ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଚିଟଫଣ୍ଡ କମିସନଙ୍କ ବିବାଦୀୟ ବୟାନ ପ୍ରସଙ୍ଗରେ ହୁଲସ୍ତୁଲ ବିଧାନସଭା । ଜଷ୍ଟିସ ଏମଏମ ଦାସଙ୍କ ବହିଷ୍କାର ଦାବି ଜିଦ୍ରେ ଅଟଳ ବିରୋଧୀ । ଆଜିର ବିଧାନସଭା କାର୍ଯ୍ୟକ୍ରମ ଆରମ୍ଭରୁ ବିରୋଧୀ ଚିଟଫଣ୍ଡ କମିସନଙ୍କ ବହିଷ୍କାର ପ୍ରସଙ୍ଗ ଉଠାଇ ସରକାରଙ୍କୁ ଘେରିଥିଲେ । ବିରୋଧୀ ଦଳ ସଦସ୍ୟ ଗୃହର ମଧ୍ୟ ଭାଗରେ ହଟଗୋଳ କରିଥିଲେ, ଫଳରେ ପ୍ରଥମେ ଗୃହକୁ ଦିନ ସାଢେ ୧୧ ଟା ଯାଏଁ ମୁଲତବୀ କରାଯାଇଥିଲା । ପରେ ଗୃହକାର୍ଯ୍ୟ ଆରମ୍ଭ ହୋଇଥିଲେ ସୁଦ୍ଧା ସେହି ପ୍ରସଙ୍ଗକୁ ଦୋହରାଇ ଥିଲେ ବିରୋଧୀ । ଫଳରେ ପୁନର୍ବାର ଗୃହକୁ ଦିନ ସାଢେ ୧୨ଟା ଯାଏଁ ମୁଲତବୀ କରାଯାଇଛି । ଜଷ୍ଟିସଙ୍କ ବହିଷ୍କାର ଦାବି କରି ଗତକାଲି ଠାରୁ ଗୃହରେ ହଙ୍ଗାମା ଜାରି ରଖିଛନ୍ତି ବିରୋଧୀ କଂଗ୍ରେସ ଓ ବିଜେପି । ଫଳରେ ବିଧାନସଭାକୁ ବାରମ୍ବାର ମୁଲତବୀ ଘୋଷଣା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଚିଟଫଣ୍ଡ କମିଶନ ଅଧ୍ୟକ୍ଷ ପଦରୁ ଜଷ୍ଟିସ ଏମଏମ ଦାସଙ୍କୁ ହଟାଇବା ଲାଗି ଦାବି କରିଛି ସିଭିଲ ସୋସାଇଟି । ଏ ସଂପର୍କରେ ଆଜି ରାଜ୍ୟପାଳଙ୍କୁ ଭେଟି ଏକ ଦାବିପତ୍ର ଦିଆଯିବ ବୋଲି ସୋସାଇଟି ପକ୍ଷରୁ କୁହାଯାଇଛି । ଜମାକାରୀଙ୍କ ସ୍ୱାର୍ଥକୁ ଉପେକ୍ଷା କରୁଥିବା ଜଣେ ବ୍ୟକ୍ତିଙ୍କୁ ସରକାର, କମିଶନ ଅଧ୍ୟକ୍ଷ ପଦରେ ବସାଇଥିବାରୁ ତାଙ୍କୁ ତୁରନ୍ତ ହଟାଇବାକୁ ଦାବି କରିିଛି ସିଭିଲ ସୋସାଇଟି ।