରଥମ ମୌସୁମୀ ଅଧିବେସନ ପୂର୍ବରୁ ବିଧାୟକଙ୍କ ସହ ରଣନୀତି ପ୍ରସ୍ତୁତ କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ବୈଠକ ପରେ, ନବୀନ କହିଛନ୍ତି କି, ରାଜ୍ୟର ସ୍ୱାର୍ଥ ନେଇ ବିଧାନସଭାରେ ସମସ୍ତ ପ୍ରକାର ଆଲୋଚନା କରିବାକୁ ପ୍ରସ୍ତୁତ ରହିଛି ବିଜେଡି । ୨୦୧୯ ନିର୍ବାଚନୀ ଇସ୍ତାହାରରେ ଦେଇଥିବା ପ୍ରତିଶ୍ରୁତି ପାଳନ କରିବୁ । ତେଣୁ ସଂଘୀୟ ବ୍ୟବସ୍ଥାରେ କେନ୍ଦ୍ର ସରକାରଙ୍କ ସହଯୋଗ ଆବଶ୍ୟକ ବୋଲି କହିଛନ୍ତି ନବୀନ ।
ସେପଟେ ଆସନ୍ତା ୨୫ ତାରିଖରୁ ବିଧାସଭା ମୌସୁମୀ ଅଧିବେଶନ ଆରମ୍ଭ ହେବ । ରାଜ୍ୟ ବିଜେପିର ବିଧାୟକ ଦଳ ନେତା କିଏ ହେବ ସେନେଇ ଦିଲ୍ଲୀ ଦରବାରରୁ ଆସିବ ଗ୍ରୀନ୍ ସିଗନାଲ । ଆଉ ଓଡ଼ିଶା ବିଜେପି ବିଧାୟକ ଦଳ ନେତା କିଏ ହେବ ସେନେଇ ନିଷ୍ପତି ନେବେ ବିଜେପି ରାଷ୍ଟ୍ରୀୟ ଅମିତ ଶାହା । ଆଜି ରାଜ୍ୟ ବିଜେପି କାର୍ଯ୍ୟାଳୟରେ ପାଖାପାଖି ଦେଢ଼ ଘଣ୍ଟାର ମାନସ ମନ୍ଥନ ପରେ ରାଷ୍ଟ୍ରୀୟ ଅଧ୍ୟକ୍ଷ ଶାହାଙ୍କ ପାଖକୁ ବିଧାୟକଙ୍କ ତାଲିକା ପଠାଇଛି ବିଜେପି ବୋଲି ବୈଠକ ପରେ କହିଛନ୍ତି ବିଜେପି ବିଧାୟକ ବିଷ୍ଣୁଚରଣ ସେଠୀ । ତେଣୁ ଆସନ୍ତା ଦିନେ କିମ୍ବା ଦୁଇ ଦିନ ମଧ୍ୟରେ ବିଜେପି ବିଧାୟକ ଦଳ ନେତା କିଏ ହେବ ସେନେଇ ସବୁଜ ସଂକେତ ଦେବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ।