ଦେଶର କୃଷକଙ୍କ ହାତରେ ବିଜେପି ଭାଗ୍ୟ ! ବିଜେପିର ଗଣିତ ବିଗାଡ଼ି ପାରନ୍ତି କୃଷକ,ଚିନ୍ତାରେ ମୋଦି ସରକାର
ଦେଶର ରାଜନୀତିରେ ୨୦୧୮ ବହୁତ ଗୁରୁତ୍ୱପୂର୍ଣ୍ଣ ଓ ନିର୍ଣ୍ଣାୟକ ସାବ୍ୟସ୍ତ ହେବ । ଚଳିତ ବର୍ଷ ଦେଶରେ ୮ଟି ରାଜ୍ୟରେ ବିଧାନସଭା ନିର୍ବାଚନ ହେବାର ଥିଲା । ଏପଟେ ଦେଶରେ ୨୦ଟି ରାଜ୍ୟରେ ବିଜୟ ହାସଲ କରିଥିବା ବିଜେପି ପାଇଁ ଏବେ ବିଜୟଧାର ବଜାୟ ରଖିବା ଏତେ ସମ୍ଭବ ହେବ ନାହିଁ । ଏହାର ଏକ ମୁଖ୍ୟ କାରଣ ହେଲେ କୃଷକ । ଆଗାମୀ ସମୟରେ କୃଷକମାନେ ହିଁ ବିଜେପିର ବିଜୟ ରାସ୍ତାରେ ଛିଡ଼ା ହୋଇପାରନ୍ତି ଏବଂ ଗଳାର କଣ୍ଟା ହୋଇପାରନ୍ତି । ଗତ ନିର୍ବାଚନରେ ଋଣଛାଡ଼ ସହ କୃଷକଙ୍କ ଆୟ ଦୁଇଗଣା କରିବା ପାଇଁ ପ୍ରତିଶ୍ରୁତି ଦେଇଥିଲା ବିଜେପି । କିନ୍ତୁ ଏପର୍ଯ୍ୟନ୍ତ ପ୍ରତିଶ୍ରୁତି ପାଳନ ହୋଇନଥିବାକରୁ ବିଜେପି ଶାସିତ ରାଜ୍ୟ ଗୁଡ଼ିକରେ ବିଜୟ ହାସଲ କରିବାରେ ଅସୁବିଧା ସୃଷ୍ଟି ହୋଇପାରେ । ସବୁଠାରୁ ବଡ଼ କଥା ହେଲା ଏବେ ପର୍ଯ୍ୟନ୍ତ ଏହି ରାଜ୍ୟ ଗୁଡ଼ିକରେ କୃଷକଙ୍କ ରାଗ ଆନ୍ଦୋଳନର ରୂପ ନେଇସାରିଛି । ତେବେ ଏପରିସ୍ଥଳେ ଚଳିତ ବର୍ଷ ଏହି ରାଜ୍ୟ ଗୁଡ଼ିକରେ ବିଧାନସଭା ନିର୍ବାଚନରେ କୃଷକ ବିଜେପିର ଗଣିତ ବିଗାଡ଼ି ପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ୨୦୧୭ରେ ପ୍ରଧାନମନ୍ତ୍ରୀଙ୍କ ନିଜ ଗଡ଼ ଗୁଜରାଟରେ ବିଧାନସଭା ନିର୍ବାଚନରେ ଗ୍ରାମୀଣ ଅଂଚଳରେ ବିଜେପି ଦୁର୍ବଳ ନଜର ଆସିଥିଲା । ମୋଦି ଲେହେର ସବୁ କିଛି ସମ୍ଭାଳି ନେଇଥିଲେ ମଧ୍ୟ ବିଜେପି ପାଇଁ ବିଜୟ ଏତେ ସହଜ ନଥିଲା । ଗୁଜରାଟର ଗ୍ରାମୀଣ କ୍ଷେତ୍ରରେ ୧୪ଟି ସିଟରେ ହାର ମାନିଥିଲା ବିଜେପି । ଅନ୍ୟପଟେ ରାଜ୍ୟରେ ଗ୍ରାମୀଣ କ୍ଷେତ୍ରରେ କଂଗ୍ରେସର ପ୍ରଦର୍ଶନ ଭଲ ରହିଥିଲା । ୨୦୧୨ରେ ଗୁଜରାଟ ବିଧାନସଭା ନିର୍ବାଚନରେ କଂଗ୍ରେସ ୫୭ ଗ୍ରାମୀଣ ସିଟରେ ହାତେଇଥବ ବେଳେ ୨୦୧୭ରେ ଏହା ବୃଦ୍ଧି ପାଇ କଂଗ୍ରେସ ୭୧ ଟି ସିଟରେ ପହଞ୍ଚି ଯାଇଥିଲା । ଅନ୍ୟପଟେ ବିଜେପି ୨୦୧୨ରେ ଗ୍ରାମୀଣ କ୍ଷେତ୍ରରେ ୭୭ ସିଟରେ ଜିତ୍ ହାସଲ କରିଥିଲା, ଯାହା ୨୦୧୭ ନିର୍ବାଚନରେ ନିର୍ବାଚନରେ କେବଳ ୫୭ ପର୍ଯ୍ୟନ୍ତ ପହଂଚିି ପାରିଥିଲା ।
୨୦୧୮ରେ ୮ଟି ରାଜ୍ୟରେ ବିଧାନସଭା ନିର୍ବାଚନ ହେବାର ଥିଲା । ଏଥିରେ ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼ ଓ କର୍ଣ୍ଣାଟକ ସାମିଲ ଅଛି । ଅନ୍ୟପଟେ ତ୍ରିିପୁରା, ମେଘାଳୟ, ମିଜୋରାମ ଓ ନାଗାଲାଣ୍ଡରେ ମଧ୍ୟ ନିର୍ବାଚନ ଥିଲା । ତେବେ ଗତ ୩ ମାର୍ଚ୍ଚରେ ମିଜୋରାମକୁ ଛାଡ଼ି ତ୍ରିିପୁରା, ମେଘାଳୟ ଓ ନାଗାଲାଣ୍ଡରେ ବିଧାନସଭା ନିର୍ବାଚନର ଫଳାଫଳ ଘୋଷିତ ହୋଇସାରିଛି । ତ୍ରିପୁରାରେ ୨୫ ବର୍ଷର ପର୍ଯ୍ୟନ୍ତ ଶାସନରେ ଥିବା ବାମ ମୋର୍ଚ୍ଚା ସରକାର ପରାଜିତ ହୋଇଛି । ଆଉ ସେପଟେ ବିଜେପି ହାତେଇଛି ଗଡ଼ । ଏପରିସ୍ଥଳେ କଂଗ୍ରେସ ମୁକ୍ତ ଭାରତର ସ୍ଲୋଗାନ ଦେଉଥିବା ବିେିଜପି ଉତ୍ତତ୍ତରପୂର୍ବରେ ନିଜ ସ୍ଥାନକୁ ମଜଭୁତ କରିବାରେ ସଫଳ ହୋଇଛି ଲାଗିଛି ।
ସେହିପରି ନାଗାଲାଣ୍ଡରେ ନ୍ୟାସନାଲ ଡେମୋକ୍ରାଟିକ୍ ପ୍ରୋଗ୍ରେସିଭ ପାର୍ଟି(ଏନଡିପିପି) ଏବଂ ବିଜେପି ମେଣ୍ଟ ସରକାର ଗଢ଼ିବା ନିଶ୍ଚିତ ହୋଇଛି । ଏନଡିପିପି ନେତା ତଥା ପୂର୍ବ ମୁଖ୍ୟମନ୍ତ୍ରୀ ନେଫ୍ୟୁ ରିଓ ଓ ବିଜେପି ନେତା ରାମ ମାଧବ ଆଜି ରାଜ୍ୟପାଳ ପି.ବି.ଆଚାର୍ଯ୍ୟଙ୍କୁ ଭେଟି ଆବଶ୍ୟକ ବିଧାୟକଙ୍କ ସମର୍ଥନ ଥିବା ଦାବି କରବା ସହ ସରକାର ଗଢ଼ିବାକୁ ଅନୁରୋଧ କରିଛନ୍ତି । ବିଜେପି-ଏନଡିପିପି ମେଣ୍ଟ ପାଖରେ ଆବଶ୍ୟକ ବହୁମତ ଥିବା ଅନୁଭବ କରି ରାଜ୍ୟପାଳ ସେମାନଙ୍କୁ ସରକାର ଗଢ଼ିବାକୁ ଅନୁମତି ଦେଇଥିବା ଜଣାପଡ଼ିଛି ।
ଅନ୍ୟପଟେ ମେଘାଳୟରେ ସରକାର ଗଠନ ନେଇ କଳ୍ପନା ଜଳ୍ପନାର ଅନ୍ତ ଘଟିଛି । ଝୁଲା ବିଧାନସଭାରେ ଆବଶ୍ୟକ କୁହୁକ ସଂଖ୍ୟା ହାସଲ କରିବାରେ ବିଫଳ ହୋଇଛି ସର୍ବାଧିକ ଆସନଧାରୀ କଂଗ୍ରେସ । ଅପରପକ୍ଷରେ ବିଜେପି-ଏନପିପି-ୟୁଡିପି ମେଣ୍ଟ ରାଜ୍ୟପାଳଙ୍କୁ ଭେଟି ୩୧ ସଦସ୍ୟଙ୍କ ସମର୍ଥନ ଥିବା ଦାବି କରିବା ପରେ ରାଜ୍ୟପାଳ ସେମାନଙ୍କୁ ସରକାର ଗଢିବା ପାଇଁ ଆମନ୍ତ୍ରଣ କରିଛନ୍ତି ।
ବିଜେପି ଶାସିତ ରାଜ୍ୟ ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼ ଓ କଂଗ୍ରେସ ଶାସିତ କର୍ଣ୍ଣାଟକରେ ନିର୍ବାଚନ ଦେଶର ରାଜନୀତି ପାଇଁ ନିର୍ଣ୍ଣାୟକ ମୋଡ଼ ନେବ । ବର୍ତ୍ତମାନ ସମୟରେ ଏହି ରାଜ୍ୟର କୃଷକମାନେ ଋଣଛାଡ଼ ଓ ଆୟ ଦୁଇ ଗୁଣା କରିବା ପାଇଁ ସରକାରଙ୍କ ପ୍ରତିଶ୍ରୁତିକୁ ଛଳନା ବୋଲି କହୁଛନ୍ତି । ଉପରୋକ୍ତ ରାଜ୍ୟ ଗୁଡ଼ିକର କୃଷକମାନେ କହୁଛନ୍ତି ବିଗତ ଥର ନିର୍ବାଚନରେ ମୋଦି ସରକାର କେବଳ ବଡ଼ ବଡ଼ ପ୍ରତିଶ୍ରୁତି ଦେଇଥିଲେ । କିନ୍ତୁ ଏଯାଏଁ ମୋଦି ସରକାର କୃଷକଙ୍କ ପାଇଁ ସେପରି କିଛି କରିନାହାନ୍ତି ବୋଲି ସେମାନଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି । କୃଷକଙ୍କ ପାଇଁ ଏଯାଏଁ ଋଣଛାଡ଼ ହୋଇନାହିଁ କି ଲାଭକାରୀ ମୂଲ୍ୟ ମଧ୍ୟ ମିଳିନାହିଁ । ତେବେ ଆଗାମୀ ସମୟରେ ପୁଣି ଥରେ ନିର୍ବାଚନ ହେବ । ଆଉ ସେଥିପାଇ କୃଷକଙ୍କୁ ନିଜ ଆଡ଼କୁ ଆକର୍ଷିତ କିରବା ପାଇଁ ସରକାର ବିଭିନ୍ନ ଯୋଜନା ମାନ ପ୍ରଣୟନ କରୁଛନ୍ତି । କିନ୍ତୁ ବର୍ତ୍ତମାନ କୃଷକ ମାନେ ସଚେତନ ହୋଇଗଲେଣି । ବିଧାନସଭାରେ ନିର୍ବାଚନରେ କୃଷକଙ୍କୁ ସହ ହୋଇଥିବା ଛଳନା ପାଇଁ ମୋଦି ସରକାରଙ୍କୁ ନିଶ୍ଚୟ ପସ୍ତେଇବେ ବୋଲି ସୋମନେ କହୁଛନ୍ତି ।
ତେବେ କାହିଁକି ରାଗିଛନ୍ତି କୃଷକ, ଆସନ୍ତୁ ଜାଣିବା ?
ସରକାର ଦେଇଥିବା ପ୍ରତିଶ୍ରୁତି ତଥା ଋଣଛାଡ଼ କଥା ଏପର୍ଯ୍ୟନ୍ତ ଲାଗୁ ହୋଇନାହିଁ । କୃଷକଙ୍କୁ ଉଚିତ ମୂଲ୍ୟ ଦିଆଯିବା ପାଇଁ ଦାବି ହେଉଛି । ମଣ୍ଡିରେ ଉଚିତ ମୂଲ୍ୟ ନିର୍ଦ୍ଧାରିତ ହେଉ ବୋଲି ମଧ୍ୟ ଦାବି ହୋଇଛ, ଯାହା ଏଯାଏଁ ହୋଇପାରି ନାହିଁ । ସ୍ୱାମୀନାଥନ୍ ଆୟୋଗ ସୁପାରିଶକୁ ଲାଗୁ କରିବା ପାଇଁ ମଧ୍ୟ ଦାବି ହେଉଛି । ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନରେ କୃଷକ ତାତି କି ଅଛନ୍ତି । ଆଗାମୀ ନିର୍ବାଚନରେ ମୋଦି ସରକାରଙ୍କ ପାଇଁ ଗଳାର କଣ୍ଟା ହୋଇ ଛିଡ଼ା ହୋଇପାରନ୍ତି କୃଷକ । ତେବେ ଆଗାମୀ ନିର୍ବାଚନକୁ ଆଖିରେ ରଖି ମୋଦି ସରକାର ଏବେ ଠାରୁ କୃଷକଙ୍କ ପାଇଁ ଯୋଜନାମାନ ଆରମ୍ଭ କଲେଣି । ଚଳିତ ବଜେଟରେ ମଧ୍ୟ କୃଷି ଓ କୃଷକଙ୍କ ଲାଭକୁ ନଜରରେ ରଖି ତିଆରି ହୋଇଛି ବଜେଟ୍ । ତେବେ ଆଗାମୀ ସମୟରେ ବିଜେପିର ଭାଗ୍ୟ କୃଷକ ମାନେ ନିଦ୍ଧାରଣ କରିବେ କହିଲେ ଅତ୍ୟୁକ୍ତି ହେବ ନାହିଁ ।