ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ପୁଣି ବିଧାନସଭା ବନ୍ଦ କଲା ବିଜେଡି । ମହାନଦୀ ଓ ପୋଲାଭରମ୍ ପ୍ରସଙ୍ଗରେ କେନ୍ଦ୍ର ଓଡିଶା ପ୍ରତି ଅବହେଳ କରୁଛି ବୋଲି ଅଭିଯୋଗ ଆଣି ଶାସକ ଦଳ ବିଧାୟକମାନେ ହୋହଲ୍ଲା କରିଛନ୍ତି । ଏଥିସହ ବିଜେଡି ବିଧାୟକ ମାନେ ବିଧାନସଭା ପରିସରରେ ଗାନ୍ଧିମୂର୍ତି ତଳେ ବସି ଧାରଣା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ମଧ୍ୟ ବିଧାନସଭା ଆରମ୍ଭ ହେବା ମାତ୍ରେ ଶାସକ ଦଳର ସଦସ୍ୟମାନେ ହଟ୍ଟଗୋଳ ଆରମ୍ଭ କରିବାରୁ ବିଧାନସଭାକୁ ମୁଲତବୀ ରଖାଯାଇଥିଲା । ଆଜି ଶାସକ ଦଳର ବିଧାୟକମାନେ କହିଛନ୍ତି ବର୍ତମାନ ମହାନଦୀ ଏବଂ ପୋଲାଭରମ୍ ସବୁଠାରୁ ବଡ ପ୍ରସଙ୍ଗ। କଂଗ୍ରେସ ଓ ବିଜେପି ଏହି ପ୍ରସଙ୍ଗରେ ସେମାନଙ୍କ ଆଭିମୁଖ୍ୟ ସ୍ପଷ୍ଟ କରନ୍ତୁ ବୋଲି ବିଜେଡି ଦାବି କରିଛି।
ସେପଟେ ବିଧାନସଭା ଅଚଳାବସ୍ଥାକୁ ନେଇ ସରକାରଙ୍କୁ କଡା ସମାଲୋଚନା କରିଛନ୍ତି ବିରୋଧୀ । ଶାସକ ଦଳ ବିଧାୟକ ଗୃହକୁ ଅଚଳ କରୁଥିବାରୁ ବିରୋଧୀ ଦଳ ନେତା ନରସିଂହ ମିଶ୍ର ମୁଖ୍ୟମନ୍ତ୍ରୀଙ୍କୁ କଡା ସମାଲୋଚନା କରବା ସହ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି । ନରସିଂହ କହିଛନ୍ତି ମୁଖ୍ୟମନ୍ତ୍ରୀ ଓ ବାଚସ୍ପତି ଦିନ ଦ୍ୱିପ୍ରହରରେ ଗଣତନ୍ତ୍ରକୁ ହତ୍ୟା କରୁଛନ୍ତି । ମୁଖ୍ୟମନ୍ତ୍ରୀ ଗୃହର ମୁଖ୍ୟ, ଗୃହର ଗାରିମା ରକ୍ଷା କରିବା ତାଙ୍କର ଦାୟିତ୍ୱ । ମାତ୍ର ମୁଖ୍ୟମନ୍ତ୍ରୀ ଗୃହକୁ ଚଳାଇବାରେ ବିଫଳ ହୋଇଛନ୍ତି ।